Daniyeli 10:2 - Mandinka Bible

² Wo waatoo ye a tara le nte Daniyeli be woosii kaŋ, ka n na niikuyaa yitandi, fo lookuŋ kende saba.

Daniyeli 10:2 Iomraidhean Croise

Nehemiya 1:4

Kabiriŋ ŋa ñiŋ kumoolu moyi, n siita duuma ka kumboo. A ye tili dantaŋ sii le m be woosii la. N sunta, n duwaata ka Arijana Maarii daani.

Jabuuroolu 42:9

Ate Alla meŋ mu n na semberaŋ beroo ti, n ka a fo a ye le ko, “Muŋ ne ye a tinna i ñinata n na? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?”

Jabuuroolu 43:2

Ite Alla le mu n tuukuraŋo ti, muŋ ne ye a tinna i ye m bula? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?

Yesaya 66:10

“Ali niŋ Yerusalaamu ye maadiyaa, ali ye seewoo a la kuwo la, alitolu mennu bee ye a kanu. Yerusalaamu la kuwo ye alitolu mennu sunu, ali niŋ a ñanta deŋ na le ka seewoo.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Daniyeli 10:12

Wo le to a ko n ye ko, “Daniyeli, kana sila. Alla ye i la duwaa moyi le ka bo luŋo meŋ i ye i hakiloo loo ñiŋ kaŋ, ka lankenemayaa kumoo ñiŋ fahaamu, aduŋ i ye i fammajii i la Alla ñaatiliŋo la le. N naata i la duwaa jaabiroo le futandi i ma.

Matiyu 9:15

Bituŋ Yeesu ko ì ye ko, “Fo maañoobitilaalu si woosii noo baŋ, niŋ maañootiyo be ì fee? Bari luŋolu be naa la le, luŋo meŋ maañootiyo be bo la ì bulu. Wo to le ì be suŋ na.

Roomankoolu 9:2

Ŋa sunu baa le soto n sondomoo kono, aniŋ niitooroo meŋ maŋ dandulaa soto,

Yankuba 4:9

Ali niyolu si toora ali la junuboolu la, ali ye woosii niŋ kumboo la. Ali la jeloo si yelema woosiyo ti, ali la seewoo ye yelema niikuyaa ti.

Lankenemoo 11:5

Niŋ moo-wo-moo lafita ka ì mantoora, dimbaa ka bo naŋ ì daalu kono le, ka ì jawoolu kasaara. Niŋ moo-wo-moo lafita ka ì mantoora, a maarii ñanta faa la wo le ñaama.