Hoseya 5:10 - Mandinka Bible

¹⁰ Yahuuda ñaatonkoolu keta le ko, mennu ye naanee kuŋolu bondi. M be n na kamfaa kupi la naŋ ì kaŋ ne ko jiyo.

Hoseya 5:10 Iomraidhean Croise

Jabuuroolu 32:6

Wo to moo-wo-moo mu i la moo ti, a si duwaa ka i daani, koleyaa waatoo la. Niŋ mantooroo waamemaa feeneeta naŋ, a te futa la a ma.

Jabuuroolu 69:24

I la kamfaa jindi ì kaŋ, i ye ì ñankoŋ i la jusukandoo la.

Jabuuroolu 88:17

ì waamemaa le ka m murubeŋ karoo bee la waati-wo-waati, ì ye n suki karoo bee le la.

Kuma Kotoomaalu 17:14

Sonka wulindoo ka munta le ko, niŋ ì ye balaŋo sapoo bo, wo to kuwo daa faa, janniŋ sonkoo ka wuli.

Kuma Kotoomaalu 22:28

I la alifaa foloolu ye naaneekuŋo meŋ laa, kana a bondi a noo to.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Esekiyeli 22:22

Ko ì ka kodiforoo yelundi daandiŋo kono ñaameŋ, m be ì yelundi la Yerusalaamu kono wo le ñaama. Wo to le ì be a loŋ na ko, nte Yaawe le ye n na kamfaa baa kupi naŋ ì kaŋ.

Esekiyeli 7:8

M pareeta le ka n na kamfaa kupi ali kaŋ naŋ. M be ali kiitindi la ali maañaalu le la, m be ali kuluu la le, ali la kuu jawu kewolu kamma la.

Matiyu 7:27

Sanjiyo naata busa wo buŋo kaŋ, waamoo woyita a kaŋ, aniŋ turubaadoo ye a fee, a naata boyi piram!”

Luka 6:49

Bari moo meŋ ye n na kumoolu moyi, aduŋ a maŋ ì muta, wo ka munta le ko kewo, meŋ ye a la buŋo loo bankoo kaŋ, a maŋ fondamaŋo ke a la. Biriŋ jiiboroo ye a taki, waati kiliŋ, a boyita piram!”

5 Musa 19:14

Yaawe ali la Alla ka naa bankoo meŋ dii ali la teŋ, moo foloolu ye naanee kuŋolu le ke kene niŋ kene teema. Ali kana wo naanee kuŋolu ñorindi ka ì bondi ì noo to.

5 Musa 27:17

Dankoo be moo ye meŋ ye a siiñoo la naanee kuŋolu ñorindi. Bituŋ moolu bee si a fo ko: Amiin.