2 Mansoolu 8:13 - Mandinka Bible

¹³ Hasayeli ko a ye ko, “M maarii, nte ye muŋ sembe le soto sako n si ñiŋ kuu baa ke noo, nte meŋ maŋ ke feŋ ti?” Elisa ko a ye ko, “Yaawe ye a yitandi n na le ko ite le be naa ke la Aramu mansa ti.”

2 Mansoolu 8:13 Iomraidhean Croise

2 Samuweli 9:8

Mefiboseti ñoyita kotenke, a ko, “I la dookuulaa mu muŋ ne ti, hani wulu furewo le fisiyaata nte ti, i ka beteyaa yitandi nte meŋ na teŋ.”

1 Mansoolu 19:15

Wo to le Yaawe ko a ye ko, “Muru i noo kaŋ, i ye taa keñewuloo to daameŋ to be Damasiku saatewo daala. Niŋ i futata jee, i si Hasayeli tomboŋ ka tuloo boŋ a kuŋo kaŋ ka a ke mansa ti Aramu kunna.

2 Mansoolu 13:22

Aramu mansa Hasayeli ye Banisirayila bankoo moolu toorandi le Yehohasi la maraloo waatoo muumewo bee kono.

2 Mansoolu 8:10

Elisa ko a ye ko, “Taa a fo a ye ko, a be kendeyaa la le. Bari Yaawe ye a yitandi n na le ko tooñaa a be faa la le.”

Jabuuroolu 22:16

N jawoolu ye m murubeŋ ne ko wulu koorewo, moo jawu kafoo le ye n kuru ka m beŋ, ì ye m buloolu niŋ n siŋolu soo le.

Jabuuroolu 22:20

N niyo tanka n jawoolu la hawusaroo* ma. N niyo tanka ñiŋ wulu saŋaroolu ma, ŋa nii kiliŋo meŋ soto.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.

Matiyu 7:6

“Ali kana feŋ senuŋolu dii wuloolu la, kaatu ì be ali boyinkaŋ na le, aduŋ ali kana ali la pemoolu fayi seewoolu ye, kaatu ì be ì dori la ì siŋolu la le.

Filipinkoolu 3:2

Ali ali hakiloo tu wo moolu to, mennu ka kuu jawoolu ke, wo wuloolu. Ali ali hakiloo tu wo moolu to, mennu ka ì baloolu nama.

Lankenemoo 22:15

Bari wuloolu niŋ batuutaatiyolu le be a banta la, ì niŋ laañooyaa tulunnaalu, moofaalaalu, jalambatulaalu, aniŋ moolu mennu ye faniyaa foo kanu, aduŋ ì ka loo wo kaŋ.

1 Samuweli 17:43

A ko Dawuda ye ko, “Fo nte mu wuloo le ti, fo i niŋ dokoolu ka naa n kaŋ!” Koliyati ye Dawuda danka ka bo niŋ a la alloolu la.