Matiyu 12:25 - Mandinka Bible

²⁵ Bari Yeesu ye ì la miiroolu loŋ ne. A ko ì ye ko, “Mansakundaa-wo-mansakundaa meŋ ye a faŋ talaa ka ñoo kele, a ka kasaara le. Aduŋ saatewo waraŋ dimbaayaa, meŋ ye a faŋ talaa ka ñoo kele, wo te loo noo la.

Matiyu 12:25 Iomraidhean Croise

1 Mansoolu 16:21

Bituŋ Banisirayilankoolu kaŋolu naata waalii, ì talaata fula ti. Kara doo laata Tibuni le kaŋ, Kinati dinkewo, ka a ke mansa ti, bituŋ kara doo laata Omuri kaŋ.

Jabuuroolu 139:2

I ye n siitoo niŋ n lootoo loŋ ne. I niŋ n teemoo jamfata ñaa-wo-ñaa, i ye n na miiroolu bee kalamuta le.

Yesaya 9:21

Manase ye Efurayimu kele, Efurayimu fanaa ye Manase kele, bituŋ ì naata wuli Yahuuda kamma ñoo la. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Matiyu 9:4

Bayiri Yeesu ye ì la miiroolu loŋ ne, a ko ì ye ko, “Muŋ ne ye a tinna ali ka kuu jawoo miira ali sondomoolu kono?

Maaka 2:8

Wo loodulaa to doroŋ, Yeesu ye a loŋ nooroo kono, ì ka meŋ miira. A ko ì ye ko, “Muŋ ne ye a tinna ali ka wolu ñininkaa ali sondomoolu kono?

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

1 Korintinkoolu 2:11

Fo ñiŋ ne maŋ ke tooñaa ti ko, moo-wo-moo te hadamadiŋo la miiroo loŋ noo la, niŋ a maŋ ke a la nooroo ti, meŋ be a kono? Wo ñaa kiliŋo la, moo-wo-moo te Alla la miiroo loŋ noo la, fo Alla la Nooroo doroŋ.

Kalatiyankoolu 5:15

Bari niŋ ali ka ñoo kiŋ ka ñoo suboo domo, ali ali hakiloo tu ali kana ñoo kasaara.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.