Jabuuroolu 127:3 - Mandinka Bible

³ Diŋolu mu soorifeŋo le ti ka bo Yaawe bulu, ì mu a la jooroo le ti.

Jabuuroolu 127:3 Iomraidhean Croise

1 Musa 1:28

Alla neemata ì ma, bituŋ a ko ì ye ko, “Ali ke jiidilaa ti, ali ye siyaa, ali ye duniyaa kono fandi, ali ye a mara. Ali baakono ñewolu mara, kunoolu, aniŋ niilamaa feŋ-wo-feŋ ka taama ñiŋ bankoo kaŋ.”

1 Musa 24:60

Bituŋ ì ye neemoo daani ì baarimmusu Rebeka ye, ì ko a ye ko, “Allamaa i koomoo yiriwaa la, fo i si naa ke moo wuliwuloolu baamaa ti. Allamaa i koomoo ke la ì jawoolu noolaa ti.”

1 Musa 33:5

Kabiriŋ Esawu ye a kuŋo wulindi, a ye musoolu niŋ dindiŋolu je, a kumata ko, “I niŋ ñiŋ moolu mennu naata mu jumaalu le ti?” Yaakuba ko a ye ko, “Ñinnu mu diŋolu le ti, Alla ye mennu dii i la dookuulaa la a la hiinanteeyaa kono.”

1 Musa 4:1

Adama niŋ a la musoo Hawa kafuta, bituŋ a naata konoo taa. A ye dinkewo le wuluu. Bituŋ a naata a fo ko, “Ŋa dinkewo soto Yaawe* la deemaaroo kaŋ.” A naata a toolaa Kaabiila la.

1 Musa 48:4

a ko n ye ko, ‘M be i jiidindi la ka i koomoo siyandi. M be moo jamaa-jamaa le bo la i bala, aduŋ m be ñiŋ bankoo dii la i koomalankoolu le la ite koolaa, ka ke ì taa ti fo fawu.’

2 Samuweli 3:5

Itireyamu, wo baamaa mu Ekila le ti. Dawuda le ye ñinnu bee wuluu Heburoni.

1 Taarika 28:5

“A ye n harijee dinkee jamaa le la, aduŋ wolu kono, a ye Sulemani le tomboŋ ka Banisirayila mara, a faŋo la moolu.

1 Taarika 8:40

Ulamu dinkewolu mu kelejawara baalu le ti, aniŋ kalafayilaa baalu. Ì ye dinkee jamaa le soto, aniŋ mamariŋ jamaa, a taata kaañaŋ moo keme, moo taŋ luulu le fee. Ñinnu bee keta Benjamini koomalankoolu le ti.

Yuuba 1:2

A ye dinkee woorowula le soto, aniŋ dimmusu saba.

Yesaya 13:18

Ì la kaloolu be fondinkewolu faa la le, ì te balafaa soto la deenaanoolu ye, sako ka hiinoo yitandi dindiŋolu la.

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.

5 Musa 28:11

Yaawe si ali fankandi diŋ jamaa la, beeyaŋ jamaa aniŋ siimaŋ jamaa la bankoo kaŋ, a kalita ali mumuñolu ye ka daameŋ dii ali la.

5 Musa 28:4

A si neema ali ma diŋ jamaa la, ali la fiifeŋolu si baraka, ali la ninsoolu, saajiyolu niŋ baalu ye yiriwaa kendeke.

Kiitindirilaalu 12:9

A ye dinkee taŋ saba le soto, aniŋ dimmusu taŋ saba. A ye a dimmusu taŋ saboo futundi kaabiila doo kewolu le ye. Bituŋ a ye kaabiila doo musu fondinkee taŋ saba samba naŋ, a ye wolu futundi a dinkewolu ye. A ye Banisirayila ñaatonkayaa le fo sanji woorowula.

1 Samuweli 1:27

N duwaata nuŋ ñiŋ diŋo le la, aduŋ Alla ye n na natoo timmandi n ye le.