Roomankoolu 10:20 - Mandinka Bible

²⁰ Wo to le Yesaya ye Alla la ñiŋ kumoo fo fatiyaa kono ko: “Moolu le ye n je, mennu buka n ñini. Ŋa m faŋo yitandi moolu le la, mennu buka n na kuu ñininkaa.”

Roomankoolu 10:20 Iomraidhean Croise

Kuma Kotoomaalu 28:1

Moo kuruŋo ka bori le, hani moo maŋ tara a nooma, bari moo tilindiŋo ka fatiyaa le ko jatoo.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Yesaya 52:15

Bari a be banku jamaa seneyandi la le, fo ì si m batu noo. Ate le be a tinna la, mansoolu jaakalitoo ye i deyi. Ì nene maŋ kuwo meŋ loŋ, ì be wo le je la, ì nene maŋ meŋ moyi, ì be wo le fahaamu la.”

Yesaya 58:1

Yaawe* ko: “Sari kendeke, kana i kaŋo jii. I kaŋo sikandi santo i ye sari ko bina kumakaŋo. N na moolu la balaŋo kankulaa ì ye, i ye Yaakuba koomalankoolu la junube kuwolu koyindi ì ma.

Matiyu 20:16

“Wo to labaŋolu le be ke la foloolu ti, aduŋ foloolu le be ke la labaŋolu ti.”

Luka 14:23

Wo to le buntiyo ko dookuulaa ye ko, ‘Taa sila baalu niŋ sirinkoolu to. I si moolu maaneenee ka naa konoto, fo n na buŋo si faa.

Roomankoolu 10:3

Ì maŋ wo tiliŋo loŋ, Alla ka meŋ dii, aduŋ ì maŋ i fammajii ka soŋ wo siloo la, bari ì ka ì fansuŋ katoo le ke ka tiliŋo soto.

Roomankoolu 9:30

Wo to saayiŋ, ǹ si muŋ ne fo? Moolu mennu maŋ ke Yahuudoolu ti, wolu maŋ tiliŋo ñini nuŋ, bari itolu le naata a soto, aduŋ wo tiliŋo ka naa ka bo niŋ lannoo le la.

Roomankoolu 9:31

Bari Banisirayilankoolu mennu ye tiliŋo ñini ka bo niŋ Luwaa la, ì niŋ ì la kata kuwolu maŋ a la yaamaroolu timmandi noo.

1 Yohana 4:19

Ŋà kanoo soto le, kaatu ate foloo le ye ǹ kanu.