Yoweli 3:8 - Mandinka Bible

⁸ M be ali dinkewolu niŋ ali dimmusoolu duŋ na Yahuuda moolu bulu le, ì ye ì waafi Sabeyankoolu ma, banku jamfariŋ baa.” Yaawe le ye a fo.

Yoweli 3:8 Iomraidhean Croise

Yuuba 1:15

bituŋ Sabeyankoolu ñapita ì kaŋ, ì ye ì samba, ì ye dookuulaalu faa niŋ hawusaroo* la. Nte doroŋ ne kanata ka naa a fo i ye.”

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yeremiya 30:16

“Bari silaŋ, mennu ye i baluu ali la, ì fanaa be ke la baluutaa ti le, aduŋ ali konnantewolu kiliŋ-wo-kiliŋ be taa mutoo kono le. Mennu ye ali ke ñapinkaŋ feŋo ti, ì be ke la ñapinkaŋ feŋo ti le. Mennu ye ali ke buusi feŋo ti, ì be ke la buusi feŋo ti le.

Yeremiya 6:20

Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

Esekiyeli 23:42

“Taramfaŋ bulu moolu niŋ maakaŋ baa le be ì fee jee, aniŋ kee siifaa jamaa, niŋ siiratoolu mennu bota naŋ keñewuloo* kono, ì ye bulutotaalu ke musoolu buloolu to, aniŋ ì ye ñarandiri feŋ ñiimaa baalu ke musoolu kuŋolu to.

Esekiyeli 38:13

Sebankoolu niŋ Dedaninkoolu niŋ juloolu mennu be Tarisi aniŋ a saateeriŋolu bee to, be a fo la ite Kooki ye le ko, ‘Fo i naata le ka tiñaaroo ke baŋ? Fo i ye i la ñiŋ kelediŋ kafu baa bendi ñoo kaŋ ne ka naa ñapi i jawoolu kaŋ, ka ì la feŋolu buusi ì la? Fo i be ì la sanoo niŋ kodiforoo taa la le, ka ì la beeyaŋolu niŋ ì la sotofeŋolu bee buusi ì la?’

5 Musa 32:30

Moo kiliŋo, wo si moo wuli kiliŋ bayi noo ñaadii le, moo fula ye wuliwuloolu borindi, fo niŋ Yaawe, ì la semberaŋ beroo bota ì koto, a ye ì duŋ ì jawoolu bulu?

Kiitindirilaalu 2:14

Yaawe naata kamfaa Banisirayilankoolu kamma baake. A ye ì duŋ boyinkannaalu bulu ka ì la feŋolu taa. A ye ì jawoolu marandi ì la karoo bee la. Ì maŋ naa i loo noo ì fee kotenke.

Kiitindirilaalu 4:2

Bituŋ Yaawe ye ì duŋ Yabini buloo kono, Kanaani mansa, meŋ be maraloo la Hasori saatewo to. A la kelediŋ kafu kuntiyo mu Sisera le ti, meŋ bota Haroseti-Hakoyimu.

Kiitindirilaalu 4:9

A ko a ye ko, “Kana hakili fula soto, n niŋ i be taa la ñoo la le. Bari jayiri maŋ tara i ye ñiŋ kuwo to, i be naa la meŋ ke la teŋ. Kaatu Yaawe be Sisera duŋ na musoo le buloo kono.” Bituŋ Debora niŋ Baraki taata ñoo la Kedesi.