Hoseya 4:11 - Mandinka Bible

¹¹ Yaawe ko: “Cakayaa, wayini* kutoo aniŋ wayini kumuŋo, wolu le ye n na moolu la fahaamuroo taa.

Hoseya 4:11 Iomraidhean Croise

Kuma Kotoomaalu 20:1

Doloo ka i bula ñaawalitoo kuu kewo le la, a ka moo dundi keloo le kono, a ye moo-wo-moo filindi, i maŋ ñaameŋ.

Kuma Kotoomaalu 31:4

Hee Lemuweli, a maŋ ke mansoolu ti, mansoolu maŋ ñaŋ na wayinoo* miŋ na, maralilaalu maŋ ñaŋ na hame la ka dolo fatiŋo miŋ.

Kuma Kotoomaalu 6:32

Moo meŋ ka jeenoo ke, mu hakilintaŋo le ti, moo meŋ ka a ke, a ka a faŋo le kasaara.

Kawandilaa 7:7

Moo toorandoo, ka moo ñaamendiŋo ke moo kuntaŋo le ti, aduŋ dukoo, a ka sondomoo jenkendi tiliŋo la le.

Yesaya 28:7

Doloo ka ñinnu le siirisaarandi, ka ì timili-tamalindi, niŋ ì ye wayinoo* miŋ: A ka piriisoolu* niŋ annabiyomoolu le siirisaarandi. Wayinoo ka ì bondi ì noo to le, a ka ì timili-tamalindi. Ì la jeroo ka fili ì ma le, aduŋ niŋ ì be kiitiyo kuntu la, ì ka boyi le, ì buka a kuntu kuu.

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Yeremiya 23:13

“Ŋa kuu ñewundiŋo le je Samariya annabiyomoolu la karoo la. Ì ye kiilaariyaa kumoolu fo Baali* jalaŋo tooyaa le la, ì ye n na moolu, Banisirayilankoolu filindi.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

Hoseya 5:4

“Ì la baara jawoolu ye a tinna le, ì maŋ muru noo ì la Alla kaŋ. Ì tarata cakayaa le bulu, ì maŋ Yaawe loŋ.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

3 Musa 10:9

“Ite niŋ i dinkewolu nene kana wayinoo* miŋ, waraŋ dolo koteŋ, ali ye naa duŋ Bendulaa Tiriliisi Senuŋo kono. Niŋ ali ye wo ke, ali be faa la le. Ñiŋ mu kaŋ looriŋo le ti ali ye jamaani naalaalu bee la.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

1 Samuweli 25:36

Kabiriŋ Abikali taata Nabali yaa, a ye a tara buŋo le kono, a be feetoo ke kaŋ komeŋ mansa. A jusoo be laariŋ ne, aduŋ a be siirariŋ baake le. Bituŋ Abikali maŋ feŋ fo a ye fo fanoo keta.