1 Zɔ̃̀ɔ̃́ 2:5 - Wè-dɔ-wè Dɛɛ

⁵ Kɛɛ mi lɛ́ è lo à wéè kɛɛ̀ɛ, lɛ́ e mi lɛ́ Wálà zì lɔ̀ kpɔ́ɔ̀ lɛ́ lɛ à mɔ̀ɔ kɛɛ̀ lɛ dóo kpeĩa káa. Pɛ́ à kɛ̀ kɔ́áà yí kpó-kpó dɔ̀ kélɛ̀ ko ɓe Wálà yía, ye lɛ́ e kélɛ̀,

1 Zɔ̃̀ɔ̃́ 2:5 Iomraidhean Croise

WƆ̃́ LÀṸ YIÈ ZÍ LÚÙ E À BƐ̃̀Ɛ̃ À KÁA 11:28

Kɛɛ Zízɛ̀ a gèe kélɛ̀, “Wɔ̃́ ɓáá gèeèa, ye lɛ́ e kélɛ̀, mia lɛ́ ò Wálà lé‐wè ma, wáà à kɛ̀ɛ, zò géli lɛ o kɛ̀lɛ̀.”

Zɔ̃̀ɔ̃́ 14:21

“Mi lɛ́ wɔ̃́ lɛ́ maà gèe à lɛ̀ɛ á kɛɛ lɛ à kɛ̀lɛ̀, tó áà kɛ̀ɛ, à ye lɛ́ m lɔ̀ kpɔ́ɔ̀ lɛ à mɔ̀ɔ. Mi lɛ́ m lɔ̀ kpɔ́ɔ̀ lɛ à mɔ̀ɔ, à lɔ̀ lɛ́ɛ̀ lo kpɔ́ɔ̀ m Dàa mɔ̀. À lɔ̀ lɛ́ɛ̀ lo kpɔ́ɔ̀ ma bɛ̃̀ɛ̃ m mɔ̀ nɔ́ kíli, ɛ̃́ɛ̃́ ḿm̀ lo m dìè wɔ̃̀ zɔ̃̀ɔ̃̀ à lɛ̀ɛ.”

Zɔ̃̀ɔ̃́ 14:23

Zízɛ̀ a là nìɛ̀ weeá kélɛ̀, “Mi lɛ́ m lɔ̀ kpɔ́ɔ̀ lɛ à mɔ̀ɔ, lɛ́ɛ̀ lo m wéè kɛɛ̀. M Dàa lɛ́ɛ̀ lo à lɔ̀ kɛɛ̀ à ká. Ɛ́ɛ̃́ kò m Dàa kóò lo nuù à píé, tó kò ye nì ko kɛ lɛ̀ doó mɔ̀.

Zɔ̃̀ɔ̃́ 15:5

“Ma lɛ́ m ɓɛ̀lɛ̀-wɛ́lɛ́-kɔ́ɔ́ɔ dìè káa. Ka bɛ̃̀ɛ̃, ka lɛ́ ka m kɔ̀ káa. Mi lɛ́ à yàlà kṹũ̀ è lo kɛɛ̀á m yí, lɛ́ ma bɛ̃̀ɛ̃ m zì kṹũ̀ lɛ à yía, lɛ́ɛ̀ lo ɓaà e ɓɛɛ ká gbùò, ɓii kàá bɛ̀i wɔ̃́ nɔ́ɔ fé kɛɛ̀ m tií.

Zɔ̃̀ɔ̃́ 6:56

Mi lɛ́ è lo m nɔ̀ɛ ɓèlè, ɛ̃́ɛ̃́ m léà miìa, kɛɛ à yàlà kṹũ̀ lɛ m yí, ɛ̃́ɛ̃́ ma bɛ̃̀ɛ̃ m zì kṹũ̀ laa yí.

Wólómà 8:1

À mɔ́ɔ̀ wɔ̃̀ mɔ̀ɔ, mɛ̀ĩ́-sà káà wá mia lɛ́ wà Kɛ́lɛ̀ì Zízɛ̀ nì o doóa o wĩĩ́ gbaa.

1 Kɔ̀léĩ́tĩ̀ã̀ 1:30

Kɛɛ Wálà aà kà Kɛ́lɛ̀ì Zízɛ̀ nì ka kɛ doó. Ɛ́ɛ̃́ Wálà aà Kɛ́lɛ̀ì kɛ ko zì gíkã́ ká. À ye lɛ́ a kɛ lɛ́ ko kɛ kpeĩ Wálà lɛ̀ɛ. Ɛ́ɛ̃́ zeĩ́a, e ko kɛ mia púlú ká Wálà lɛ̀ɛ. E bɛ̀i ko wũ mɛ́ ɓoò lɛ à kolo là zàá.

2 Kɔ̀léĩ́tĩ̀ã̀ 5:17

Yé mi dò wà Kɛ́lɛ̀ì waà kɛ doóa, lɛ gbaa mi dɛɛ lɛ́ lɛ ɓea ká. Là kɛ̀ɓe zii aà die. À dɛɛ aà nu gbaa.

2 Kɔ̀léĩ́tĩ̀ã̀ 5:21

Kɛ́lɛ̀ì lɛ̀ɛ́ gbaa kɛ-wɔ̃̀ yɔɔ nɔ́ɔ fé dò kɛ gbɛɛ ɓo. Kɛɛ Wálà a kɛ kɛ é dɔ ko zì kɛ-wɔ̃̀ yɔɔ yí ko mɔ́ɔ̀ wɔ̃̀ mɔ̀, kɛɛ kò ye nì ko kɛ̀ doó yía kó dɔ Wálà là kɛ̀-kpeĩ-kɔ̀ɔ yí.

Zĩ́ĩ̀ 2:22

Zi lɛ́ à zì zò-dɔ̀à-mɔ̀ wà à zì kɛ-wɔ̃̀ e yɛɓo kɛá e kíe làa, ɓàá gɛ̃̀? À zì zò-dɔ̀à-mɔ̀ kɛɛ̀ e kɛá kpeĩ fɛ́fɛ́ le à zì kɛ-wɔ̃̀ kolo là zàá.

1 Zɔ̃̀ɔ̃́ 3:24

Mi nɔ́ɔ fé lɛ́ è Wálà wéè kɛ̀ɛ, kɛɛ aà e yàlà kṹ Wálà yí, ɛ̃́ɛ̃́ Wálà bɛ̃̀ɛ̃ yàlà kṹũ̀ lɛ à yí nɔ́ kíli. Zi lɛ́ kò Wálà kɛ̀ ko yí míní si à káa, gɛ̃̀ e ké. Kóò à míní si Gɛ̀ɛ̀ lɛ́ aà nɔ ko lɛ̀ɛ kolo là.

1 Zɔ̃̀ɔ̃́ 4:17

Pɛ́ à kɛ̀ lɛ́ mia lɔ̀ lɛ́ à kpɔ́ɔ̀ lɛ ko mɔ̀ɔ, à kɛɛ̀ lɛ kpeĩ fɛ́fɛ́ lea lɛ́ e kélɛ̀, kɛ ko zò é kɛ yiè mɛ̀ĩ́-sà dɔ̀-mia-mɔ̀ lùò ká. Lɛ́ɛ̀ lo kɛɛ̀ kíli, ɓii ko zì kɛ̀ɓe lɛ́ ko pɛ́nɛɛ à yía, lɛ nɔ́ lɛ̀ Kɛ́lɛ̀ì zì lɛ́ ɓe.

1 Zɔ̃̀ɔ̃́ 4:18

Mi lɛ́ mi lɔ̀ kpɔ́ɔ̀ lɛ à mɔ̀ɔ, lɛ̀ɛ́ túó. Lɔ̀-kɛ̀à-mɔ̀ kpó-kpó lɛ́ɛ̀ túó yí lùò. Yé lɛ kília, mi lɛ́ è tùòa, kɛɛ à zì lɔ̀-kɛ̀à-mɔ̀ kɛɛ̀ wá kpeĩ fɛ́fɛ́ le. Ƃii wɔ̃́ nyɔ́ɔ̀ɔ gɛ̃̀ɛ̃ɛ̃̀ lɛ túó là pɛ ká.

1 Zɔ̃̀ɔ̃́ 5:2

Zí kò à yí dɔá kélɛ̀ Wálà là nɔ́ɔ̀ lɔ̀ kpɔ́ɔ̀ lɛ ko mɔ̀ɔ ye lɛ́ e kélɛ̀, yé kɔaà lɔ̀ kɛ Wálà ká, ɛ̃́ɛ̃́ lɛ́ kɔaà wɔ̃́ lɛ́ à gèe kó kɛɛ kɛɛ.

1 Zɔ̃̀ɔ̃́ 5:20

Kóò à yí dɔ kélɛ̀ Wálà Gbe aà nu. Ɛ́ɛ̃́ aà wɔ̃́ yí-ma-kɔ̀ nɔ ko lɛ̀ɛ, kɛɛ á kɛ kó Wálà wánà zɛ̀ ɓɛ dɔ. Ko Wálà wánà zɛ̀ ɓɛ yí, ko kɛ̀ à Gbe Zízɛ̀ Kɛ́lɛ̀ì yí kolo là zàá. Wálà wánà zɛ̀ ɛ̃́ɛ̃́ kɛ̀ɓe wɔ́lɔ́-wɔ́lɔ́ ɓɛ lɛ́ ɓɛ.

2 Zɔ̃̀ɔ̃́ 1:6

Lɔ̀-kɛ̀à-mɔ̀ e kília yí lɛ́ e kélɛ̀, lɛ à mɔ̀ kó táá Wálà wéè kɛɛ̀ ká. Lɔ́ɔ̀ lɛ́ kaà gbɛ̃̀ mɔ́ à maà ká wɔ̃́ gã̀-gbɛ̃̀pìàa gɛ̃̀ e ké. Lɛ ka mɔ̀ ká táá lɔ̀-kɛ̀à-mɔ̀ kpáá yí.

Wɛ̀lɛ̀vèlésɔ̃̀ 12:17

Wɔ̃́ e dálágɔ̃̀ɔ wàa gbaa kpó-kpó ɓo lééa píé. E ló gbaa áà gèlè gbìnì lééa sùu-là-mìà yé o tóa mɔ̀. Lééa sùu-là-mìà o kília o lɛ́ o mia séĩ́ lɛ́ ò wɔ̃́ lɛ́ Wálà à gèe ó kɛɛ kɛ̀, ɛ̃́ɛ̃́ lɛ́ ò kélá-wè ɓo Zízɛ̀ lɛ̀ɛ káa.

Wɛ̀lɛ̀vèlésɔ̃̀ 14:12

Wɔ̃́ e kéa yí lɛ́ e kélɛ̀, lɛ sɛ̀ Wálà là mia nì ó o zò kṹ tã́ã̀. Wálà là mia nì lɛ́ o mia lɛ́ ò wɔ̃́ lɛ́ Wálà à gèea kɛ̀, ɛ̃́ɛ̃́ lɛ́ ò o zò dɔ Zízɛ̀ mɔ̀ɔ káa.