1 Témɔ́tè 1:11 - Wè-dɔ-wè Dɛɛ

¹¹ Pɛ-zɔ̃̀ɔ̃̀-kɔ̀ wánà zɛ̀ e kília, lɛ wɔ̃́ làṹ yiè lɛ́ Wálà aà dɔ̀ kɛ m kɛ̀lɛ̀ɛ yí. Wɔ̃́ làṹ yiè e kília, lɛ́ɛ̀ go Wálà kpànazɛ̀ lɛ́ kò tɔ́ ɓɔɔ píé.

1 Témɔ́tè 1:11 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:14

“Tɔ́‐ɓɔ è kɛ Wálà kɛ̀lɛ̀ e pà lɛ̀í. Zò‐yà‐gé è kɛ mia lɛ́ o kpóṹ là, lɛ́ à zò è dà o píéa kɛ̀lɛ̀.”

Wólómà 2:16

Zí è lo kɛɛ̀ à ká lúó lɛ́ Wálà è lo à kɛɛ̀ Zízɛ̀ Kɛ́lɛ̀ì é mɛ̀ĩ́-sà dɔ mia zì yɛ́lɛ́-tàà-yí-wɔ̃̀ lɛ́ à bĩ̀ĩĩ̀ lɛɛ mɔ̀ɔ lɛ́ ɓɛ. Zi lɛ́ wɔ̃́ làṹ yiè lɛ́ m̀ gèea à gèe à káa lɛ́ ɓɛ.

1 Kɔ̀léĩ́tĩ̀ã̀ 9:17

Yé maà wɔ̃́ e kília sí m dìè yí ḿ à kɛɛ, m yɛ́lɛ́ lɛ́ɛ̀ lo kɛɛ̀ yi kɛ ḿ m fɔ́nɔ́ gɛ̃̀. Kɛɛ yé wɔ̃́ e kília kɛ-wɔ̃̀ lɛ m wĩĩ́a, kɛɛ Wálà lɛ́ aà wɔ̃́ kpɔ́ m kɔ̀ là ɓɛ.

2 Kɔ̀léĩ́tĩ̀ã̀ 4:4

Tã́ã̀ zèe mìà zì wálà aà mia lɛ́ o zò dɔɔ̀ wá Wálà mɔ̀ lɛ́ o kília, aà bĩ́ dà o wũ-kèlè yí. Lɛ́ɛ̀ o tèa lɛ̀-púlú lɛ́ è fɔ̀nɔ o bàa gɛ̃̀ɛ̃ɛ̃̀ mɔ̀. Lɛ̀ púlú e kéa lɛ́ɛ̀ go wɔ̃́ làṹ yiè lɛ́ è gbɛ̃̀ Kɛ́lɛ̀ì lɛ́ e Wálà bĩ́ káa, zì lɛ̀-fɔ̀nɔ-kɔ̀ kɛ̀lɛ̀.

2 Kɔ̀léĩ́tĩ̀ã̀ 4:6

Wálà a gèe mɔ́ kélɛ̀, “Lɛ̀ è fɔ̀nɔ bĩ́ tii bà.” Wálà nɔ́ doó e wɔ̃́ e kéa gèea, ye lɛ́ e à kɛ lɛ́ lɛ̀ e fɔ̀nɔ ko zò píéa. E à kɛ kíli kɛɛ é nu lɛ̀-púlú, lɛ́ e wɔ̃́ yí-dɔ-kɔ̀ lɛ́ à gbɛ̃̀ɛ̃̀ lɛ Wálà zì lɛ̀-fɔ̀nɔ-kɔ̀ mɔ̀ɔ ká ko píé. Lɛ̀-fɔ̀nɔ-kɔ̀ e kília lɛ́ɛ̀ lɛ̀ fɔ̀nɔ Kɛ́lɛ̀ì wɛlɛ yí.

Gɛ̀lésìà 2:7

Kɛɛ o à yí dɔ gbaa kélɛ̀ yɛɓo lɛ́ Wálà a nɔ m lɛ̀ɛ, lɛ́ e wɔ̃́ làṹ yièa gèè sɛ́lɛ́ gbɛɛ yí-mìà lɛ̀ɛ káa, zi nɔ́ doóa lɛ́ e yɛɓo lɛ́ e wɔ̃́ làṹ yièa gèè Zúù-mìà lɛ̀ɛ nɔ à ká Pílɛ̀ lɛ̀ɛ.

Ìfísɔ̃̀ 1:12

À mɔ́ɔ̀ wɔ̃̀ mɔ̀ɔ, mia lɛ́ ko kɛ mia bèĩzɛ̀ ká kó ko zò kɛ Kɛ́lɛ̀ì mɔ̀ɔ, kɔ̀à Wálà zì lɛ̀-fɔ̀nɔ-kɔ̀ɔ tɔ́ ɓɔ.

Ìfísɔ̃̀ 1:6

Kɔ̀à Wálà tɔ́ ɓɔ à zì zò-kɛ̀-sɛ̀ yí fɔ̀nɔɔ̀ɔ zɛ̀ ɓɛ wɛ̃́ĩ̀. Kɔ̀à à tɔ́ ɓɔ nɔ̀-lɛ̀ɛ-pɛ̀ lɛ́ a nɔ kɔa lɛ̀ɛ ɓɔ̀ɔ à zì lɔ̀-kɛ̀á-nɛ̀ yí zàáa mɔ́ɔ̀ wɔ̃̀ mɔ̀.

Ìfísɔ̃̀ 2:7

A kɛ kíli kɛɛ é à zɔ̃̀ɔ̃̀ mia lɛ̀ɛ lúó lɛ́ è lo nuùa ká kélɛ̀ à zì zò-kɛ̀-sɛ̀ lɛ́ e kɛ ko lɔ̀-kpɔ̀ à mɔ̀ ká, lɛ́ a zɔ̃̀ɔ̃̀ ko lɛ̀ɛ Kɛ́lɛ̀ì Zízɛ̀ yía, lɛ dóo kpànazɛ̀ yí gbùò zɛ̀.

Ìfísɔ̃̀ 3:10

kɛɛ lúó lɛ́ e pɛ́nɛɛ ɓea, mia yí gáàa zɛ̀ wà yíkɛ̀ gáàa nì lɛ́ o lɛ̀ séĩ́ lɛ́ lɛ lɛ̀ía mɔ̀ɔ, kɛɛ ó Wálà zì gíkã́ kpolà doò do zɛ̀ɛ dɔ à zì mia nì kolo là zàá.

Kɔ̀lɔ́sĩã̀ 1:25

Wálà aà m kɛ yɛɓo kɛ̀ là mia nì lɛ̀ɛ mì ká. E yɛɓo e kéa kpɔ́ m kɔ̀ là kɛ ḿ kɛ ka yee ka kɔ̀ ɓò à yí mɔ́ɔ̀ wɔ̃̀ mɔ̀. Yɛɓo e kília lɛ́ e Wálà là wééa séĩ́ gèe-wɔ̃̀ káa.

1 Tɛsàlónìà 2:4

Kɛɛ kóò wɔ̃́ gèe lɛ̀ zí Wálà à nàà kó gèe à káa lɛ́ ɓe, ɓii e wéé ko mɔ́ɔ̀ wɔ̃̀ mɔ̀, ɛ̃́ɛ̃́ e wɔ̃́ làṹ yièa kpɔ́ ko kɔ̀ là. Kòó à kɛ-zì naa kɛ mia zò é dà ko píé. Kɛɛ kóò à kɛ-zì nàà kɛ Wálà lɛ́ è ko zò píé mɛ́ nyɛɛ, kó zò-dà-wɔ̃̀ kɛ.

1 Témɔ́tè 2:7

Wɔ̃́ e kéa lɛ́ Wálà a mɔ́ɔ̀ m vɔ ɓo àpɔ́sɔ̀lɔ̀ ɛ̃́ɛ̃́ pɛ-zɔ̃̀ɔ̃̀-mì ká sɛ́lɛ́ gbɛɛ yí-mìà píé, kɛ ḿ zò-dɔ̀à-mɔ̀ wɔ̃̀ wà wánà-wɔ̃̀ɔ gèe lòũ̀ káa. Ma wá nɛ̀ kɛpìà i lɛ̀ɛ. Lɛ wánà-wɔ̃̀ ká lɛ́ m̀ gèea.

1 Témɔ́tè 6:15

À zì ɓìè-mia-là lɛ́ɛ̀ lo kɛɛ̀á e lúó kpó-kpó ká. Wálà lɛ́ lúà kpɔ́ɔ̀ lɛ à mɔ̀, lɛ́ à doóa lɛ mia Wũ-là-mì ká, ɛ̃́ɛ̃́ lɛ́ lɛ sɛ́lɛ́ líé-sí-mìà séĩ́ Líé-sí-mì ká, ɛ̃́ɛ̃́ mia dàa-mìà séĩ́ Dàa-mì káa, à ye lɛ́ è lo à kɛɛ̀ɛ.

1 Témɔ́tè 6:20

Témɔ́tè, pɛ lɛ́ waà kpɔ́ i kɔ̀ làa, ì i yɛ́lɛ́ yiè kɛ à píé. Wéé lɛ́ Wálà tɔ́ lɛ̀ɛ́ ɓɔ à ɓoò yíaò, e bɛ̀i, tèé yí gíniìa zɛ̀ dàaà, lɛ́ mia gbṹũ̀ ò à si gíkã́a, lɛ́ ye wá mɔṹ gíkã́ káa, ì o mɛ́ kpɔ́.

2 Témɔ́tè 1:11

Wálà aà m sí àpɔ́sɔ̀lɔ̀ wà pɛ-zɔ̃̀ɔ̃̀-mì ká, kɛɛ ḿ wɔ̃́ làṹ yièa gèe lòũ̀ ká.

2 Témɔ́tè 1:14

Wɔ̃́ yiè yiè lɛ́ à kpɔ́ɔ̀ lɛ i kɔ̀ làa, ì i yɛ́lɛ́ kɛ o mɔ̀ Gɛ̀ɛ̀ Púlú lɛ́ e ko yía, zì yíkɛ̀ gáàa kolo là zàá.

2 Témɔ́tè 2:2

Wɔ̃́ lɛ́ i m gɛ̃̀ máà gèè kélá vɔ̀ búnùzɛ̀ nyìɛ mɔ̀ɔ, ì o sí í o nɔ gɔ̃à lɛ́ ì bɛ̀i à mɔ̀ í i zò dɔ o mɔ̀, lɛ́ bɛ̀i è lo kɛɛ̀ o mɔ̀ kɛ ó pɛ zɔ̃̀ɔ̃̀ mia gbɛɛ bɛ̃̀ɛ̃ lɛ̀ɛ lɛ̀ɛ.

Tátɔ̀ 1:3

Ɛ́ɛ̃́ a zɔ̃̀ɔ̃̀ mia lɛ̀ɛ à zɔ̃̀ɔ̃̀-lùò ká à zì lé-wèa yí. Wálà e e lé-wè e kéa kpɔ́ m kɔ̀ là. Ɛ́ɛ̃́ ma bɛ̃̀ɛ̃, ḿm̀ à gèe lòũ̀ ká, ɓii zi lɛ́ ko La-mì Wálà a gèe ḿ kɛáa lɛ.