1 Témɔ́tè 1:1 - Wè-dɔ-wè Dɛɛ

¹ Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii ko La-mì Wálà, e bɛ̀i Kɛ́lɛ̀ì Zízɛ̀ lɛ́ ko zò lɛ à mɔ̀ɔ, waà gèe ḿ kɛáa mɔ́ɔ̀ wɔ̃̀ mɔ̀.

1 Témɔ́tè 1:1 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:47

M gɛ̀ɛ̀ gé lɛ́ɛ̀ li, Wálà lɛ́ e m La‐mì káa mɔ́ɔ̀ wɔ̃̀ mɔ̀.

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 2:11

Lúó e kéa káa, waà ka La‐mì ye Dèɓé pà. Ye lɛ́ e Kɛ́lɛ̀ì mia Dàa‐mì káa.

Àpɔ́sɔ̀lɔ̀ 9:15

Ko Dàa-mì a gèe à lɛ̀ɛ, “Ì lo. Ƃii maà sí, kɛ é yɛɓo kɛ m lɛ̀ɛ, kɛ é sɛ́lɛ́ gbɛɛ yí-mìà wà sɛ́lɛ́ líé-sí-mìà, ɛ̃́ɛ̃́ Éézɛ̀lɛ̀-mìà o kɛ, kɛ ó m tɔ́ dɔ.

Wólómà 1:1

Óò m si Pɔ́ɔ̀. M Kɛ́lɛ̀ì Zízɛ̀ là yɛɓo-kɛ-mì ká. Wálà aà m súo kɛ, kɛɛ ḿ kɛ àpɔ́sɔ̀lɔ̀ ká. E m yà kɔ̀ pɔ̃́ũ̀ doó mɔ̀, kɛ ḿ là wɔ̃́ làṹ yièa gèe.

1 Kɔ̀léĩ́tĩ̀ã̀ 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Ɛ́ɛ̃́ aà m súo kɛ, kɛ ḿ kɛ à ká. Kò m ɓɛ́ɛ ye-mì lɛ́ ò si Sɔ́sénìa,

1 Kɔ̀léĩ́tĩ̀ã̀ 9:17

Yé maà wɔ̃́ e kília sí m dìè yí ḿ à kɛɛ, m yɛ́lɛ́ lɛ́ɛ̀ lo kɛɛ̀ yi kɛ ḿ m fɔ́nɔ́ gɛ̃̀. Kɛɛ yé wɔ̃́ e kília kɛ-wɔ̃̀ lɛ m wĩĩ́a, kɛɛ Wálà lɛ́ aà wɔ̃́ kpɔ́ m kɔ̀ là ɓɛ.

2 Kɔ̀léĩ́tĩ̀ã̀ 1:1

Óò m si Pɔ́ɔ̀. M Kɛ́lɛ̀ì Zízɛ̀ là àpɔ́sɔ̀lɔ̀ ká, ɓii Wálà a naa ḿ kɛáa mɔ́ɔ̀ wɔ̃̀ mɔ̀. Kò m ɓɛ́ɛ ye-mì Témɔ́tè, kóò wèè Wálà-mìà lɛ́ ka Kɔ́lèĩ̀, ɛ̃́ɛ̃́ Wálà-mìà séĩ́ lɛ́ o Àkéyà-sɛ̀lɛ̀ kɔ̀ pɔ̃́ũ̀ tɛ̃̀ɛ̃́ɛ mɔ̀ɔ bà.

Gɛ̀lésìà 1:1

Óò m si Pɔ́ɔ̀. M àpɔ́sɔ̀lɔ̀ ká. M zì kɛ̀ àpɔ́sɔ̀lɔ̀ káa, à gã̀ lɛ̀ɛ́ gbaa gbɛ̃̀ mia kɛ̀lɛ̀. Ɛ́ɛ̃́ zeĩ́, mi gbɛɛ lɛ̀ɛ́ gbaa à kɛ kɛ ḿ kɛ àpɔ́sɔ̀lɔ̀ ká. Kɛɛ míá wa kɛɛ lɛ́ e Zízɛ̀ Kɛ́lɛ̀ì, ɛ̃́ɛ̃́ mia Dàa Wálà lɛ́ e Zízɛ̀ wɛ̀lɛ̀ ga kɛ̀lɛ̀ɛ káa.

Gɛ̀lésìà 1:11

M lèe-gé vɔ̀, tó ḿ gèe ka lɛ̀ɛ, wɔ̃́ làṹ yiè lɛ́ m̀ gèea, mia wá kɛ ó kɛ.

Kɔ̀lɔ́sĩã̀ 1:27

Wɔ̃́ lɛ́ Wálà à nàà à káa, gɛ̃̀ e ké. Láà nàà é là wɔ̃́ lɛ́ à bĩ̀ĩĩ̀ e kɛáa, kɛ là mia nì ó dɔ. Wɔ̃́ kpànazɛ̀, e bɛ̀i là yiè zɛ̀ lɛ́ à bĩ̀ĩĩ̀ e kɛáa, lɛ sɛ́lɛ́ séĩ́ yí-mìà lɛ̀ɛ. Là wɔ̃́ lɛ́ à bĩ̀ĩĩ̀ e kɛá kília, lɛ́ e kélɛ̀, Kɛ́lɛ̀ì lɛ ka yí. Wɔ̃́ lɛ́ mi zò lɛ à mɔ̀ kɛ á kɛ é lɛ̀-fɔ̀nɔ-kɔ̀ sɔ̀lɔ̀ ɓoa, lɛ́ ɓɛ.

2 Tɛsàlónìà 2:16

Ko Dàa-mì Zízɛ̀ Kɛ́lɛ̀ì dìè, ɛ̃́ɛ̃́ ko Dàa Wálà, lɛ́ ko lɔ̀ kpɔ́ɔ̀ lɛ à mɔ̀, lɛ́ e tòá kíli fã̀ã́-wàà wà zò-kɛ̀-pɛ-mɔ̀ yiè nɔ kɔa lɛ̀ɛ zò-kɛ̀-sɛ̀ kolo là zàáa,

1 Témɔ́tè 1:12

Ḿm̀ ko Dàa-mì Kɛ́lɛ̀ì Zízɛ̀ lɛ́ aà yíkɛ̀ gáàa nɔ m lɛ̀ɛ m̀ yɛɓoa kɛɛ̀ mɔ́ɔ̀ wɔ̃̀ mɔ̀ɔ zúo ɓo. Ḿm̀ à zúo ɓo m gɛ̃̀ a ɓo mi zò-dɔ̀à-mɔ̀ zɛ̀ ká, lɛ́ e m sí kɛ ḿ là yɛɓo kɛɛ mɔ́ɔ̀ wɔ̃̀ mɔ̀.

1 Témɔ́tè 2:3

Wɔ̃́ e kéa lɛ sɛ̀, ɛ̃́ɛ̃́ lɛ́ɛ̀ lo mia La-mì Wálà zò dàà.

1 Témɔ́tè 2:7

Wɔ̃́ e kéa lɛ́ Wálà a mɔ́ɔ̀ m vɔ ɓo àpɔ́sɔ̀lɔ̀ ɛ̃́ɛ̃́ pɛ-zɔ̃̀ɔ̃̀-mì ká sɛ́lɛ́ gbɛɛ yí-mìà píé, kɛ ḿ zò-dɔ̀à-mɔ̀ wɔ̃̀ wà wánà-wɔ̃̀ɔ gèe lòũ̀ káa. Ma wá nɛ̀ kɛpìà i lɛ̀ɛ. Lɛ wánà-wɔ̃̀ ká lɛ́ m̀ gèea.

1 Témɔ́tè 4:10

Ye lɛ́ kò mɔ́ɔ̀ à kɛ-zì nàà yɛɓo kɛ̀ gágà ká, ɓii ko zò lɛ Wálà ɓéèea mɔ̀. Wálà ɓéèe e kília lɛ́ e mia séĩ́ La-mì káa. Kɛɛ mia yé e o La-mì kpó-kpó káa, lɛ́ o mia lɛ́ o zò dɔɔ̀ lɛ à mɔ̀ɔ káa.

Tátɔ̀ 1:3

Ɛ́ɛ̃́ a zɔ̃̀ɔ̃̀ mia lɛ̀ɛ à zɔ̃̀ɔ̃̀-lùò ká à zì lé-wèa yí. Wálà e e lé-wè e kéa kpɔ́ m kɔ̀ là. Ɛ́ɛ̃́ ma bɛ̃̀ɛ̃, ḿm̀ à gèe lòũ̀ ká, ɓii zi lɛ́ ko La-mì Wálà a gèe ḿ kɛáa lɛ.

Tátɔ̀ 2:10

Yékɛ̀ ó kã̀ã ɓo o dàa-mìà nì mɔ̀. Kɛɛ lɛ o mɔ̀ ó zɔ̃̀ɔ̃̀ o dàa-mìà lɛ̀ɛ kélɛ̀ o sɔ̃̀ɔ̃ lɛ sɛ̀ teele, ɛ̃́ɛ̃́ o mia lɛ́ mi ì bɛ̀i i zò dɔɔ̀ o mɔ̀ɔ ká. Laa mɔ̀ é kɛ kíli kɛɛ mia ó wɔ̃́ yiè gèe pɛ-zɔ̃̀ɔ̃̀-kɔ̀ lɛ́ à gbɛ̃̀ɛ̃̀ lɛ ko La-mì Wálà mɔ̀ɔ, gbĩ mɔ̀ wɔ̃́ séĩ́ lɛ́ ò kɛ̀ɛ kolo là zàá.

Tátɔ̀ 2:13

lɛ̀ lɛ́ ko tĩã́ yàá lúó géli zɛ̀ lɛ́ ko zò lɛ à mɔ̀ é nua gɛ̀nɛ̀ɛ káa ká. Lúó e kília lɛ́ Zízɛ̀ Kɛ́lɛ̀ì, lɛ́ e kò Wálà kpànazɛ̀ e bɛ̀i ko La-mì káa, à zì lɛ̀-fɔ̀nɔ-kɔ̀ è lo ɓíèá mia làa.

Tátɔ̀ 3:4

Kɛɛ lɛ̀ lɛ́ ko La-mì Wálà zì sɔ̃̀ɔ̃-kɛ̀-sɛ̀ wà à zì mia lɔ̀-kpɔ̀à-mɔ̀ɔ ɓɔ̀-mia-là lùò e ɓɔɔ,

Tátɔ̀ 3:6

Wálà e Gɛ̀ɛ̀ Púlú káá ko là yí gbùò zɛ̀ Zízɛ̀ Kɛ́lɛ̀ì lɛ́ e ko La-mì káa kolo là zàá.

1 Pílɛ̀ 1:21

Ka zò dɔɔ̀ lɛ Wálà lɛ́ e à wɛ̀lɛ̀ ga kɛ̀lɛ̀, ɛ̃́ɛ̃́ lɛ́ e lɛ̀-fɔ̀nɔ-kɔ̀ nɔ à lɛ̀ɛ mɔ̀ à kolo là zàá. À mɔ́ɔ̀ wɔ̃̀ mɔ̀ɔ, ka zì zò-dɔ̀à-mɔ̀ wà ka zì zò-kɛ̀-pɛ-mɔ̀ lɛ Wálà yí.

1 Pílɛ̀ 1:3

Wálà lɛ́ e kɔa Dàa-mì Zízɛ̀ Kɛ́lɛ̀ì Dàa káa, kɔ̀à à tɔ́ ɓɔ. À zì mia yéĩ̀ kṹũ̀ kpànazɛ̀ɛ mɔ́ɔ̀ wɔ̃̀ mɔ̀ɔ, e kɛ̀ɓe dɛɛ nɔ kɔa lɛ̀ɛ Zízɛ̀ Kɛ́lɛ̀ì wɛ̀lɛ̀ a ɓo ga kɛ̀lɛ̀ɛ kolo là zàá. Wɔ̃́ e kéa láà kɛ̀, tó zò-kɛ̀-pɛ-mɔ̀ ɓéèe áà kɛ̀ ko yí.

2 Pílɛ̀ 1:1

Óò m si Sáímɔ̀ Pílɛ̀. M Zízɛ̀ Kɛ́lɛ̀ì là yɛɓo-kɛ-mì ɛ̃́ɛ̃́ là àpɔ́sɔ̀lɔ̀ ká. Ḿm̀ wèè mia lɛ́ kaà zò-dɔ̀à-mɔ̀ lɛ́ e kpànazɛ̀ lɛ̀ ko zìa lɛ́ ɓea, sɔ̀lɔ̀ ɓo kò Wálà lɛ́ e ko La-mì Zízɛ̀ Kɛ́lɛ̀ì káa, zì kɛ̀-kpeĩ-kɔ̀ kolo là zàáa bà.

1 Zɔ̃̀ɔ̃́ 4:14

Ɛ́ɛ̃́ ko bɛ̃̀ɛ̃ kɔaà gɛ̃̀, tó kɔ́áà kélá-wè ɓò kélɛ̀ mia Dàa e e Gbe vɔ kɛ é kɛ kpóṹ là zèe mìà La-mì ká.

Zúdè 1:25

Wálà lɛ́ e Wálà doóa ká, lɛ́ e ko La-mì káa, tɔ́-ɓɔ, e bɛ̀i yíkɛ̀ gáàa ɛ̃́ɛ̃́ kɛ̀-kpànazɛ̀, e bɛ̀i, tò-mia-là è kɛ là pɛ ká ko Dàa-mì Zízɛ̀ Kɛ́lɛ̀ì kolo là lúó séĩ́ lɛ́ aà diea píé, e bɛ̀i dɛɛ ká, ɛ̃́ɛ̃́ tòá-kíli ká. É kɛ kíli.