Hiburunkoolu 6:7 - Mandinka Bible

⁷ Kaatu samaa ka siyaa bankoo meŋ kaŋ baake, a ka jiyo suusuu le, aniŋ a ka fiifeŋolu falindi moolu ye, a seneta mennu la kuwo kamma la, Alla ka neema wo bankoo ma le.

Hiburunkoolu 6:7 Iomraidhean Croise

1 Musa 1:11

Bituŋ Alla kumata ko, “Fiifeŋolu ye faliŋ bankoo kaŋ duniyaa kono: Fiifeŋ siifaa-wo-siifaa mennu ye kesoolu soto, aniŋ yiroolu mennu ye kesoolu soto ì diŋolu kono.” Aduŋ a keta wo le ñaama.

1 Musa 27:27

Wo le to a sutiyaata a la, a ye a sumbu. Kabiriŋ Esawu nooroo laata Isiyaaka kaŋ, ka bo niŋ a la duŋ feŋolu la, a ye Alla daani neemoo la Yaakuba ye, a ko, “N diŋo, i nooroo ka muluŋ ne ko kunkoo, Yaawe ye meŋ neemandi.

Jabuuroolu 126:6

Moolu mennu kumbootoo fintita, ì ye ì la fiifeŋ kesoo samba ka a fii, ì be naa muru la le, ì seewooriŋ baa, ka ì la siimaŋ kunsitoolu samba.

Jabuuroolu 24:5

A be neemoo soto la Yaawe bulu le. Alla le be boloo dii la a la, aniŋ kiisoo.

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Esekiyeli 34:26

M be wo dulaalu aniŋ n na konko senuŋo* niŋ a dandaŋolu bee ke la ì ye neemoo le ti, aduŋ m be n na samaa neemoo dii la ì la a waatoo le la. M be neemoo sanjimaa le boŋ na ì kaŋ.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

3 Musa 25:21

Nte Yaawe be neemoo jindi la ali ye le sanji wooronjaŋo kono, fo bankoo si siimaŋ jamaa bondi, meŋ be taa fo a jaaroo la, aniŋ a jaarikoo la.

Malaki 3:10

Ali jakoolu bee samba naŋ maabodulaa buŋo to, fo n na buŋo kono si domoroo soto. Ali i yaaka nte la ali ye a juubee, fo nte Yaawe Alihawaa Maariyo te Arijana palanteeroolu yele la ali ye, ŋa neema baa jindi naŋ ali kaŋ.

Matiyu 7:8

Kaatu moo-wo-moo meŋ ye daaniroo ke, wo be a soto la le. Moo-wo-moo, meŋ ye ñinindiroo ke, wo be a je la le. Aduŋ moo-wo-moo meŋ ye konkondiroo ke, bundaa be yele la a ye le.

2 Timoti 2:6

Senelaa meŋ ye dookuu baa ke, wo le ñanta katiroo la talaari foloo soto la.

Yankuba 5:7

Wo to baadiŋolu*, ali muña fo Maariyo ye naa. Ali senelaa la kuwo juubee, a ka siimaŋ kese betoolu batu muñoo kono le, a ye mennu fii, fo ì ye samaajii foloo niŋ labaŋo soto.