1 Zɔ̃̀ɔ̃́ 2:8 - Wè-dɔ-wè Dɛɛ

⁸ É kɛ bɛ̃̀ɛ̃ kília, lɔ́ɔ̀ lɛ́ m̀ bɛ̃̀ɛ̃ ka píéa lɛ dɛɛ. À zì kɛ̀ wánà zɛ̀ zɔ̃̀ɔ̃ɔ̃̀ lɛ Kɛ́lɛ̀ì yí, ɛ̃́ɛ̃́ ka bɛ̃̀ɛ̃ ka yí nɔ́ kíli. Ƃii bĩ́ tii lɛ kã́pìà gbaa tã́ã̀. Ɛ́ɛ̃́ lɛ̀ fɔ̀nɔɔ̀ɔ wánà zɛ̀ ɓɛ lɛ lɛ̀ fɔ̀nɔpìà.

1 Zɔ̃̀ɔ̃́ 2:8 Iomraidhean Croise

Máfìù 4:16

Mia lɛ́ o yàaà e kɛá bĩ́ tii bàa, waà lɛ̀‐fɔ̀nɔ‐kɔ̀ kpàlézɛ̀ dò gɛ̃̀. Ɛ́ɛ̃́ mia lɛ́ o yàaà e kɛá sɛ́lɛ́ dò yí, tó ga bĩ́ nuù e kɛá o làa, lɛ̀ aà fɔ̀nɔ o bà.”

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 1:79

kɛɛ é lɛ̀ fɔ̀nɔ mia lɛ́ o yàá bĩ́ tii bà, ɛ̃́ɛ̃́ lɛ́ ga bĩ́ lɛ o làa bà, kɛ é zi lɛ́ è lo zò‐yà‐gé píéa, zɔ̃̀ɔ̃̀ ko gã̀ lɛ̀ɛ, kɔ́áà tò à píé.”

Zɔ̃̀ɔ̃́ 1:9

Lɛ̀ fɔ̀nɔɔ̀ɔ e kília lɛ́ e lɛ̀ fɔ̀nɔɔ̀ɔ kpó-kpóa káa. Lɛ̀-fɔ̀nɔ-kɔ̀ lɛ́ è lɛ̀ fɔ̀nɔ mia séĩ́ bà, lɛ́ e kɛ nupìà kpóṹ là zèea, lɛ́ ɓɛ.

Zɔ̃̀ɔ̃́ 12:35

Zízɛ̀ a gèe o lɛ̀ɛ, “Lɛ̀-fɔ̀nɔɔ̀ɔ lɛ́ɛ̀ lo kɛɛ̀ ka píé ɓéĩ́ ɓo gbèĩ. Lɛ̀ lɛ́ lɛ̀-fɔ̀nɔɔ̀ɔ lɛ tĩã́ ka bàa, kà kà táá ɓo, yékɛ̀ bĩ́ é mí ka mɔ̀. Ƃii mi lɛ́ è tàà bĩ́ bàa, lɛ̀ɛ́ lɛ̀ è lo yía dɔ.

Zɔ̃̀ɔ̃́ 12:46

Maà nu kpóṹ là zèe kɛ ḿ kɛ lɛ̀-fɔ̀nɔ-kɔ̀ ká, kɛ mi nɔ́ɔ fé lɛ́ è lo e zò dɔɔ̀ m mɔ̀ɔ, yékɛ̀ é tó bĩ́ tii bà.

Zɔ̃̀ɔ̃́ 13:34

M nupìà lɔ́ɔ̀ dɛɛ nɔɔ̀ ka lɛ̀ɛ. Ye lɛ́ e kélɛ̀, kà lɔ̀ kɛ ka kíe nì ká. Lɛ̀ zí maà à lɔ̀ kɛá ka káa, kà lɔ̀ kɛ ka kíe nì ká zi nɔ́ doóa ká.

Zɔ̃̀ɔ̃́ 8:12

Zízɛ̀ e mɛ́ĩ́ ɓo o lɛ̀ɛ zeĩ́ weeá kélɛ̀, “M kpóṹ là zèe zì lɛ̀ fɔ̀nɔɔ̀ɔ ká. Mí è lo tóò m píéa, lɛ́ɛ̀ lo kɛ̀ɓe zì lɛ̀ fɔ̀nɔɔ̀ɔ sɔ̀lɔ̀ ɓoò. Lɛ̀ɛ́ ló gbaa táà bĩ́ tii bà.”

Àpɔ́sɔ̀lɔ̀ 17:30

Lúó lɛ́ mia òó kɛ wɔ̃́ gbɛɛ yí dɔpìà à káa, Wálà e vɔ lúó e kília zì. Kɛɛ dɛɛ káa, lɛ́ɛ̀ à gèe mia séĩ́ lɛ́ o lɛ̀ séĩ́ mɔ̀ɔ lɛ̀ɛ, ó o sɔ̃̀ɔ̃ yɔɔ mɛ́ vɔ̀ɔ.

Àpɔ́sɔ̀lɔ̀ 26:18

Lɛ i mɔ̀ í o nyìɛ lé ɓo, ɓáà o ɓò bĩ́ tii yí, ɓáà o gbɛ̃̀ lɛ̀ púlú mɔ̀. Lɛ i mɔ̀ í o ɓo Sétɔ̃̀ là yíkɛ̀ gáàa wì, ó nu Wálà píé. Lɛ sɛ̀ ɓá kɛ kíli kɛ o zì zò-dɔ̀-m-mɔ̀ kolo là zàáa, kɛ o kɛ-wɔ̃̀ yɔɔ é ɓo o wũ mɔ̀, ɛ̃́ɛ̃́ kɛ ó o dɔ̀lɔ̀ gɛ̃̀ mia lɛ́ Wálà aà o kɛ e dìè là mia nì káa bà.’

Wólómà 13:12

Bĩ́míà ɓɛ̀lɛ̀-píé aà ló gbèĩ, ɛ̃́ɛ̃́ lɛ̀-kpɛ̀iì aà ko kṹ nɔ́ kɔ̃̀ɛ̃̀ɛ̃̀ le. Kɔ̀à tèá gbaa wɔ̃́ lɛ́ lɛ bĩ́míà là pɛ káa kɛɛ̀ ká, kɔ́á gèlè-gɔ̃-pɔ̀ɔ̀ lɛ́ mia ò gèlè gɔ̃ à ká lɛ̀-fɔ̀nɔɔ̀ɔ káa sí.

2 Kɔ̀léĩ́tĩ̀ã̀ 8:9

Ƃii káà ko Dàa-mì Zízɛ̀ Kɛ́lɛ̀ì zì zò-kɛ̀-sɛ̀ɛ dɔ. E e dìè kɛ mi lɛ́ pɛ wá à kɛ̀lɛ̀ɛ ká ka mɔ́ɔ̀ wɔ̃̀ mɔ̀, yé bɛ̃̀ɛ̃ e kɛ kpànazɛ̀ɛ ká. E à kɛ kíli kɛɛ ká kɛ kpànazɛ̀ à zì pɛ nyɛ̀ à kɛ̀lɛ̀ kolo là zàá.

Ìfísɔ̃̀ 5:8

Ka dìè ka mɔ́ bĩ́ tii bà. Kɛɛ yé kaà kɛ gbaa ko Dàa-mì là mia nì káa, ka gbaa lɛ̀ púlú mɔ̀. À mɔ́ɔ̀ wɔ̃̀ mɔ̀ɔ, lɛ ka mɔ̀ ká wɔ̃́ kɛ lɛ̀ mia lɛ́ lɛ̀ púlú lɛ o kɛ̀lɛ̀ɛ lɛ́ ò wɔ̃́ kɛ̀.

2 Témɔ́tè 1:10

Kɛɛ à zɔ̃̀ɔ̃ɔ̃̀ lɛ gbaa ko lɛ̀ɛ ko La-mì Kɛ́lɛ̀ì Zízɛ̀ nuù yí zàá. Aà à kɛ gbaa yíkɛ̀ gáàa wá gbaa ga kɛ̀lɛ̀. Ɛ́ɛ̃́ aà nu kɛ̀ɓe ɛ̃́ɛ̃́ kɛ̀ ɓéèe lɛ́ lɛ̀ɛ́ nyɛɛ ká gbaa lɛ̀ púlú mɔ̀ wɔ̃́ làṹ yièa kolo là zàá.

1 Pílɛ̀ 1:21

Ka zò dɔɔ̀ lɛ Wálà lɛ́ e à wɛ̀lɛ̀ ga kɛ̀lɛ̀, ɛ̃́ɛ̃́ lɛ́ e lɛ̀-fɔ̀nɔ-kɔ̀ nɔ à lɛ̀ɛ mɔ̀ à kolo là zàá. À mɔ́ɔ̀ wɔ̃̀ mɔ̀ɔ, ka zì zò-dɔ̀à-mɔ̀ wà ka zì zò-kɛ̀-pɛ-mɔ̀ lɛ Wálà yí.

1 Zɔ̃̀ɔ̃́ 3:23

Wɔ̃́ à gèe kó kɛɛ, gɛ̃̀ e ké. Láà gèe kó à Gbe Zízɛ̀ Kɛ́lɛ̀ì tɔ́ wɔ̃̀ gɛ̃̀ wánà ká, ɛ̃́ɛ̃́ kó à lɔ̀ kɛ ko kíe nì ká, lɛ̀ zí Kɛ́lɛ̀ì a gèe kó kɛáa lɛ́ ɓe.

1 Zɔ̃̀ɔ̃́ 4:11

M̀ lɔ̀-kɛ̀á-mìà, é kɛ̀á zí e kéa lɛ́ ko lɔ̀ kpɔ́ɔ̀ lɛ à ká Wálà mɔ̀ɔ, kɛɛ lɛ mɔṹ ko mɔ̀ ko kíe nì lɔ̀ é kpɔ́ ko mɔ̀.

1 Zɔ̃̀ɔ̃́ 4:21

Wɔ̃́ lɛ́ a gèe kó kɛɛ, gɛ̃̀ e ké. Mi lɛ́ Wálà lɔ̀ kpɔ́ɔ̀ lɛ à mɔ̀ɔ, laa mɔ̀ à lèe-gé lɔ̀ é kpɔ́ à mɔ̀ nɔ́ kíli.