Daniyeli 2:31 - Mandinka Bible

³¹ “Mansa, i la jeroo kono, i ye moo muluŋo le terentoo je. Moo muluŋo ñiŋ, a warata le, a be malamala kaŋ baake, aduŋ a keñaa silaŋo warata le. A be looriŋ i ñaato.

Daniyeli 2:31 Iomraidhean Croise

Yesaya 13:11

Yaawe ko, “M be duniyaa mantoora la a la kuu jawu kewo la le, ŋa moo kuruŋolu jarabi ì la junube kuu kewo la. M be faŋ wara moolu la faŋ wara maañaa daŋ na le, ŋa moo tooralaalu la faŋ sikandoo jindi.

Esekiyeli 28:7

Wo kamma la, m be banku moo doolu le wulindi la naŋ i kamma. Wo le mu bankoo ti meŋ jawuyaata aniŋ a tilimbaliyaata duniyaa bankoolu bee ti. Ì be i boyinkaŋ na keloo le la, ì ye i la wo dookuu ñiimaalu bee tiñaa, i ye mennu bee ke i la ñaameŋ baa la, ì be a bee horomantaŋyaa la le ka i malundi.

Daniyeli 2:36

“Siiboo ñiŋ mu wo le ti. Saayiŋ Mansa, m̀ be a fasari la i ye le.

Daniyeli 2:37

Ite Mansa, ite le mu mansoolu la mansakewo ti. Arijana Maarii ye mansamarali bankoo dii i la le, semboo, waroo, aniŋ horomoo.

Daniyeli 3:1

Mansa Nebukanesa ye moo muluŋo le dadaa sanoo la. A loo la jamfoo mu nonkonkatiñaa taŋ wooro le ti, a konoo la fanoo mu nonkonkatiñaa wooro le ti. A ye a londi Dura kene fanuŋo le kono, Babiloni bankoo kaŋ.

Daniyeli 4:36

Wo waatoo le mu n sondomoo seyita a ñaama. N na mansayaa horomoo niŋ semboo muruta n kaŋ. N na mansakundaa yaamarilaalu niŋ ñaatonkoolu naata n kaŋ, aduŋ ì ye m murundi mansayaa to kotenke. Bituŋ n na darajoo naata lafaa kuu.

Habakuki 1:7

Ì ka silaŋo le duŋ moolu la, aniŋ kijafaroo. Ì la faŋ waroo kaŋ, ì ye ì fansuŋ luwaa londi, meŋ diyaata ì ye, ì ka taama wo le la.

Matiyu 4:8

Ibiliisa naata a samba kotenke konko jaŋ baa santo. A ye duniyaa mansamarali bankoolu bee la waroo niŋ ñiiñaa yitandi a la.

Luka 4:5

Bituŋ Ibiliisa ye a samba dulaa jaŋ baa santo. A ye duniyaa mansamarali bankoolu bee yitandi a la waati kiliŋ,