Daniyeli 2:35 - Mandinka Bible

³⁵ Bituŋ newo, potoo, jaawaloo, kodiforoo, aniŋ sanoo bee teyita ka janjaŋ ñoo la, ì keta ko ŋañaa meŋ ka tu siimaŋ toñonkadulaa to, katiri koolaa. Foñoo ye a bee le samba, hani a noo maŋ tu jee. Bari beroo meŋ boyita a kaŋ, a naata ke konko baa le ti, aduŋ a ye duniyaa bee le beŋ.

Daniyeli 2:35 Iomraidhean Croise

Yuuba 6:17

Jaa waatoo kono, a bee naata suusuu. Niŋ kandoo waatoo naata, a bee ka yeemaŋ ne ka bo a taradulaalu to.

Jabuuroolu 103:16

niŋ foñoo ye a fee, a ye taa, aduŋ moo te a noo je la fereŋ.

Jabuuroolu 22:27

Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 37:10

Hani a te mee la, moo kuruŋolu be yeemaŋ na. I si ì ñiniŋ, bari i te ì je la.

Jabuuroolu 37:36

Bari ñaato, biriŋ m be tambi la, a te keriŋ kotenke, ŋa a ñini ñaa-wo-ñaa, m maŋ a je noo.

Jabuuroolu 46:9

Yaawe ye keloo baŋ duniyaa karoo bee la, a ye kalabeñoolu niŋ sooroolu bee kati, a ye koteeroolu* jani dimbaa kono.

Jabuuroolu 66:4

Duniyaa moolu bee ka ite le batu. Ì ka suukuwolu laa le ka i jayi, ì ka i jayi i too le la.” S

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Yesaya 8:9

Bantala bankoolu*, ali beŋ ñoo kaŋ, bari ali si tara dewundiŋ. Banku jamfariŋo moolu, ali i lamoyi! Ali i paree keloo la, bari ali si tara dewundiŋ. Tooñaa, ali i paree, bari ali dewuŋ.

Daniyeli 2:44

Wo mansoolu la waatoo la, Arijana Maarii be mansamarali bankoo le londi la, meŋ nene te baŋ na, aduŋ moo koteŋolu te ì semboo laa noo la a kaŋ. A be wo mansamarali banku koteŋolu bee le teyi la, ka ì janjaŋ, ì ye baŋ, aduŋ a be tu la looriŋ ne fo abadaa.

Hoseya 13:3

Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Jakariya 12:3

Duniyaa bankoolu bee be beŋ na ñoo kaŋ Yerusalaamu kamma le. Wo luŋo la, m be Yerusalaamu ke la ì bee ye bere sinkitaŋ baa le ti, meŋ-wo-meŋ ye a wulindi, si a faŋ barama jawuke.”

1 Korintinkoolu 15:25

Kaatu a ñanta maraloo ke la le fo a ye a jawoolu bee ke a siŋo koto.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Lankenemoo 12:8

Bari Mikayeli niŋ a la malaayikoolu ye ì noo le, aduŋ dulaa maŋ soto itolu ye kotenke Arijana kono.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.