Nehemiya 3:16 - Mandinka Bible

¹⁶ Ate bala, Asibuki dinkewo Nehemiya, Beti-Suri kumandaŋ bankoo talantewo maralaa, le ye dulaa seyinkaŋ dadaa ka bo Dawuda la baadeekoo ñaatiliŋo la, ka taa fo dala dadaariŋo to, aniŋ Kelejawaroolu la Buŋo to.

Nehemiya 3:16 Iomraidhean Croise

2 Mansoolu 20:20

Hesekiya la mansayaa kuu koteŋolu, a ye kuu baalu mennu ke, aniŋ a ye daloo niŋ jiibori dinkoo dadaa ñaameŋ, meŋ ka jiyo samba naŋ saatewo kono, wolu bee safeeta Yahuuda Mansoolu la Taarika Kitaaboo le kono.

1 Taarika 2:45

Sammayi dinkewo mu Mawoni le ti, Mawoni, ate le ye Beti-Suri wuluu.

2 Taarika 11:7

Beti-Suri, Soko, Adullamu,

2 Taarika 16:14

Ì ye a baadee kaburoo kono, a faŋo ye meŋ siŋ Dawuda la Saatewo* to. Ì ye a la kaburoo kono fandi karabaanijiyo niŋ seerandi feŋ diimaa koteŋolu la, ì ye mennu ñaami. Aduŋ ì ye dimbaa baa mala a buuñaa kamma.

Nehemiya 2:14

Bituŋ n tententa ka taa Woyito Dundaŋ Daa to, aniŋ Mansa Daloo to, bari dulaa maŋ soto jee n na beeyaŋo si tambi noo daameŋ to la.

Nehemiya 3:12

Itolu bala, Hallohesi dinkewo Sallumu, Yerusalaamu kumandaŋ bankoo talantewo maralaa, le ye kara doo seyinkaŋ dadaa, a niŋ a dimmusoolu.

Nehemiya 3:14

Rekabu dinkewo Malikiya, Beti-Hakeremu kumandaŋ bankoo maralaa, le ye Suntukunto Dundaŋ Daa seyinkaŋ dadaa. A ye a loo le, ka daa tawundaŋo ke a la, sorondaŋolu, aniŋ bantambiloolu.

Nehemiya 3:17

Ate bala, Lewi lasiloo le ye seyinkaŋ dadaaroo ke Bani dinkewo Rehumu koto. Ate bala, Hasabiya, Keyila kumandaŋ bankoo talantewo maralaa, le ye seyinkaŋ dadaaroo ke a la kumandaŋ bankoo ye.

Nehemiya 3:9

Itolu bala, Huri dinkewo Refaya, Yerusalaamu kumandaŋ bankoo talantewo maralaa, le ye seyinkaŋ dadaaroo ke.

Kawandilaa 2:6

Ŋa daloolu siŋ, ka ñiŋ yiroolu jiiboŋ mennu be yiriwaa kaŋ.

Suukuwo 3:7

A fele, Sulemani sambaraŋ siiraŋo le mu, Kelelaa baa taŋ wooro le be a dandaŋo la, Banisirayila kelejawaroolu.

Yesaya 22:11

Ali ye jii maabodulaa doo dadaa saatewo tata sansaŋ fuloo teema, ka jiyo ke jee meŋ bota Dala Kotoo to. Bari Alla meŋ ye ñiŋ laa ali kaŋ, ali maŋ wo la kuwo hakilitu, waraŋ ali hakiloo si bula a la, meŋ ye ñiŋ kuwo feere waati jaŋ koomanto.

Yesaya 22:9

Ali ye a je le ko, Dawuda la Saatewo* Yerusalaamu sansaŋo ye funtaŋ jamaa le soto. Ali ye Yerusalaamu buŋolu bee konti le, ali ye doolu boyi ka sansaŋolu suki a beroolu la. Ali ye jiyo maabo daloo to le ì ye meŋ toolaa Duuma Daloo la.

Yesaya 7:3

Wo to le, Yaawe* ko Yesaya ye ko, “I niŋ i dinkewo Sewari Yasubu ye taa Ahasi benduŋ. A be siloo kaŋ jiibori dinkoo dandulaa maafaŋo la, meŋ ka woyi naŋ ka bo santo daloo to, ka taa Kuuru Dulaa.

Kiilaalu 2:29

“M baadiŋolu, m batu, ŋa a seneyandi ali ma. Ñiŋ m̀ mumu Dawuda faata le, ì ye a baadee. A la kaburoo be m̀ fee le fo bii ñiŋ luŋo la.

Yosuwa 15:58

Halihuli, Beti-Suri, Kedori,