1 Zɔ̃̀ɔ̃́ 4:7 - Wè-dɔ-wè Dɛɛ

⁷ M̀ lɔ̀-kɛ̀á-mìà, kɔa lɔ̀ è kpɔ́ kɔa kíe nì mɔ̀, ɓii lɔ̀-kɛ̀à-mɔ̀ lɛ́ɛ̀ go Wálà kɛ̀lɛ̀ɛ wɛ̃́ĩ̀. Mi lɛ́ è lo à lɔ̀ kɛɛ̀ mia káa, kɛɛ Wálà dìè ye-nɛ̀ lɛ́ e à káa. Ɛ́ɛ̃́ à bɛ̃̀ɛ̃ lɛ́ɛ̀ Wálà dɔ.

1 Zɔ̃̀ɔ̃́ 4:7 Iomraidhean Croise

Zɔ̃̀ɔ̃́ 13:34

M nupìà lɔ́ɔ̀ dɛɛ nɔɔ̀ ka lɛ̀ɛ. Ye lɛ́ e kélɛ̀, kà lɔ̀ kɛ ka kíe nì ká. Lɛ̀ zí maà à lɔ̀ kɛá ka káa, kà lɔ̀ kɛ ka kíe nì ká zi nɔ́ doóa ká.

Zɔ̃̀ɔ̃́ 17:3

Ɛ́ɛ̃́ kɛ̀ɓe wɔ́lɔ́-wɔ́lɔ́ gɛ̃̀ e ké. Ye lɛ́ e kélɛ̀, kɛɛ mia ó ɓí i Wálà wánà zɛ̀ doó ɓɛ káa dɔ, ɛ̃́ɛ̃́ kɛ zeĩ́ mia ó Zízɛ̀ Kɛ́lɛ̀ì lɛ́ ɓa vɔɔ dɔ.

1 Kɔ̀léĩ́tĩ̀ã̀ 8:3

Kɛɛ yé Wálà lɔ̀ aà kpɔ́ mi dò mɔ̀ɔ, Wálà lɛ́ɛ̀ à mɔ́ɔ̀ mì dɔ.

2 Kɔ̀léĩ́tĩ̀ã̀ 4:6

Wálà a gèe mɔ́ kélɛ̀, “Lɛ̀ è fɔ̀nɔ bĩ́ tii bà.” Wálà nɔ́ doó e wɔ̃́ e kéa gèea, ye lɛ́ e à kɛ lɛ́ lɛ̀ e fɔ̀nɔ ko zò píéa. E à kɛ kíli kɛɛ é nu lɛ̀-púlú, lɛ́ e wɔ̃́ yí-dɔ-kɔ̀ lɛ́ à gbɛ̃̀ɛ̃̀ lɛ Wálà zì lɛ̀-fɔ̀nɔ-kɔ̀ mɔ̀ɔ ká ko píé. Lɛ̀-fɔ̀nɔ-kɔ̀ e kília lɛ́ɛ̀ lɛ̀ fɔ̀nɔ Kɛ́lɛ̀ì wɛlɛ yí.

Gɛ̀lésìà 4:9

Kɛɛ lɛ̀ kaà Wálà dɔ gbaa — ḿ pe, lɛ̀ Wálà aà ka dɔ gbaa — mɛ́ e kɛ mɔṹ lɛ́ kà nàà ká nìɛ̀ ka mɛ̀ĩ́ pɛ fĩ́ĩ́-nyɛ zɛ̀ ɛ̃́ɛ̃́ yéĩ̀zɛ̀ lɛ́ o kɛ ka líé sípìàa píé ɓɛ? Mɛ́ e kɛ lɛ́ kà nàà ká kɛ wà lùò ká zeĩ́ dɛɛ ɓo ɓɛ?

Gɛ̀lésìà 5:22

Kɛɛ pɛ lɛ́ Gɛ̀ɛ̀ Púlú è ɓa à káa, lɛ́ e kélɛ̀, lɔ̀-kɛ̀à-mɔ̀, géli, e bɛ̀i, zò-yà-gé, ɛ̃́ɛ̃́ zò-kũ̀-tã́ã̀, e bɛ̀i, wɔ̃́ kɛ̀ mi lɛ̀ɛ zì yiè, sɔ̃̀ɔ̃-kɛ̀-sɛ̀, e bɛ̀i, mia zò-dɔ̀-i-mɔ̀,

2 Témɔ́tè 1:7

Ƃii Gɛ̀ɛ̀ lɛ́ Wálà aà nɔ ko lɛ̀ɛ, lɛ̀ɛ́ à kɛ kɛɛ yɛ́lɛ̀ é ko kɛ wɔ̃́ kɛɛ̀ yí. Kɛɛ à zì Gɛ̀ɛ̀ lɛ́ɛ̀ yíkɛ̀ gáàa, lɔ̀-kpɔ̀à-mɔ̀, e bɛ̀i dìè-kũ̀-tã́ã̀ nɔ ko lɛ̀ɛ.

1 Pílɛ̀ 1:22

Kaà wɔ̃́ wánà zɛ̀ɛ wéè kɛ. Wɔ̃́ e kéa kɛɛ̀ kolo làa, kaà ka dìè kɛ púlú, ɛ̃́ɛ̃́ ka lèe-gé vɔ̀ lɔ̀ kpó-kpó kpɔ́ɔ̀ lɛ ka mɔ̀. Lɛ̀ lɛ́ wɔ̃́ nì e kéa lɛ kília, ka kíe nì lɔ̀ è kpɔ́ ka mɔ̀ kpó-kpó ɓo, áà gò ka zò píé.

1 Zɔ̃̀ɔ̃́ 2:10

Mi lɛ́ à lèe-gé lɔ̀ kpɔ́ɔ̀ lɛ à mɔ̀ɔ à yàlà kṹũ̀ lɛ lɛ̀ fɔ̀nɔɔ̀ɔ yí. À mɔ́ɔ̀ wɔ̃̀ mɔ̀ɔ, wɔ̃́ gbɛɛ wá à mɔ̀ kɛ á kɛ mi dò é pèlè.

1 Zɔ̃̀ɔ̃́ 2:29

Káà yí dɔ kélɛ̀ Kɛ́lɛ̀ì lɛ kpeĩ. Lɛ̀ mɔṹ kà yí dɔ kília, káá mí è wɔ̃́ kpeĩ kɛ̀ɛ yí dɔɔ̀ Wálà dìè ye-nɛ̀ ká.

1 Zɔ̃̀ɔ̃́ 2:3

Yé kɔaà wɔ̃́ lɛ́ Wálà à gèe ko lɛ̀ɛ kɛɛ, kóò à yí kpó-kpó dɔ kélɛ̀ kóò à dɔ.

1 Zɔ̃̀ɔ̃́ 2:4

Yé mi dò aà gèe kélɛ̀ láà dɔ, tó lɛ̀ɛ́ wɔ̃́ lɛ́ à gèea kɛɛ, mi sùua lɛ nɛ̀-kɛ-mì ká. Wánà-wɔ̃̀ gbɛɛ wá à yí.

1 Zɔ̃̀ɔ̃́ 2:7

M̀ lɔ̀-kɛ̀á-mìà, lɔ́ɔ̀ lɛ́ m̀ bɛ̃̀ɛ̃ ka píé e kéa, ye wá wɔ̃́ dɛɛ ká. Lɛ lɔ́ɔ̀ zii lɛ́ aà kɛ mɔ́ ka kɛ̀lɛ̀ bèĩzɛ̀ɛ ká. Lɔ́ɔ̀ zii e kília lɛ́ e wéé lɛ́ kaà à maa káa.

1 Zɔ̃̀ɔ̃́ 3:9

Mi nɔ́ɔ fé lɛ́ lɛ Wálà dìè ye-nɛ̀ káa, lɛ̀ɛ́ ló e líé kɛ-wɔ̃̀ yɔɔ kɛɛ̀ ká. Ƃii Wálà zì wɔ̃́ kɛ-kɔ̀ tóò lɛ à kɔ̀ mɔ̀ɔ mɔ́ɔ̀ wɔ̃̀ mɔ̀. Ɛ́ɛ̃́ lɛ̀ɛ́ bɛ̀i lóò e líé kɛ-wɔ̃̀ yɔɔ kɛɛ̀ ká, ɓii Wálà e à yea mɔ́ɔ̀ wɔ̃̀ mɔ̀.

1 Zɔ̃̀ɔ̃́ 4:11

M̀ lɔ̀-kɛ̀á-mìà, é kɛ̀á zí e kéa lɛ́ ko lɔ̀ kpɔ́ɔ̀ lɛ à ká Wálà mɔ̀ɔ, kɛɛ lɛ mɔṹ ko mɔ̀ ko kíe nì lɔ̀ é kpɔ́ ko mɔ̀.

1 Zɔ̃̀ɔ̃́ 4:12

Mi nɔ́ɔ fé lɛ̀ɛ́ Wálà gɛ̃̀ do. Yé kɔaà lɔ̀ kɛ ko kíe nì káa, kɛɛ Wálà yàlà kṹũ̀ lɛ ko yí, ɛ̃́ɛ̃́ mia lɔ̀-kpɔ̀-Wálà-mɔ̀ kɛɛ̀ lɛ kpeĩ fɛ́fɛ́ le ko yí.

1 Zɔ̃̀ɔ̃́ 4:16

Ɛ́ɛ̃́ ko dìè kóò ko lɔ̀ lɛ́ à kpɔ́ɔ̀ lɛ Wálà mɔ̀ɔ wɔ̃̀ yí dɔ, tó kɔ́áà gɛ̃̀ wánà ká. Wálà lɛ lɔ̀-kɛ̀à-mɔ̀ ká. Mi nɔ́ɔ fé lɛ́ è lo e yàlà kṹũ̀ lɔ̀-kɛ̀à-mɔ̀ yía, kɛɛ à yàlà kṹũ̀ lɛ Wálà yí, ɛ̃́ɛ̃́ Wálà bɛ̃̀ɛ̃ zì kṹũ̀ lɛ à yí.

1 Zɔ̃̀ɔ̃́ 4:20

Yé mi dò aà gèe Wálà lɔ̀ kpɔ́ɔ̀ lɛ à mɔ̀, tó à lèe-gé lɔ̀ nyɛɛ̀ lɛ à mɔ̀ɔ, kɛɛ nɛ̀ kɛ-mì lɛ. Ƃii Wálà lɛ́ làá gɛ̃̀ doa, lɔ̀ lɛ̀ɛ́ bɛ̀i kpɔ́ɔ̀ à mɔ̀, yé à lèe-gé ké à gɛ̃̀ɛ, lɔ̀ lɛ̀ɛ́ kpɔ́ à mɔ̀ɔ ká.

1 Zɔ̃̀ɔ̃́ 4:8

Mi nɔ́ɔ fé lɛ́ mi lɔ̀ kpɔ́ɔ̀ wá à mɔ̀ɔ, lɛ̀ɛ́ Wálà dɔ, ɓii Wálà lɛ lɔ̀-kɛ̀à-mɔ̀ káa mɔ́ɔ̀ wɔ̃̀ mɔ̀.

1 Zɔ̃̀ɔ̃́ 5:1

Mi nɔ́ɔ fé lɛ́ à gɛ̃̀ wánà ká kélɛ̀ Zízɛ̀ lɛ Kɛ́lɛ̀ì káa, lɛ Wálà là ye-nɛ̀ ká. Ɛ́ɛ̃́ mi nɔ́ɔ fé lɛ́ nɛ́ dàa lɔ̀ kpɔ́ɔ̀ lɛ à mɔ̀ɔ, kɛɛ nɛ́ɛ bɛ̃̀ɛ̃ lɔ̀ kpɔ́ɔ̀ lɛ nɔ́ à mɔ̀ nɔ́ kíli.

2 Zɔ̃̀ɔ̃́ 1:5

Kɛɛ màá, ḿm̀ kpé kã i lɛ̀ɛ dɛɛ ká kélɛ̀ kɔa lɔ̀ è kpɔ́ kɔa kíe nì mɔ̀. Wɔ̃́ e kília ye wá lɔ́ɔ̀ dɛɛ ká kɛ ḿ bɛ̃̀ɛ̃ i píé. Lɛ nɔ́ lɔ́ɔ̀ lɛ́ e kɛ nɔ́ ko kɛ̀lɛ̀ wɔ̃́ gã̀-gbɛ̃̀pìàa ká.