Efesusinkoolu 4:26 - Mandinka Bible

²⁶ Ali la kamfaa kono, ali kana junuboo ke. Ali la kamfaa kana tara ali kono fo tiloo ye boyi.

Efesusinkoolu 4:26 Iomraidhean Croise

Jabuuroolu 37:8

Kamfaa bula, i ye i koo dii saŋaroo la. Kana diminnaa, wo ka kuu jawoo doroŋ ne saabu.

Jabuuroolu 4:4

Ali si kamfaa, bari a kana ali duŋ junuboo to. Ali ali sondomoolu kiitindi, niŋ ali be laariŋ ali la laaraŋo kaŋ, aduŋ ali si i deyi. S

2 Musa 11:8

Musa tententa ko, “I la ñiŋ ñaatonkoolu bee be naa n yaa le, ì be ñoyi la duuma n ye, ì be a fo la ko, ‘Moolu mennu ka i nooma, i niŋ ì bee ye taa.’ Niŋ wo keta, m be taa la le.” Bituŋ a kamfaatoo baa bota Firawoona yaa.

Kuma Kotoomaalu 14:29

Moo meŋ ka kamfaa juuna, a ka a la kuntaŋyaa le yitandi, bari moo meŋ buka kamfaa juuna ka ke fahaamurulaa baa le ti.

Kuma Kotoomaalu 19:11

Hakilimaa buka kamfaa juuna, aduŋ a ka horomoo soto le, ka a ñaa kaasi, niŋ i ye kuu ke a la.

Kuma Kotoomaalu 25:23

Ko foñoo ka samaajiyo naati ñaameŋ samaa kono, koomakumaroo ka kamfaa wulindi wo le ñaama.

Kawandilaa 7:9

I jusoo kana sutiyaa, kamfaa daakaadulaa ka tara toolewolu le jusoo to.

4 Musa 20:24

“Haaruna be bele la le, a ye kafu a bonsuŋolu ma. A te duŋ na bankoo kaŋ ŋa meŋ dii Banisirayilankoolu la, kaatu ali moo fuloo bee le balanta n na yaamaroo la Meriba Woyoo to.

Matiyu 5:22

Bari saayiŋ m be fo la alitolu ye, moo-wo-moo meŋ kamfaata a baadiŋo* kamma, wo maarii ñanta kiitindi la le. Aduŋ moo-wo-moo meŋ ye a baadiŋo neŋ, wo maarii ñanta taa la luwaa ñaatiliŋo la le. Aduŋ moo-wo-moo meŋ ko a baadiŋo ye ko, ‘Ite toolee’, wo maarii ñanta duŋ na Jahannaba dimbaa kono le.

Maaka 10:14

Kabiriŋ Yeesu ye wo je, a kamfaata. A ko ì ye ko, “Ali dindiŋolu bula, ì ye naa n kaŋ. Ali kana ì bali naa la, kaatu mennu ka munta ko ñiŋ dindiŋolu, wolu le taa mu Alla la mansabaayaa ti.

Maaka 3:5

Wo to le a kamfaatoo ye ì kiliŋ-kiliŋ juubee, a niyo kuyaata baake ì la sondome bambaŋo la. Bituŋ a ko kewo ye ko, “I buloo tilindi.” Kewo ye a buloo tilindi, aduŋ a seyita a ñaama.

5 Musa 24:15

Ì ye tili-wo-tili dookuu, ali ñanta ì joo la a la le janniŋ tiloo ka boyi, kaatu ì jikoo be looriŋ wo joo le kaŋ. Niŋ ali balanta ka ì joo a waatoo la fo ì woosiita Yaawe ye, wo be ke la ali ye junuboo le ti.

Yankuba 1:19

M baadiŋ kanuntewolu, ali ñiŋ loŋ ko, ali moo-wo-moo ñanta tariyaa la le ka lamoyiroo ke, bari ali si naafa ka diyaamu. Ali jusoo kana sutiyaa,

Yankuba 1:20

kaatu hadamadiŋo la kamfaa buka kuu saabu, meŋ tilinta Alla ñaatiliŋo la.

1 Samuweli 20:34

Yonatani kamfaatoo wulita taabuloo to. Kari kutoo tili fulanjaŋo luŋo, a maŋ domori ke, kaatu a niyo toorata a faamaa la malu kuwo la le, a ye meŋ ke Dawuda la.