1 Zɔ̃̀ɔ̃́ 4:9 - Wè-dɔ-wè Dɛɛ

⁹ Zi lɛ́ Wálà a zɔ̃̀ɔ̃̀á kélɛ̀ ko lɔ̀ kpɔ́ɔ̀ lɛ à mɔ̀ɔ gɛ̃̀ e ké. E e Gbe nɔ́ doó e kɛ à kɛ̀lɛ̀ɛ vɔ kpóṹ là zèe, kɛɛ kó kɛ̀ɓe sɔ̀lɔ̀ ɓo à kolo là.

1 Zɔ̃̀ɔ̃́ 4:9 Iomraidhean Croise

WƆ̃́ LÀṸ YIÈ ZÍ MÁÀ E À BƐ̃̀Ɛ̃ À KÁA 12:6

Mi doó tóò e kɛ tĩã́ à ká gɔ̃́ɛɛ kɛ̀lɛ̀. Mía lɛ́ e tɔ́ là lɔ̀-kɛ̀á-nɛ̀. Yé e kɛ nɔ́ kília, e à vɔ o píé. Gɔ̃́ɛɛ a gèe kélɛ̀, ‘Óò lo ɓɛ̀lɛyà nɔɔ̀ m gbéa lɛ̀ɛ.’

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 4:18

“Ko Dàa‐mì là Gɛ̀ɛ̀ lɛ m là. Ƃii aà m sí, kɛ ḿ wɔ̃́ làṹ yièa gèe mia lɛ́ pɛ wá o kɛ̀lɛ̀ɛ lɛ̀ɛ. Aà m vɔ kɛ ḿ mi‐la‐wɔ̃̀ gèe bĩ́‐kɛ̀ì‐mìà lɛ̀ɛ lòũ̀ ká, ɛ̃́ɛ̃́ kɛ ḿ gèe mia lɛ́ o nyìɛ káà lɛɛ lɛ̀ɛ kélɛ̀ óò lo lɛ̀ gɛ̃̀ɛ̃̀ zeĩ́. Ɛ́ɛ̃́ zeĩ́, e m vɔ kɛ ḿ mia lɛ́ ò o lùò‐là kɛ̀ ɓoa, ɓo wɔ̃́ yí,

Zɔ̃̀ɔ̃́ 10:10

Kã̀ã-mì zì nú à ɓoa, lɛ́ɛ̀ nu kɛɛ é kã̀ã ɓo, ɛ̃́ɛ̃́ é mi zɛ, e bɛ̀i, é pɛ yí sìè. Ma yee, m nuù lɛ kɛ ó kɛ̀ɓe sɔ̀lɔ̀ ɓo, ɛ̃́ɛ̃́ zeĩ́ ó à sɔ̀lɔ̀ ɓo yí gbùò zɛ̀.

Zɔ̃̀ɔ̃́ 14:6

Zízɛ̀ a gèe à lɛ̀ɛ kélɛ̀, “Ma lɛ́ m zía, e bɛ̀i, wánà-wɔ̃̀ ɛ̃́ɛ̃́ kɛ̀ɓe káa. Mi gbɛɛ lɛ̀ɛ́ bɛ̀i ɓɔɔ̀ mia Dàa mɔ̀, yé lɛ̀ɛ́ kpɔ́ nɛ́ m làa ká.

Zɔ̃̀ɔ̃́ 3:16

Ƃii kpóṹ là zèe lɔ̀ kpɔ́ɔ̀ e kɛá Wálà mɔ̀ nyɔ́ɔ̀ɔ, lɛ́ a mɔ́ɔ̀ e Gbe doó nɔ́ e kɛ à kɛ̀lɛ̀ɛ nɔ ɓoa. A kɛ kíli, kɛɛ mi nɔ́ɔ fé lɛ́ è e zò dɔ à Gbé e kília mɔ̀ɔ, kɛ é kɛ̀ɓe wɔ́lɔ́-wɔ́lɔ́ sɔ̀lɔ̀ ɓo, yékɛ̀ é kɛ ga-mì ká.

Zɔ̃̀ɔ̃́ 3:18

Mi lɛ́ è e zò dɔ Wálà Gbe mɔ̀ɔ, mɛ̀ĩ́-sà káà wá à wĩĩ́. Kɛɛ mi lɛ́ lɛ̀ɛ́ e zò dɔ à mɔ̀ɔ, mɛ̀ĩ́-sà aà nyɛ kàà à wĩĩ́ mɔ̀, ɓii lɛ̀ɛ́ e zò dɔ nɛ́ Wálà Gbe doóa mɔ̀.

Zɔ̃̀ɔ̃́ 5:23

kɛɛ mia séĩ́ ó ɓɛ̀lɛyà nɔ à Gbe lɛ̀ɛ, zí ò nɔá mia Dàa lɛ̀ɛ ká. Mi lɛ́ lɛ̀ɛ́ ɓɛ̀lɛyà nɔ mi Gbe lɛ̀ɛ, kɛɛ lɛ̀ɛ́ ɓɛ̀lɛyà nɔ à Dàa lɛ́ e à vɔɔ lɛ̀ɛ.

Zɔ̃̀ɔ̃́ 6:29

Zízɛ̀ a là nìɛ̀ weeá kélɛ̀, “Yɛɓo lɛ́ Wálà à nàà ká kɛɛ, gɛ̃̀ e ké. Kà ka zò dɔ mi lɛ́ e à vɔɔ mɔ̀.”

Zɔ̃̀ɔ̃́ 6:51

Ma lɛ́ m belè ɓéèe lɛ́ e gó lɛ̀ía káa. Yé mi nɔ́ɔ fé aà belè e kéa ɓèlèa, lɛ́ɛ̀ lo kɛɛ̀ ɓe tòá-kíli ká. Belè lɛ́ m̀ lo à nɔɔ̀ à lɛ̀ɛ, lɛ́ e m nɔ̀ɛ káa. Ḿm̀ à nɔ, kɛɛ kpóṹ-là-mìà ó kɛ ɓe.”

Zɔ̃̀ɔ̃́ 6:57

Mia Dàa ɓéèea lɛ́ e m vɔɔ. Ɛ́ɛ̃́ m ɓe à kolo là zàá. Zi nɔ́ doóa káa, mi lɛ́ è lo m ɓèlèa, lɛ́ɛ̀ lo kɛɛ̀ ɓe m kolo là.

Zɔ̃̀ɔ̃́ 8:29

Ɛ́ɛ̃́ mí e m vɔɔ lɛ m píé. Lɛ̀ɛ́ m tó do m doó ká. Ƃii ḿm̀ wɔ̃́ è à zò dàa kɛ̀ teele.”

Zɔ̃̀ɔ̃́ 8:42

Zízɛ̀ a gèe o lɛ̀ɛ, “È kɛ̀á Wálà lɛ ka dàa kpó-kpó káa, m lɔ̀ áá kpɔ́ɔ̀ ka mɔ̀, ɓii m gó Wálà píé, lɛ́ m dɛɛ káa mɔ̀ zèea. M̀ḿ gbaa nu m dìè zì yíkɛ̀ gáàa ká. Kɛɛ à ye lɛ́ e m vɔɔ.

Zɔ̃̀ɔ̃́ 9:3

Zízɛ̀ a là nìɛ̀ kélɛ̀, “À nyìɛ lɛ̀ɛ́ gbaa káá e dìè zì kɛ-wɔ̃̀ yɔɔ, ɛ̃́ɛ̃́ à mìà nì zì kɛ-wɔ̃̀ yɔɔ wɛ̃́ĩ̀. À nyìɛ káà lɛ kɛɛ ó Wálà zì yíkɛ̀ gáàa gɛ̃̀, áà yɛɓo kɛ̀ à yí.

Wólómà 8:32

Lɛ̀ɛ́ gbaa kùnù à dìè-tĩ́ Gbe e kɛ à kɛ̀lɛ̀ɛ mɔ̀. Kɛɛ e à nɔ é wɔ̃́ nyɔ́ɔ̀ɔ gɛ̃̀ kɔa séĩ́ kɔa wɛ̃́ĩ̀. Yé e e Gbe yee nɔ ko lɛ̀ɛ, kɛ é gɔ̃́ pɛ séĩ́ nɔɔ̀ ko lɛ̀ɛ ɓɔ̀ɔ?

Hííbúlù 1:5

Ƃii Wálà làá gèe do là vɔ-mìàa dò nɔ́ɔ fé lɛ̀ɛ kélɛ̀, “I m Gbe ká. Maà kɛ gbaa i Dàa ká pɛ́nɛɛ.” Ɛ́ɛ̃́ kɛ bɛ̃̀ɛ̃ Wálà á gèe o dò lɛ̀ɛ kélɛ̀, “Ḿm̀ lo kɛɛ̀ à Dàa ká, Ɛ́ɛ̃́ à bɛ̃̀ɛ̃ lɛ́ɛ̀ lo kɛɛ̀ m Gbe ká.”

1 Zɔ̃̀ɔ̃́ 3:16

Zi lɛ́ kò lɔ̀-kɛ̀à-mɔ̀ dɔáa gɛ̃̀ e ké. Kɛ́lɛ̀ì e e zì kɛ̀ɓe nɔ ko wɛ̃́ĩ̀. À mɔ́ɔ̀ wɔ̃̀ mɔ̀ɔ, lɛ ko bɛ̃̀ɛ̃ ko mɔ̀ kɛ kó ko zì kɛ̀ɓe nɔ ko lèe-gé vɔ̀ wɛ̃́ĩ̀.

1 Zɔ̃̀ɔ̃́ 4:10

Lɔ̀-kɛ̀à-mɔ̀ lɛ́ e kélɛ̀, ye wá kélɛ̀ Wálà lɔ̀ kpɔ́ɔ̀ lɛ ko mɔ̀, kɛɛ ko lɔ̀ kpɔ́ɔ̀ lɛ à yee mɔ̀, ɛ̃́ɛ̃́ e e Gbe vɔ kɛɛ ko kɛ-wɔ̃̀ yɔɔ é ɓo ko mɔ̀ à dìè kolo là zàá.

1 Zɔ̃̀ɔ̃́ 4:16

Ɛ́ɛ̃́ ko dìè kóò ko lɔ̀ lɛ́ à kpɔ́ɔ̀ lɛ Wálà mɔ̀ɔ wɔ̃̀ yí dɔ, tó kɔ́áà gɛ̃̀ wánà ká. Wálà lɛ lɔ̀-kɛ̀à-mɔ̀ ká. Mi nɔ́ɔ fé lɛ́ è lo e yàlà kṹũ̀ lɔ̀-kɛ̀à-mɔ̀ yía, kɛɛ à yàlà kṹũ̀ lɛ Wálà yí, ɛ̃́ɛ̃́ Wálà bɛ̃̀ɛ̃ zì kṹũ̀ lɛ à yí.

1 Zɔ̃̀ɔ̃́ 5:11

Kélá-wè e kília gɛ̃̀ e ké. Wálà aà kɛ̀ɓe wɔ́lɔ́-wɔ́lɔ́ nɔ ko lɛ̀ɛ. Kɛ̀ɓe e kília lɛ à Gbe yí.

1 Zɔ̃̀ɔ̃́ 5:13

Ḿm̀ wɔ̃́ e kília bɛ̃̀ɛ̃ mia lɛ́ ka zò dɔɔ̀ lɛ Wálà Gbe tɔ́ mɔ̀ɔ píé, kɛɛ ká à yí dɔ kélɛ̀ kɛ̀ɓe wɔ́lɔ́-wɔ́lɔ́ lɛ ka kɛ̀lɛ̀.