Daniyeli 9:14 - Mandinka Bible

¹⁴ Yaawe, wo le ye a tinna i ye waatoo parendi ka ñiŋ kasaara kuwo samba naŋ ǹ kaŋ, kaatu ite Yaawe ǹ na Alla, ka taama tiliŋo doroŋ ne la, kuwolu to i ka mennu ke. Ntolu le maŋ i la kumoo muta.

Daniyeli 9:14 Iomraidhean Croise

2 Taarika 12:6

Wo le to ñaatonkoolu niŋ mansa ye i fammajii, ì ko, “Yaawe tilinta le.”

Esira 9:15

Hee Yaawe, Banisirayila la Alla, ite tilinta le. Bari hani wo, i ye moo toomaalu tu ǹ kono le ka baluu, ko a be ñaameŋ bii. Ǹ sonta le ko m̀ boyita le, aduŋ ntolu kono hani moo kiliŋ maŋ jari ka loo i ñaatiliŋo la.”

Nehemiya 9:33

Kuu-wo-kuu keta ǹ na, ite le boloota. Ite taamata tiliŋo le la, bari ntolu taamata jenkoo le la.

Jabuuroolu 111:7

A la keroolu bee mu tiliŋo niŋ tooñaa le ti. A la yaamaroolu bee mu lanna kuwo le ti.

Jabuuroolu 116:5

Yaawe hiinanteeyaata le, aduŋ a tilinta. Ǹ na Alla balafaa warata le.

Jabuuroolu 119:137

Yaawe, ite tilinta le, i la kiitiiteyoo mu tooñaa le ti.

Jabuuroolu 51:14

Hee Alla, n na kiisandirilaa, yamfa n na moofaa la, m be i la tiliŋo suukuu la le.

2 Musa 9:27

Wo to le Firawoona ye Musa niŋ Haaruna kumandi, a ko ì ye ko, “Ñiŋ siloo ŋa junuboo le ke. Tiliŋo be Yaawe la karoo le la, aduŋ nte niŋ n na moolu le be sila kuruŋo kaŋ.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yeremiya 31:28

Bayiri koomanto ŋa ì juubee le, ŋa ì wutu, ka ì boyindi duuma, ka ì bondi ì noo to, ka ì kasaara, ka maasiiboo naati ì kaŋ. Bari m be a je la le ko, ŋa ì loo, ka ì tutu. Nte Yaawe le ye a fo.

Yeremiya 4:17

Ì ye Yerusalaamu muruŋ-muruŋ ne ko kunku kantalaalu, bayiri a ye balaŋo tiliŋ nte le la.” Yaawe le ye a fo.

Yeremiya 44:27

A juubee, m be ì koroosi kaŋ ka kasaaroo le naati ì kaŋ, a te ke la kuu betoo ti. Yahuuda moolu mennu bee be Misira, hawusaroo niŋ konkoo le be ì kasaara la, fo ì ye baŋ.

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Esekiyeli 16:43

Bayiri i maŋ i miira i fondinkeemaa la, i ka naa n kamfandi ñiŋ kuu siifaalu la, wo to i ye kuwolu mennu ke, m fanaa ye wolu le murundi i kaŋ. Fo dii i maŋ cakayaa le lafaa i la ñiŋ kuu haraamuriŋolu bee kono baŋ?” Maarii Yaawe ye wo le fo.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Daniyeli 9:7

Maariyo, ite doroŋ ne ka taama tiliŋo la, bari ntolu ka maloo doroŋ ne laa m̀ faŋolu kaŋ, ko a be ñaameŋ bii. Wo le keta ntolu Yahuudoolu ti, ka taa moolu mennu be siiriŋ Yerusalaamu, aniŋ Banisirayila moo toomaalu bee, i ye mennu janjandi dulaa jaŋolu niŋ dulaa sutuŋolu to. I ye wo ke le kaatu ì ye jamfaa kuwo le ke i la.