Obadiya 1:16 - Mandinka Bible

¹⁶ Ŋa Yahuuda moolu mindi n na jaraboo jiyo le la, n na konko senuŋo* kaŋ. M be ì dandanna bankoolu fanaa mindi la wo ñaa kiliŋo le ñaama, dandulaa te tara la meŋ na. Ì si a miŋ, ì ye a miŋ, fo ì bee ye yeemaŋ, komeŋ niŋ ì nene maŋ soto fereŋ.”

Obadiya 1:16 Iomraidhean Croise

Yesaya 42:14

Yaawe ko: “M meeta deyiriŋ baake le, ŋa m faŋ muta le, m buka feŋ fo. Bari saayiŋ n ka munta le ko niŋ musoo be tiŋo to. N ka sari le, ŋa n niijii kendeke, ŋa ŋuntaŋ.

Yeremiya 49:12

Yaawe ye ñiŋ ne fo ko: “Ŋa wo moolu mindi n na kamfaa mindaŋ faa la le, a maŋ jari ka mennu mindi a la. Wo to a be koyiriŋ ne ko, m be alitolu fanaa mindi la a la le. Ali te kana la jarabiroo ma, fo ali si n na kamfaa mindaŋo miŋ.

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Habakuki 1:9

Ì kataatoomaa le ka naa, ì hameriŋo ye kirimbaasi ñaato. Ì ye moo mutariŋolu jurumi ñoo kaŋ ko bankumunkoo.

1 Pita 4:17

Waatoo siita le ka kiitiyo dati Alla la dimbaayaalu la. Wo to, niŋ a datita ntolu la, muŋ ne be ke la wo moolu labaŋo ti, mennu maŋ Alla la kibaari betoo yaamaroolu muta?