Daniyeli 5:6 - Mandinka Bible

⁶ Mansa ñaadaa yelemata wo loodulaa to. A silata baake, fo a suufoolu korita, a kumbaliŋolu ka busa ñoo la.

Daniyeli 5:6 Iomraidhean Croise

Jabuuroolu 22:14

M fankoo suusuuta le komeŋ niŋ jiyo bonta bankoo to. N kuloolu bee bota ì cokoolu daa le, n jusoo keta n kono komeŋ niŋ kaañoo yelunta.

Jabuuroolu 69:23

Ì ñaalu dibindi fo ì kana jeroo ke noo, i ye tu ì teesuroolu lamfundi la.

Yesaya 35:3

Ali ali bulu lamfuriŋolu bambandi, aniŋ ali kumbaliŋ koririŋolu.

Yesaya 5:27

Hani moo kiliŋ ne maŋ bataa ì kono sako ka taki. Hani moo kiliŋ ne maŋ jinkoo sako ka siinoo. Hani ì la teesitiraŋ ne maŋ yomfa ì tewolu bala, sako ì la samata julu si kuntu.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Esekiyeli 21:7

Niŋ ì ye i ñininkaa i ka muŋ ne kumboo fo i ka sikisiki teŋ, i si a fo ì ye ko, i ye kibaaroolu mennu moyi, wolu silaŋo warabaata le. Niŋ a waatoo siita, a kijateyoo be doolu ketundi la le, doolu ye tu jarajara la, silaŋo niŋ dewuŋo kamma la, aduŋ moo bee kumbaliŋo be kori la le las. Waatoo ñiŋ siita naŋ ne, a te baayi la muk!” Maarii Yaawe le ye a fo.

Esekiyeli 7:17

Moo bee buloo be lamfu la le, ì kumbaliŋolu bee ye baabaa.

Daniyeli 2:1

Mansa Nebukanesa la mansayaa sanji fulanjaŋo kono, a siiboota. A jaakalita le fo a maŋ siinoo noo.

Daniyeli 3:19

Bituŋ Nebukanesa kamfaata fo a ñaadaa yelemata, Sadiraki, Mesaki, aniŋ Abedineko la kuwo kamma la. Wo le to a ye yaamaroo dii ko, ì si fuuroo la kandoo lafaa ko siiñaa woorowula, ka tambi ì dalita a ke la ñaameŋ.

Daniyeli 4:19

Bituŋ Daniyeli, meŋ too doo mu Belitesasa ti, jaakalita baake, aduŋ a kijoo ye a fara, wo waatindiŋo kono. Mansa ko a ye ko, “Belitesasa, siiboo niŋ a fasaroo kana i kijoo fara.” Belitesasa ye a jaabi ko, “M maarii, ŋa ñiŋ ne duwaa ñiŋ siiboo niŋ a fasaroo ye ke i jawoolu taa ti, a kana ke ite taa ti.

Daniyeli 4:5

Wo tumoo n tarata laariŋ ne, m be siinoo la. Bituŋ n naata siiboo, aduŋ a siiboo ye n kijoo fara le.

Daniyeli 5:5

Loodulaa kiliŋ moo buloo fintita, a ye safeeroo ke mansa la buŋo bala, lampu maloo tarata looriŋ daameŋ to kaŋ. Aduŋ mansa ñaa ye buloo je le a be safeeroo la.

Daniyeli 7:28

Kuwo ñiŋ banta jaŋ ne. Nte Daniyeli dewunta baake le, fo m muluŋo yelemata, aduŋ ŋa a kuwo muta n hakiloo kono le.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Hiburunkoolu 12:12

Wo kamma la, ali ali bulu lamfuriŋolu bambandi, aniŋ ali kumbaliŋolu mennu maŋ semboo soto.