2 Mansoolu 21:12 - Mandinka Bible

¹² Wo kamma la ate Yaawe, Banisirayila la Alla ko, a be kasaara kuwo le boyi la Yerusalaamu saatewo niŋ Yahuuda moolu kaŋ, aduŋ niŋ moo-wo-moo tuloo ye wo kuwo moyi, a maarii be teekumu la le.

2 Mansoolu 21:12 Iomraidhean Croise

2 Mansoolu 22:16

‘Yaawe, Banisirayila la Alla ko: M be maasiiba kuwo le samba la naŋ ñiŋ dulaa niŋ a moolu kaŋ, aniŋ kumakaŋolu mennu be ñiŋ kitaaboo kono, Yahuuda mansa ye meŋ karaŋ.

Yesaya 24:5

Moolu ye bankoo kosondi, kaatu ì ye Alla la karandiroo soosoo le. Ì maŋ bula a la yaamaroolu nooma, ì ye a la badaa-badaa kambeŋo tiñaa.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yeremiya 19:3

A fo Yahuuda mansoolu aniŋ Yerusalaamu moolu ye, ì ye i lamoyi nte Yaawe la kumoo la. Nte Yaawe Alihawaa Maariyo*, Banisirayila la Alla ye ñiŋ ne fo ko: A juubee, m be naa kuu jawu le naati la ñiŋ dulaa kaŋ, niŋ moo-wo-moo ye a moyi, a be teekumu la le.

Esekiyeli 7:5

Maarii Yaawe ye ñiŋ ne fo ko: “Kooroo be kooroo kaŋ, wo le be naa.

Daniyeli 9:12

I ye i la kumoo timmandi le, i ye meŋ fo ǹ niŋ ǹ na maralilaalu ma. I ye kasaara baa le boyi ǹ kaŋ. I ye kuwo meŋ laa Yerusalaamu kaŋ, wo ñoŋ kuwo nene maŋ laa saatee koteŋ kaŋ duniyaa bee kono.

Amosi 3:2

“Ŋa ali doroŋ ne tomboŋ duniyaa moolu muumewo bee kono. Wo kamma la m be ali jarabi la ali la junube kuukewolu bee la le.”

Mika 3:12

Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

1 Samuweli 3:11

Bituŋ Yaawe ko Samuweli ye ko, “A juubee, m pareeta ka kuu le ke Banisirayila kono, meŋ be a tinna la, niŋ moo-wo-moo tuloo ye a moyi, a si dewuŋ.