1 Zɔ̃̀ɔ̃́ 2:7 - Wè-dɔ-wè Dɛɛ

⁷ M̀ lɔ̀-kɛ̀á-mìà, lɔ́ɔ̀ lɛ́ m̀ bɛ̃̀ɛ̃ ka píé e kéa, ye wá wɔ̃́ dɛɛ ká. Lɛ lɔ́ɔ̀ zii lɛ́ aà kɛ mɔ́ ka kɛ̀lɛ̀ bèĩzɛ̀ɛ ká. Lɔ́ɔ̀ zii e kília lɛ́ e wéé lɛ́ kaà à maa káa.

1 Zɔ̃̀ɔ̃́ 2:7 Iomraidhean Croise

Máfìù 5:43

“Kaà à ma do kélɛ̀ wa gèe mɔ́ kélɛ̀, ‘I yà‐sɔ́nɔ́‐mìà lɔ̀ è kpɔ́ i mɔ̀. I dàa‐gbe lɔ̀ è nyɛ i mɔ̀.’

Zɔ̃̀ɔ̃́ 13:34

M nupìà lɔ́ɔ̀ dɛɛ nɔɔ̀ ka lɛ̀ɛ. Ye lɛ́ e kélɛ̀, kà lɔ̀ kɛ ka kíe nì ká. Lɛ̀ zí maà à lɔ̀ kɛá ka káa, kà lɔ̀ kɛ ka kíe nì ká zi nɔ́ doóa ká.

Àpɔ́sɔ̀lɔ̀ 17:19

À mɔ́ɔ̀ wɔ̃̀ mɔ̀ɔ, o Pɔ́ɔ̀ sí, o ló à ká wà mɛ́ĩ́ ɓo-pìà lɛ́ ò si Awèlèápogàa lɛ̀ mɔ̀. Wa gèe kélɛ̀, “Kóò nàà kó pɛ-zɔ̃̀ɔ̃̀-kɔ̀ dɛɛ lɛ́ ɓà zɔ̃̀ɔ̃̀ e kéa yí ma.

Hííbúlù 6:9

Kɛɛ m̀ mia nì lɛ́ ka lɔ̀ kpɔ́ɔ̀ lɛ m mɔ̀ ɓɛ, yé bɛ̃̀ɛ̃ kò wɔ̃́ sùu e kéa gèea, ko zò dàà lɛ ka píé. Kóò à yí dɔ kélɛ̀ lúà kpànazɛ̀ lɛ́ lɛ ɓe la-ɓo lɛ́ ka sɔ̀lɔ̀ ɓoa wɛ̃́ĩ̀a, à kpɔ́ɔ̀ lɛ ka mɔ̀.

1 Zɔ̃̀ɔ̃́ 2:24

Wɔ̃́ lɛ́ kaà gbɛ̃̀ mɔ́ à maà ká wɔ̃́ gã̀-gbɛ̃̀pìàa, kà à tó é e yàlà kṹ ka yí. É kɛ̀á kaà kɛ wɔ̃́ lɛ́ kaà gbɛ̃̀ mɔ́ à maà ká wɔ̃́ gã̀-gbɛ̃̀pìàa aà e yàlà kṹ ka yía, ka yàlà kṹũ̀ lɛ́ɛ̀ lo kɛɛ̀á Mi Gbe wà mia Dàa o yí.

1 Zɔ̃̀ɔ̃́ 3:11

Wɔ̃́ làṹ lɛ́ kaà ma wɔ̃́ gã̀-gbɛ̃̀pìàa gɛ̃̀ e ké. Lɛ ko mɔ̀ lɔ̀-kɛ̀à-mɔ̀ é kɛ ko yí ko kíe nì wɛ̃́ĩ̀.

1 Zɔ̃̀ɔ̃́ 3:2

M̀ lɔ̀-kɛ̀á-mìà, ko Wálà là nɔ́ɔ̀ ká dɛɛ káa mɔ̀. Kɛɛ pɛ́ kò lo kɛɛ̀ à káa wɔ̃̀ wá nɛ́ e yí púlú zɛ̀ ká. Kɛɛ kóò à yí dɔ kélɛ̀ yé Kɛ́lɛ̀ì aà ɓíé mia làa, kóò lo kɛɛ̀ lɛ̀ à ye lɛ́ ɓe. Ƃii kóò lo à gɛ̃̀ɛ̃̀ lɛ̀ zí lɛ à ká lɛ́ ɓe.

1 Zɔ̃̀ɔ̃́ 3:21

M̀ lɔ̀-kɛ̀á-mìà, yé ko zò lɛ̀ɛ́ mɛ́ĩ́ káá ko wĩĩ́a, ko gé lɛ geleĩ Wálà wɛlɛ mɔ̀.

1 Zɔ̃̀ɔ̃́ 3:23

Wɔ̃́ à gèe kó kɛɛ, gɛ̃̀ e ké. Láà gèe kó à Gbe Zízɛ̀ Kɛ́lɛ̀ì tɔ́ wɔ̃̀ gɛ̃̀ wánà ká, ɛ̃́ɛ̃́ kó à lɔ̀ kɛ ko kíe nì ká, lɛ̀ zí Kɛ́lɛ̀ì a gèe kó kɛáa lɛ́ ɓe.

1 Zɔ̃̀ɔ̃́ 4:1

M̀ lɔ̀-kɛ̀á-mìà, yékɛ̀ ká mia séĩ́ lɛ́ ò gèe Gɛ̀ɛ̀ Púlú lɛ o píéa wéè gɛ̃̀ wánà ká. Kɛɛ kà o yí dã́ kɛɛ é kɛ̀á gɛ̀ɛ̀ lɛ́ e o yía lɛ́ɛ̀ go Wálà píéa ká yí dɔ. Ƃii mia lɛ́ ò gèe o dɔ̀-Wálà-lé-là-mìà ká, lɛ́ o wá mɔṹ à káa, o búnùzɛ̀ o lóò lɛ lɛ̀ séĩ́ mɔ̀.

1 Zɔ̃̀ɔ̃́ 4:11

M̀ lɔ̀-kɛ̀á-mìà, é kɛ̀á zí e kéa lɛ́ ko lɔ̀ kpɔ́ɔ̀ lɛ à ká Wálà mɔ̀ɔ, kɛɛ lɛ mɔṹ ko mɔ̀ ko kíe nì lɔ̀ é kpɔ́ ko mɔ̀.

1 Zɔ̃̀ɔ̃́ 4:21

Wɔ̃́ lɛ́ a gèe kó kɛɛ, gɛ̃̀ e ké. Mi lɛ́ Wálà lɔ̀ kpɔ́ɔ̀ lɛ à mɔ̀ɔ, laa mɔ̀ à lèe-gé lɔ̀ é kpɔ́ à mɔ̀ nɔ́ kíli.

1 Zɔ̃̀ɔ̃́ 4:7

M̀ lɔ̀-kɛ̀á-mìà, kɔa lɔ̀ è kpɔ́ kɔa kíe nì mɔ̀, ɓii lɔ̀-kɛ̀à-mɔ̀ lɛ́ɛ̀ go Wálà kɛ̀lɛ̀ɛ wɛ̃́ĩ̀. Mi lɛ́ è lo à lɔ̀ kɛɛ̀ mia káa, kɛɛ Wálà dìè ye-nɛ̀ lɛ́ e à káa. Ɛ́ɛ̃́ à bɛ̃̀ɛ̃ lɛ́ɛ̀ Wálà dɔ.