Obadiya 1:15 - Mandinka Bible

¹⁵ “Luŋo sutiyaata naŋ ne, nte Yaawe be bankoolu bee kiitindi la meŋ na. Ali ye juloo meŋ duŋ, wo le be joo la ali to. Ali la baara kuwolu be kupi la ali faŋolu kuŋo le kaŋ.

Obadiya 1:15 Iomraidhean Croise

Esita 9:25

Bari kabiriŋ mansa ye ñiŋ feeroo kalamuta, a ye yaamari safeeriŋo le dii meŋ ye a tinna Hamani bulata a faŋo la mantooroo kono, aduŋ ì ye a niŋ a dinkewolu bee le deŋ moo dendulaa bala.

Yuuba 24:1

Muŋ ne ye a tinna Alla Tallaa maŋ waatoo londi kiitiyo ye? Muŋ ne ye a tinna hani a loŋ moolu faŋolu buka ñiŋ kiitiyo luŋo je noo?

Jabuuroolu 137:8

Ite Babiloni kasaaratoo diŋ, seewoo be moo le ye meŋ be i joo la kuwo la i ye meŋ ke ntolu la.

Kuma Kotoomaalu 5:22

Moo kuruŋo la kuu jawu kewolu le ka ke a ye kutindiŋo ti, a faŋo la junuboo le ka bataa kuwo saabu a ye.

Yeremiya 12:14

Yaawe ye ñiŋ ne fo ko: “N na moolu Banisirayilankoolu dandanna bankoolu bee, mennu buloo laata keetaafeŋo kaŋ, ŋa meŋ dii ì la, wolu la kuwo fele: M be ì wutu la ì la bankoolu kaŋ ne, aduŋ m be Yahuuda moolu bondi la naŋ ì kono le.

Yeremiya 49:12

Yaawe ye ñiŋ ne fo ko: “Ŋa wo moolu mindi n na kamfaa mindaŋ faa la le, a maŋ jari ka mennu mindi a la. Wo to a be koyiriŋ ne ko, m be alitolu fanaa mindi la a la le. Ali te kana la jarabiroo ma, fo ali si n na kamfaa mindaŋo miŋ.

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Yeremiya 51:56

Tiñaarilaa be naa a kaŋ ne, a be naa Babiloni le kamma, ì ye a kelejawaroolu muta, ì ye ì la kaloolu katiŋ-katiŋ, kaatu nte Yaawe mu julujoolaa le ti, m be juloo joo la le fo a ye sii.

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Esekiyeli 35:11

Bari a be koyiriŋ ñaameŋ ko nte Yaawe i Maariyo be baluuriŋ ne: M bulu be laa la alitolu Edomunkoolu kaŋ ne, ali ye kamfaa niŋ kiiliyaa meŋ yitandi n na moolu la, aduŋ ali ye konnanteeyaa le tiliŋ ì la. Niŋ ŋa n na kiitiyo teyi, i si a je n na kuwo si loŋ Banisirayila bankoo bee kaŋ.

Esekiyeli 35:15

Ko ali seewoota Banisirayilankoolu la keetaabankoo la kasaaroo niŋ a la kenseŋyaa la ñaameŋ, m bulu be laa la ali kaŋ wo le ñaama. Ite Seyiri Konkoo, i niŋ Edomu bankoo muumewo bee be kasaara la le, ali ye kenseŋyaa. Wo to le, ali be a loŋ na ko, nte le mu Yaawe ti.”

Yoweli 1:15

Kooroo luŋ, luŋ koleŋ baa! Yaawe la luŋo sutiyaata naŋ ne, luŋo meŋ Alla Tallaa be kasaaroo naati la naŋ.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

Amosi 5:18

Kooroo be boyi la ali kaŋ ne, alitolu mennu hameta Yaawe la ñiŋ luŋo la. Muŋ ne ye ali hamendi Yaawe la ñiŋ luŋo la? A be ke la diboo luŋo le ti, mala te soto la.

Amosi 5:20

A be koyiriŋ ne lewu ko, Yaawe la luŋo ñiŋ be ke la wo le ñaama. Diboo luŋo le mu, mala te soto la a la. Dibi fiŋ baa luŋo le mu, hani maloo domandiŋ te soto la a la.

Mika 5:15

N jusu kandiriŋo le be bankoolu jarabi la, mennu maŋ n na yaamaroo muta, n kamfaatoo baa le be n joo la ì to.”

Habakuki 2:8

Ali ye banku jamaa le ñapinkaŋ, ì niŋ ì la feŋolu. Wo to moolu mennu kanata wo bankoolu moolu kono, fanaa be ali ñapinkaŋ na le. Kaatu ali ye hadamadiŋolu le yeloo boŋ, ali ye bankoolu kasaara, saatewolu, ì niŋ ì moolu bee.”

Matiyu 7:2

Kaatu ali ye moo koteŋolu kiitindi ñaameŋ, ali fanaa be kiitindi la wo le ñaama, aduŋ ali ye a ke moolu ye ñaameŋ, a be ke la ali fanaa ye wo le ñaama.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.