Daniyeli 6:20 - Mandinka Bible

²⁰ Kabiriŋ a futata jee, a niikuyaariŋo sarita, a ye kumandiroo ke, ka a fo ko, “Daniyeli, Alla baluuriŋo la dookuulaa! Fo i ka tu Alla meŋ batu la, a ye i tankandi jatoolu ma le baŋ?”

Daniyeli 6:20 Iomraidhean Croise

1 Musa 18:14

Fo kaawakuu le sotota, Yaawe korita meŋ na baŋ? M be muru la naŋ i kaŋ jaari ñiŋ ñoŋ waatoo, aduŋ Saara be dinkewo soto la.”

1 Taarika 16:11

Ali ñinindiri ke Yaawe la, a niŋ a la semboo, ali a ñini ka tara a ñaatiliŋo la waati-wo-waati.

Jabuuroolu 119:112

Ŋa n sondomoo parendi le ka i la luwaa muta, fo abadaa. Samek

Jabuuroolu 146:2

M be kali Yaawe jayi la n na baluwo bee le kono. Niŋ m be n niyo la, m be suukuwo laa la n na Alla ye le.

Jabuuroolu 73:23

Bari hani wo m be sabatiriŋ i fee le, aduŋ i ye m muta niŋ m bulubaa buloo le la.

Yeremiya 32:17

Hee Yaawe Alla, ite le ye saŋo niŋ bankoo daa ka bo niŋ i la sembe baa la, aduŋ i ye a ke niŋ i bulu sembemaa le la. Feŋ maŋ koleyaa ite fee.

Daniyeli 3:15

Bari saayiŋ, niŋ ali ye ñiŋ kumafeŋolu moyi: binoo, footaŋo, suusaa, kontiŋo, kooraa, tantaŋo, aniŋ kumafeŋ siifaalu bee, aduŋ wo loodulaa to, ali sujudita ka moo muluŋo batu, ŋa meŋ dadaa, tana te ali la. Bari niŋ ali maŋ baturoo ke, ì be ali fayi la fuuri dimbaa wuleŋo kono le, wo loodulaa to. Fo Alla le be keriŋ, meŋ si ali bondi noo nte bulu baŋ?”

Daniyeli 3:17

Niŋ a ye a tara wo le mu, ntolu ka Alla meŋ batu, a be ǹ tankandi noo la fuuri dimbaa wuleŋo ma le, aduŋ a be ǹ tankandi la ite bulu le.

Daniyeli 6:16

Wo le to mansa ye yaamaroo dii ko, ì si Daniyeli samba, ì ye a fayi jatoolu la koloo kono. A ko Daniyeli ye ko, “Allamaa i la Alla ye i tankandi, i ka tu meŋ batu la waati-wo-waati.”

Daniyeli 6:19

Fanoo keta doroŋ mansa wulita, a korontotoo taata jatoolu la koloo to.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Hoseya 12:6

Saayiŋ alitolu Yaakuba koomalankoolu, ali muru Alla kaŋ, ali kanoo muta, ali ye tiliŋ, ali si i tuuku ali la Alla la waatoo bee la.

4 Musa 11:23

Yaawe ko Musa ye ko, “Fo nte Yaawe la semboo ye dandulaa le soto baŋ? Saayiŋ i si a juubee fo ŋa kumoo meŋ fo i ye be ke la tooñaa le ti baŋ, waraŋ fo a te ke la tooñaa ti.”

Luka 1:37

Feŋ te jee, Alla te meŋ ke noo la.”

Luka 18:1

Yeesu ye mansaaloo doo fo ì ye ka ì karandi ko, ì ñanta duwaa la le waati-wo-waati, aduŋ ì kana jikilateyi.

Kiilaalu 6:4

Bari ntolu faŋolu si loo duwaa daa to, aniŋ ka Alla la kumoo kawandi.”

Roomankoolu 2:7

A be badaa-badaa baluwo dii la moolu la le, mennu ka tu kuu bete kewo la muñoo kono ka Alla la kallankeeyaa* niŋ a la horomoo ñini, aniŋ ka badaa-badaa baluwo soto.

2 Korintinkoolu 1:10

Ate le ye ǹ kanandi saayaa maasiiboo ma, aduŋ a be tenteŋ na le ka ǹ kanandi. Ŋà ǹ jikoo bee loo ate le kaŋ, aduŋ a be ntolu tankandi la le kotenke.

Kolosankoolu 4:2

Ali tu duwaa la, aduŋ ali si koroosiroo ke a kono, ali niŋ tenturoo.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Yankuba 1:25

Bari a maŋ tara wo ñaama moo fee, meŋ ñaa be looriŋ luwaa timmariŋo kaŋ, baawo a ka luwaa le koroosi, meŋ ka firiŋo dii, aduŋ a ka wakiili a mutoo la le. Barakoo be wo maarii le ye, a la kebaaroolu bee to, baawo a maŋ ke kumoo moyilaa doroŋ ti, meŋ hakiloo buka tu a kaŋ, bari a mu a baaralaa le ti.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.