Obadiya 1:5 - Mandinka Bible

⁵ “Niŋ sikarilaalu naata ali kaŋ, suŋolu ye naa ali kaŋ suutoo, fo ì te feŋolu doroŋ ne sika la baŋ, ì be suula la mennu na? Niŋ wayini* yiridiŋ katilaalu naata ali kaŋ, fo ì te feefeetaa tu la jee baŋ? Bari alitolu, ali bee le be kasaara la.

Obadiya 1:5 Iomraidhean Croise

2 Samuweli 1:19

A ko: Banisirayilankoolu, ali la ñaatonkoolu be laariŋ konkoolu kaŋ, ali a juubee, ǹ na kelejawaroolu boyita ñaameŋ!

Yesaya 14:12

Hee, Subaalooloo, Fanikewo Dinkewo, a juubee, i jolonta ñaameŋ ka bo saŋo santo! I la kuwo jiita le, i boyita duuma, ite meŋ nene ka bankoolu la kuwo jindi.

Yesaya 17:6

Banisirayila si muluŋ ko olifu* yiroo, ì ye meŋ diŋolu konkoŋ a bala, fo diŋ fula doroŋ waraŋ saba tuta a bala santo, kiliŋ-kiliŋolu ye tara a duuma la.” Yaawe Banisirayila la Alla le ye a fo.

Yesaya 24:13

Ñiŋ ne be ke la banku-wo-banku la, duniyaa bee kono. A bankoo la kenseŋyaa be muluŋ na le ko, niŋ ì ye olifu* yiribuloolu busa, ka diŋolu bee joloŋ ì bala, ko niŋ ì ye diŋ labaŋolu kati wayini suŋo bala.

Yeremiya 49:9

Niŋ wayini* yiridiŋ katilaalu le naata ali kamma, fo ì te karantaa tu la ali bala baŋ, waraŋ niŋ suuto suŋolu le mu, fo meŋ kaañanta ì fee, ì te wo doroŋ ne suuñaa la baŋ?

Yeremiya 50:23

Babiloni bankoo, duniyaa bee keleraŋ maritoo, wo le katiŋ-katinta teŋ! Babiloni le kenseŋyaata teŋ ka ke bankoolu ye kijaboo ti!

Yeremiya 6:9

Yaawe Alihawaa Maariyo ye ñiŋ ne fo ko: “Banisirayila moo toomaalu mennu be tu la, ì be wolu kiliŋ-kiliŋ karaŋ feefee la le ko ì ka yiridiŋolu karaŋ feefee ñaameŋ. Ì be a yiribuloolu bululakaraŋ feefee la le ko wayini* yiridiŋ kafuŋ-kafuŋ naa.”

Niikuyaa Suukuwolu 1:1

Ayiwaalii, ñiŋ saatewo le kiideeriŋo be siiriŋ teŋ, meŋ be faariŋ nuŋ moolu la tep! A naata ke furuyaamusoo ti teŋ, meŋ na kuwo warata nuŋ bankoolu kono! Ate meŋ keta saatewolu kono musumansoo* ti, a naata ke jommusoo ti.

Obadiya 1:9

Temani, i la kelejawaroolu bee le kija be bo la. Moo-wo-moo be Esawu konkotundoo kaŋ, ì bee le be faa la.” Yaawe le ye a fo.

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Sefaniya 2:15

Ñiŋ ne mu wo saatee taamaayaariŋo ti, meŋ tarata tankoo kono. A ko a faŋ ma ko, “Nte doroŋ ne mu, doo koteŋ maŋ soto.” A juubee a naata ke tumbuŋo ti ñaameŋ, a keta wulakono daafeŋolu taradulaa ti. Moo-wo-moo tambita niŋ jee la, a si foofooroo ke, a ye a kuŋo jiijaa.

5 Musa 24:21

Niŋ ali ye ali la wayini* yiri kankaŋolu kati, ali kana muru jee ka ì karaŋ. Wo ñanta tu la tumarankewolu, aliyatiimoolu aniŋ furuyaamusoolu le ye jee.

Lankenemoo 18:10

Ì te haañi la ka sutiyaa a la, kaatu a la yankankatoo be ì sila la le. Ì be a fo la le ko: “Kooroo, kooroo be ite saatee baa ye, ite saatee sembemaa baa, Babiloni. I la kiitiyo naata ì kaŋ waati kiliŋ.”