Daniyeli 4:4 - Mandinka Bible

⁴ Nte Nebukanesa tarata dahaa niŋ firiŋ baa le kono, n na mansasuwo kono.

Daniyeli 4:4 Iomraidhean Croise

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

Yeremiya 48:11

“Mowabi tarata tankoo doroŋ ne kono biriŋ a dindiŋ, ì nene maŋ a samba mutoo kono. Mowabi ka munta le ko, wayinoo* meŋ tuta looriŋ ka tenkeyaa, ì maŋ a yelema ka bo bata ka taa bata. A la timiyaa nene maŋ tiñaa, a la diyaa be a ñaama le doroŋ.

Esekiyeli 28:17

I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.

Esekiyeli 29:3

A fo ì ye, Maarii Yaawe ye ñiŋ ne fo ko: Firawoona, m buloo be laa la i kaŋ ne, ite Misira mansa, ite meŋ mu bamba baa ti, meŋ ka tara laariŋ Nayili Boloŋo kono. I ka a fo le ko, ñiŋ Nayili Boloŋo mu ite le taa ti, aduŋ i ye a dadaa i faŋo le ye.

Daniyeli 2:11

Mansa, i ka meŋ ñininkaa teŋ, a koleyaata le, aduŋ moo te a fo noo la i ye, niŋ a maŋ ke alloolu ti, aduŋ wolu maŋ tara sabatiriŋ hadamadiŋolu kono.”

Daniyeli 4:19

Bituŋ Daniyeli, meŋ too doo mu Belitesasa ti, jaakalita baake, aduŋ a kijoo ye a fara, wo waatindiŋo kono. Mansa ko a ye ko, “Belitesasa, siiboo niŋ a fasaroo kana i kijoo fara.” Belitesasa ye a jaabi ko, “M maarii, ŋa ñiŋ ne duwaa ñiŋ siiboo niŋ a fasaroo ye ke i jawoolu taa ti, a kana ke ite taa ti.

Daniyeli 5:8

Mansa la moo ñaamendiŋolu bee le naata, bari ì maŋ safeeroo karaŋ noo, sako ka a fasari mansa ye.

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.