Hoseya 9:8 - Mandinka Bible

⁸ Alla ye annabiyomoo le londi Efurayimu kantalaa ti, bari ali ka kutindiŋolu laa a ñaato, siloo karoo bee la. Hani Alla Batudulaa Buŋo to, a niŋ konnanteeyaa ka beŋ jee.

Hoseya 9:8 Iomraidhean Croise

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

1 Mansoolu 18:1

Kabiriŋ waati jaŋ tambita, jaa sanji sabanjaŋo kono, Yaawe* la kumoo naata Eliya kaŋ ka a fo a ye ko, “Taa i faŋ yitandi Ahabu la, aduŋ m be sanjoo jindi la bankoo kaŋ ne.”

1 Mansoolu 18:19

Saayiŋ moolu kumandi naŋ Banisirayila muumewo bee kono, n niŋ ì ye beŋ Karimeli Konkoo kaŋ. Aduŋ i si Baali jalaŋ annabiyomu keme naani niŋ taŋ luuloo, aniŋ Asera* jalaŋ annabiyomu keme naanoo samba naŋ, mennu ka domoroo ke Yesebeli yaa.”

1 Mansoolu 22:11

Annabiyomu kiliŋ tarata ì kono meŋ too mu Sedekiya ti, Kenaana dinkewo. A ye nee binoolu le dadaa, a ko Mansa Ahabu ye ko, “Yaawe ko, ka bo niŋ ñiŋ binoolu la, i be Aramunkoolu kele la ka ì kasaara.”

1 Mansoolu 22:22

“Yaawe ye a ñininkaa ko, ‘I be a ke noo la ñaadii le?’ “Malaayikoo ñiŋ ko a ye ko, ‘M be taa le ŋa faniyaa kumoo duŋ Ahabu la annabiyomoolu bee daa kono.’ “Wo to le Yaawe ko, ‘Ite be a ke noo la le. Taa i ye a neenee.’

1 Mansoolu 22:28

Bari Mikaya ko, “Niŋ i muruta naŋ kayira kono, wo to Yaawe maŋ diyaamu ka bo niŋ nte la.” Aduŋ fanaa a ko, “Ali ali hakilitu n na ñiŋ kumoolu to, alitolu moolu bee!”

1 Mansoolu 22:6

Bituŋ Ahabu, Banisirayila mansa ye annabiyomoolu kumandi naŋ, mennu kaañanta annabiyomu keme naani fee, a ye ì ñininkaa ko, “Fo n si taa noo baŋ ka Ramoti-Kileyadi boyinkaŋ, waraŋ fo n kana taa?” Ì ye a jaabi ko, “Taa jee kele, kaatu Maariyo be nooroo dii la i la le.”

2 Mansoolu 13:21

Luŋ kiliŋ, kabiriŋ Banisirayilankoolu be kewo doo furewo baadee kaŋ, loodulaa kiliŋ ì ye boyinkannaa kafoo je. Bituŋ ì ye furewo ñiŋ korontotoo fayi Elisa la berehuu kaburoo kono, aduŋ ì borita. Bari kabiriŋ furewo ñiŋ ye Elisa kuloolu maa doroŋ, a wulita a loota a siŋolu la.

2 Mansoolu 2:14

Bituŋ a ye Eliya la dendikoo taa, meŋ jolonta a la, a ye boloŋo jiyo lipa a la. A kumata ko, “Yaawe lee, Eliya la Alla?” Boloŋo farata fula ti, ka ke sila jaaroo ti. Bituŋ a teyita.

2 Mansoolu 2:21

Bituŋ a taata woyoo to, a ye koo ñiŋ yelema jee, a ko, “Yaawe ye ñiŋ ne fo ko, a ye ñiŋ jiyo ke jii kendoo ti le. A te moo faa la kotenke waraŋ ka a tinna fo bankoo fiifeŋolu te beteyaa la.”

2 Mansoolu 4:41

Bituŋ Elisa ko, “Ali fariña munkoo doo samba n ye naŋ.” Wo to le ì ye fariña munkoo doo dii a la. A ye a taa a ye a ke kaleeroo kono. A ko ì ye ko, “Ali a talaa ì ye a domo.” Bituŋ feŋ maŋ naa tara domoroo ñiŋ to kotenke.

2 Mansoolu 4:43

A la dookuulaa ko a ye ko, “N si ñiŋ loo noo kee keme koto baŋ?” Bari Elisa ko a ye ko, “A dii ì la doroŋ, kaatu Yaawe ye ñiŋ ne fo ko, ì be a domo la le fo too ye tu.”

2 Mansoolu 5:14

Bituŋ a taata a ye i punsaŋ jiyo kono ko siiñaa woorowula, ko Alla la moo ye a fo a ye ñaameŋ. A baloo seneyaata, a yelemata ka ke komeŋ dindiŋ mereŋo.

2 Mansoolu 5:27

Saayiŋ Naamani la balajawu kuuraŋo be i muta la le, aniŋ i koomoo fo janniŋ fawu.” Kabiriŋ Kehasi taata ka bo Elisa fee doroŋ, balajawu kuuraŋo ñiŋ ye a muta. A baloo koyita fer.

2 Mansoolu 7:19

Bari kelediŋ kuntiyo ñiŋ ye a la wo kumoo jaabi nuŋ ñiŋ ne la ko, “Hani niŋ a ye a tara Yaawe ye saŋ fatoolu le yele ka neemoo jindi naŋ, ñiŋ kuwo si ke noo baŋ?” Aduŋ Alla la moo ko a ye le ko, “Ite be a je la i ñaa la le, bari i te a domo la.”

2 Mansoolu 7:2

Wo to le mansa dandanna kelediŋ kuntiyo ko Alla la moo ye ko, “Hani niŋ a ye a tara Yaawe ye saŋ fatoolu le yele ka siimaŋ kesoo jindi naŋ, ñiŋ kuwo si ke noo baŋ?” Elisa ko a ye ko, “Ite be a je la i ñaa le la, bari i te a domo la.”

Jabuuroolu 124:7

Ǹ kanata le komeŋ niŋ kunoo bota deemalaa la kaliŋo daa. Kaliŋo kuntuta le, bituŋ ǹ kanata.

Kawandilaa 9:12

Moo le buka a loŋ a la waatoo be sii la waati meŋ na: Ko ñewo ka saŋara duŋ jaloo daa ñaameŋ, waraŋ ko kunoo ka duŋ ŋaliŋo daa ñaameŋ, maasiiboo fanaa ka barambarantoo boyi hadamadiŋo kaŋ wo le ñaama.

Suukuwo 3:3

N niŋ saatee kantalaalu benta, biriŋ ì be saatee muruŋ-muruŋo la, ŋa ì ñininkaa ko, “Ali maŋ n kanuntewo je n ye baŋ?”

Yesaya 62:6

Hee Yerusalaamu, ŋa saatee kantalaalu le londi i la tata sansaŋolu kaŋ santo. Suuto tili la ì te tara la deyiriŋ muumeeke duwaa la. Alitolu mennu ka duwaa daani Yaawe bulu, ali kana i foñondiŋ.

Yeremiya 11:19

Niŋ wo nte, nte ka munta le saajii sooneeyaariŋo, ì be meŋ samba kaŋ ka taa a kanateyi. M maŋ a loŋ nuŋ ko, ì ka feeroo siti nte le kamma, ka a fo ko: “Ali ŋà ñiŋ yiroo niŋ a diŋolu kasaara. Ali ŋà a siyo kuntu ka bo baluwo to, fo moo hakili kana bula a la.”

Yeremiya 14:13

Bari nte ye ñiŋ ne fo ko, “Hee Yaawe Alla, annabiyomoolu le ka ñiŋ kiilaariyaa kumoolu fo ì ye ko, ì ñaa te hani hawusari kele je la, waraŋ ka konko, kaatu Yaawe be a je la le ko, ì ye tu kayiroo kono jaŋ.”

Yeremiya 23:13

“Ŋa kuu ñewundiŋo le je Samariya annabiyomoolu la karoo la. Ì ye kiilaariyaa kumoolu fo Baali* jalaŋo tooyaa le la, ì ye n na moolu, Banisirayilankoolu filindi.

Yeremiya 31:6

Luŋo be naa le kantarilaalu be lenkaroo ke la Efurayimu* konkoolu kaŋ ko, ‘Ali wuli, ŋà taa Siyoni* Konkoo kaŋ, Yaawe, ǹ na Alla yaa.’ ”

Yeremiya 6:14

Ì ka n na moolu la dimiŋo feeyaatoo jaara le, ì ka a fo ko, ‘Kayira, kayira,’ a ye a tara kayira te keriŋ.

Yeremiya 6:17

Ŋa kantarilaalu le bula ali kunna, n ko, ì si i lamoyi binoo kumakaŋo la, bari ì ko ì te wo ke la.

Niikuyaa Suukuwolu 2:14

Ñiŋ loŋ ko, i la annabiyomoolu ko ì ye meŋ je, faniyaa kenseŋo niŋ neeneeri kumoolu le mu. Ì maŋ i la junuboo yita i la, ka i dandalaa, fo i kana taa mutoo kono, bari ì ye jeroo meŋ bankee i ye, faniyaa kenseŋo niŋ filindiroo le mu.

Niikuyaa Suukuwolu 4:13

Ǹ na annabiyomoolu la junuboolu le mu, aniŋ ǹ na piriisoolu la jenke kuwolu, ì ye moolu yeloo boŋ jee, mennu keta moo tilindiŋolu ti.

Esekiyeli 3:17

“Hadamadiŋo, ka bo saayiŋ na ŋa ite le tomboŋ ka i ke Banisirayilankoolu ye koroosirilaa ti, ka n na kumoolu lamoyi, ka ì sindi ì ma, aniŋ ka ì dandalaa.

Esekiyeli 33:7

“Hadamadiŋo, ŋa ite le tomboŋ ka ke koroosirilaa ti Banisirayilankoolu ye. I si i lamoyi n ka meŋ fo i ye, i ye ì dandalaa n ye.

Hoseya 5:1

Yaawe* ko: “Alitolu piriisoolu*, ali ali tuloo loo ñiŋ na! Banisirayilankoolu, ali ali hakiloo tu ñiŋ to! Mansabuŋo moolu, ali i lamoyi! Kiitiyo be alitolu le kaŋ, kaatu ali keta kutindiŋo le ti Misipa, ali keta jaloo ti ka wanka Tabori Konkoo kunto.

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Mika 7:4

Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Yohana 15:24

Niŋ m maŋ baara kuwolu ke ì ñaa la, moo nene maŋ mennu ke, tennuŋ ì te tuumi la ì la junuboolu la. Bari saayiŋ, ì ye wolu je le, hani wo, ì ye nte niŋ m Faamaa bee koŋ.

Roomankoolu 3:7

I ko, “Bari niŋ n na faniyaa le ye a tinna, Alla la tooñaa ka siyaa laalaa ka a la jayiroo kafu, muŋ ne ye a tinna hani saayiŋ nte be kiitindi la ko junubelaa?”

Hiburunkoolu 13:17

Ali soŋ ali la ñaatonkoolu ma, ali ye ì la yaamaroolu muta. Ì be ali niyolu le kanta kaŋ badaa-badaa baluwo ye, aduŋ ì ñanta ì faŋolu kontibo la le Alla ñaatiliŋo la. Ali siloo dii ì la ka wo dookuwo ke seewoo kono, ali kana ì sunundi, kaatu wo te ali nafaa la.