Daniyeli 6:3 - Mandinka Bible

³ A maŋ hani mee Daniyeli ye a la dookuu noo yitandi ka tambi kuntii doolu la, aniŋ kumandaŋolu, kaatu a keta moo hakilimaa baa le ti. Bituŋ mansa lafita ka a ke a la mansamarali bankoo bee la kuntiyo ti.

Daniyeli 6:3 Iomraidhean Croise

Esira 4:22

Ali si ali hakilitu ali kana naafa, fo ñiŋ tiñaari kuwo ye wajabi, a ye ke kasaaroo ti mansakundaa ye.

Nehemiya 7:2

Ŋa m baadiŋo Hanani le marandi Yerusalaamu ma, aniŋ Hananiya, meŋ marata tatoo ma. Kaatu Hananiya mu moo tilindiŋo le ti, aduŋ a silata Alla la le ka tambi kee jamaa la.

Esita 10:3

Moridekayi le tarata Mansa Ahasuweru nooma. Ate le ye semboo soto Yahuudoolu bee kono, aduŋ a mooñoo Yahuudoolu ye a buuñaa le, kaatu a ka dookuu betoo le ke a la moolu ye, aduŋ a ka diyaamu le ka ì bee la kuwo topatoo.

Kuma Kotoomaalu 17:27

Moo meŋ ka a fokumoo keseŋ, a mu londitiyo le ti, aduŋ moo meŋ na kamfaa maŋ tariyaa, wo ka fahaamuroo ke le.

Kuma Kotoomaalu 22:29

Fo i maŋ moo je meŋ buloo koyita a la dookuwo to? A be dookuwo ke la mansoolu le ye, bari a te ke la moo koteŋ kenseŋolu ti.

Kawandilaa 2:13

Bari n naata a je le ko, ñaameŋo le beteyaata tooleeyaa ti, ko maloo beteyaata diboo ti ñaameŋ.

Daniyeli 5:12

A hakiloo la waroo ñoŋo maŋ siyaa, aduŋ a ye londoo soto le, aniŋ fahaamuroo ka siiboolu fasari, ka mansaaloolu kotoo fo, aniŋ ka kuu koleŋolu bo ñoo to. Kiilaa kii, a ye taa kewo ñiŋ kumandi naŋ. A too mu Daniyeli le ti, aduŋ Mansa Nebukanesa ye a toolaa Belitesasa le la.” Bituŋ mansa ko, “Ali Daniyeli kumandi naŋ, a be safeeroo kotoo fo la le.”

Daniyeli 5:14

Ŋa a moyi le ko, alloolu la nooroo be i kono le, aniŋ ko, i hakiloo diyaata le, aduŋ i ye londoo soto le, aniŋ ñaameŋo.

Daniyeli 5:7

A sarita santo, a ko ì ye juubeerilaalu, lonnaalu, aniŋ kumfanuntewolu kumandi naŋ. Kabiriŋ ñiŋ moo ñaamendiŋolu naata, mennu mu Babiloninkoolu ti, mansa ko ì ye ko, “Niŋ moo-wo-moo ye ñiŋ safeeroo karaŋ noo, a ye a fasari n ye, m be mansa dendikoo le duŋ na a maarii la, ŋa sani yooroo duŋ a kaŋo la, aduŋ a maarii le be ke la moo sabanjaŋo ti, meŋ siŋ be tara la nte mansa kaŋ.”

Daniyeli 9:23

Kabiriŋ i ye duwaa dati doroŋ, Alla ye i la duwaa jaabi, n naata le ka a futandi i ma, kaatu ite mu a kanuntee baa le ti. Silaŋ, i lamoyi a la jaabiroo la, fo i si kuwo fahaamu, i ye meŋ je.