Daniyeli 5:17 - Mandinka Bible

¹⁷ Bituŋ Daniyeli ye mansa jaabi ko, “Mansa, i la soorifeŋolu taa, waraŋ i ye ì dii moo doo la. Hani wo, m be safeeroo karaŋ na i ye le, ŋa a fasari i ye.

Daniyeli 5:17 Iomraidhean Croise

1 Musa 14:23

ko, i taa mu feŋ-wo-feŋ ti, nte te wo taa la, hani niŋ a ye a tara boorajuloo le mu, waraŋ samata juloo. Niŋ wo nte, i si a fo noo ko, ite le ye nte fankamaayandi.

2 Mansoolu 3:13

Elisa ko Banisirayila mansa Yoramu ye ko, “Nte niŋ ite maŋ kuu kafu. Taa i faamaa waraŋ i baamaa la annabiyomoolu yaa.” Bari Banisirayila mansa ko Elisa ye ko, “Hanii, wo nte. Yaawe le ye ntolu mansa saboo bee kafu ñoo ma, ka ǹ duŋ Mowabi bankoo moolu bulu.”

2 Mansoolu 5:16

Bari a ye a jaabi ñiŋ ne la ko, “A be koyiriŋ ñaameŋ ko Yaawe be baluuriŋ ne, n ka meŋ batu, n te feŋ muta la.” A ye a maaneenee ñaa-wo-ñaa a maŋ soŋ.

2 Mansoolu 5:26

Elisa ko a ye ko, “Fo nte foñomaa te nuŋ jee kabiriŋ kewo ñiŋ jiita a la sareetoo kaŋ, a ye i benduŋ? Fo ñiŋ mu kodi ñini waatoo le ti baŋ, aniŋ ka sitifeŋolu soto, olifu* yiri kankaŋolu niŋ wayini* yiri kankaŋolu, waraŋ saajiyolu niŋ ninsi koorewolu, waraŋ jonkewolu niŋ jommusoolu?

Jabuuroolu 119:46

M be i la dandalaaroolu fo la hani mansoolu ñaatiliŋo la le, aduŋ n te bula la maloo kono.

Daniyeli 2:6

Bari niŋ ali ye siiboo ñiŋ fo n ye aniŋ a fasaroo, m be feŋolu dii la ali la le, ka ali joo, aniŋ ka buuñaa baa dii ali la. Wo to saayiŋ, ali siiboo ñiŋ fo n ye, aniŋ a fasaroo.”

Daniyeli 5:29

Wo to le Belisasa ye yaamaroo dii a la dookuulaalu la ka mansa dendikoo duŋ Daniyeli la, ka sani yooroo duŋ a kaŋo la, ka a buuñaa. Aduŋ ì ye a kankulaa le ko, ate le mu moo sabanjaŋo ti, meŋ siŋ be mansa kaŋ.

Kiilaalu 8:20

Bari Pita ko a ye ko, “I la kodoo niŋ i faŋo ye kasaara, kaatu i ye a miira le ko, i si Alla la sooroo saŋ noo kodoo le la.