Daniyeli 9:15 - Mandinka Bible

¹⁵ Ite m̀ Maarii Alla le ye i la moolu bondi naŋ Misira bankoo kaŋ niŋ i la semboo la, aduŋ wo ye a tinna le i too bota, fo ka naa bula bii la. Bari ntolu ye junuboo ke le, ŋà kuu jawoo ke.

Daniyeli 9:15 Iomraidhean Croise

1 Mansoolu 8:51

kaatu i la moolu le mu, i faŋo ye mennu ke i taa ti. I ye ì bondi naŋ Misira kono le, daameŋ to ì tarata nuŋ mantoora jawu baa kono.

2 Mansoolu 21:15

A be ñiŋ ke la le kaatu ì ye kuu jawoo le ke a ñaa koto, aduŋ ì ye a kamfandi le, ka bo luŋo meŋ na ì mumuñolu bota naŋ Misira ka naa bula bii la.”

2 Taarika 6:37

Ì be mutoo kono tuma meŋ, a si ke noo ì hakiloo ye naa yelema, ì ye tuubi ka i daani ko, ‘Ŋà junube kuwo le ke. Ŋà kuu kuruŋo le ke. Ŋà kuu jawu baa le ke.’

Nehemiya 1:10

“Ñinnu mu i la dookuulaalu le ti, aniŋ i la moolu, i ye mennu tankandi ka bo niŋ i la sembe baa la, i buloo la dookuwo.

Nehemiya 1:6

Nte mu i la dookuulaa le ti. I lamoyi n na, i ye moyiroo ke n na duwaa la, m be meŋ ke kaŋ suutoo niŋ tiloo, ñiŋ Banisirayilankoolu ye, i la dookuulaalu. Ŋa junuboolu yitandi le ntolu Banisirayilankoolu ye mennu ke i la. Nte niŋ n na dimbaayaa fanaa ye junuboo ke le.

Nehemiya 9:10

I ye taamanseeroolu niŋ kaawakuwolu le taamandi Firawoona niŋ a la dookuulaalu kaŋ, ka taa a la bankoo moolu bee, kaatu i ye a je le ko, ì ye m̀ mumuñolu tilimbaliyaa jawuke le. I ye i too darajandi le, fo ka naa bula bii la.

Jabuuroolu 106:8

Hani wo, a ye ì kiisa le a too kamma la, ñiŋ kamma la moolu si a semboo la waroo loŋ.

2 Musa 13:14

“Siniŋ saama niŋ ali dinkewolu ye ali ñininkaa ñiŋ kuwo kotoo la, ali si ì jaabi ko, ‘Yaawe ye a sembe baa le taa ka m̀ bondi naŋ Misira joŋyaa kono.

2 Musa 13:16

Ñiŋ be ke la ali ye taamanseeroo le ti, ka ñiŋ kuwo ke ali kunto dunoo ti ko, Yaawe le ye m̀ bondi naŋ Misira niŋ a sembe baa la.”

2 Musa 13:3

Musa ko moolu ye ko, “Ali ali hakiloo tu ñiŋ luŋo to, luŋo meŋ na ali bota naŋ Misira joŋyaa kono, kaatu Yaawe ye ali bondi naŋ niŋ sembe baa le la. Wo to, mbuuroo meŋ ye leweñoo soto, ali maŋ ñaŋ na a domo la.

2 Musa 13:9

Ñiŋ juuraloo be ali hakiloo bulandi la le, ka ñiŋ kuwo ke ali kunto dunoo ti, fo ali si tenteŋ ka Yaawe la ñiŋ luwaa tanka aniŋ ka a karaŋ, kaatu Yaawe le ye ali bondi naŋ Misira niŋ a sembe baa la.

2 Musa 14:18

Wo to le Misirankoolu be a loŋ na ko, nte le mu Yaawe ti.”

2 Musa 32:11

Bari Musa ye Yaawe a la Alla daani ko, “Hee Yaawe, muŋ ne ye a tinna, i kamfaabaata i la moolu kamma, i ye mennu fintindi naŋ Misira bankoo kaŋ niŋ i bulu sembemaa baa la?

2 Musa 6:1

Wo to le Yaawe* ko Musa ye ko, “Saayiŋ i be a je la le, m be meŋ ke la Firawoona la. M be n na semboo yitandi la a la le, fo a si n na moolu bula ì ye taa. M be a forisee la le, a ye ì bayi a la bankoo kaŋ.”

2 Musa 6:6

Saayiŋ, i si a fo Banisirayilankoolu ye ko, ‘Nte le mu Yaawe ti, m be ali bondi la Misirankoolu bulu, i si a je, ì te ali forisee la ka dookuwo ke ì ye. M be Misirankoolu kiitindi la niŋ kaawakuwolu le la, aduŋ m be ali kumakaa la le, ka bo ì la joŋyaa to.

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

Yesaya 55:13

Niŋ ŋaniŋ suŋolu le ñanta faliŋ na, junipa yiroo aniŋ miritali yiroo si faliŋ. Ñiŋ kuwo be ke la taamanseeroo le ti nte Yaawe la horomoo kamma, aduŋ a be tu la le fo fawu, a te tiñaa la.”

Yesaya 64:4

Kabiriŋ koomanto nuŋ, moo nene maŋ a moyi, sako ka i hakilitu a to, moo ñaa nene maŋ Alla je meŋ be ko ite, meŋ ka loo moolu ye, mennu ka a batu.

Yeremiya 14:20

Hee Yaawe, ǹ sonta ǹ na kuu jawu kewo la le, aniŋ ǹ na alifaa foloolu la kuu kuruŋo. Ŋà junube kuwo le ke i la.

Yeremiya 32:10

Ŋa a safee seedeyaaraŋ kayitoo kono, ŋa a noto, ŋa seedoolu ke a la. N naata kodiforoo peesa peesarilaŋo kaŋ ka a joo.

Niikuyaa Suukuwolu 3:42

“M̀ balanta i ma le, ŋà junuboo ke, aduŋ i maŋ yamfa m̀ ma.

Esekiyeli 5:6

Bari Yerusalaamu saatee moolu muritita m ma le, ì balanta n na yaamaroolu niŋ n na saratoolu la. Ì naata kuruŋyaa ka tambi bantala banku* moo doolu faŋolu la. Ì balanta le ka n na yaamaroolu niŋ n na saratoolu muta, hani ka tambi wo banku moo doolu la, mennu be ì dandaŋo la.”

Daniyeli 9:5

Ŋà junuboo ke le, ŋà kuu kuruŋo ke, ŋà hakoo soto baake le, aduŋ m̀ balanta i ma le, ŋà ǹ koo dii i la yaamaroolu la, aniŋ i la karandiroolu.

Luka 15:21

A dinkewo ko a ye ko, ‘M faamaa, ŋa junube kuwo le ke Arijana aniŋ ite la. Nte maŋ jari kotenke ka kumandi i dinkewo la.’

Luka 18:13

“Bari duwaañoo loota dulaa jaŋ to. A maŋ haañi hani ka a kuŋo wuli ka santo juubee, bari a ye a sisoo le lipa ko, ‘Alla, balafaa soto nte, junubelaa ye!’

2 Korintinkoolu 1:10

Ate le ye ǹ kanandi saayaa maasiiboo ma, aduŋ a be tenteŋ na le ka ǹ kanandi. Ŋà ǹ jikoo bee loo ate le kaŋ, aduŋ a be ntolu tankandi la le kotenke.

5 Musa 5:15

Ali kana ñina ko ali tarata joŋyaa le kono nuŋ Misira bankoo kaŋ, nte Yaawe ali la Alla naata ali bondi naŋ wo kono m bulu sembemaa baa la. Wo kamma la, m be ali yaamari la ka Loobula Luŋo muta, ka a ke dahaa luŋo ti.