Obadiya 1:1 - Mandinka Bible

¹ Maarii Yaawe* ye ñiŋ ne lankenemayandi Obadiya ma Edomu la kuwo to. Ŋà Yaawe la kiilaariyaa kumoo moyi le, aduŋ kiilaa kiita bankoolu kaŋ ne ka a fo ko, “Ali wuli ŋà taa Edomu kele.”

Obadiya 1:1 Iomraidhean Croise

1 Musa 25:30

A ko Yaakuba ye ko, “N so ŋa wo soso wuleŋ duuraŋo doo domo, kaatu konko baa le be n na.” Bituŋ wo kuwo kamma la, ì naata a kumandi Edomu la.

1 Musa 36:8

Bituŋ Esawu, meŋ mu Edomu ti, taata sabati Seyiri konkotundoo* kaŋ.

1 Musa 36:9

Ñiŋ ne mu Esawu koomalankoolu saataroo ti, Edomunkoolu bonsuŋo, mennu bee be Seyiri konkotundoo kaŋ.

Jabuuroolu 137:7

Hee Yaawe, i miira Edomunkoolu ye meŋ ke, luŋo meŋ na ǹ jawoolu ye Yerusalaamu saatewo muta. Ì tarata a fo kaŋ ne ko, “Ali a tumbuŋ de! Ali a tumbuŋ de, fo a fondamaŋolu to!”

Yesaya 21:11

Kiilaariyaa kumoo fele Duma la kuwo to. Doo le be n kumandi kaŋ ka bo Seyiri, a ko, “Kantarilaa, suutoo be tembe jumaa le to? Kantarilaa, suutoo be temberiŋ miŋ?”

Yesaya 21:12

Kantarilaa ye jaabiroo ke ko, “Soomandaa siita naŋ ne, aduŋ suutoo fanaa be naa le. Niŋ a diyaata i ye, ñaato i si ñininkaaroo ke. I si naa kotenke.”

Yesaya 30:4

Ì la kiilaalu futata Misira bankoo kaŋ ñaa-wo-ñaa, Sowani niŋ Hanesi saatewolu to,

Yeremiya 25:17

Bituŋ ŋa mindaŋo ñiŋ taa Yaawe buloo kono, ŋa bankoolu bee mindi a la, a ye n kii mennu kaŋ:

Yeremiya 25:21

Edomu, Mowabi, aniŋ Ammoni bankoolu fanaa,

Yeremiya 51:46

Ali kana jikilateyi ka sila, ka bo moyilaa-moyi kumoo la bankoo kaŋ, moyilaa-moyi kuma ñinaŋ, jaari moyilaa-moyi kuma, ko fitinoo le be bankoo kaŋ, ko mansa niŋ mansa le be keloo la.

Esekiyeli 35:1

Yaawe* la kumoo naata n kaŋ ko:

Yoweli 3:19

“Misira be ke la tumbuŋo le ti, Edomu ye ke keñewula* kenseŋo ti, ì la Yahuuda fitinoo kaŋ, ì ye moolu faa jee, mennu maŋ kuu ke.

Mika 2:13

Alla le be siloo yele la, a ye tambi ì ñaato, bituŋ ì ye a nooma. Ì ye tambi niŋ saatee dundaŋ daa la, ì ye finti. Ì la Mansa, Yaawe faŋo le be tambi la ì ñaato.

Matiyu 24:6

Ali be keloolu moyi la le, aniŋ kele kibaaroolu, bari ali kana sila, kaatu wo kuwolu ñanta ke la le, bari wo maŋ ke labandulaa ti.

Maaka 13:7

Ali be keloolu moyi la le, aniŋ kele kibaaroolu, bari ali kana sila. Wo kuwolu ñanta ke la le, bari wo maŋ ke labandulaa ti.