1 Mansoolu 4:33 - Mandinka Bible

³³ A ye bankoo faliŋ feŋolu la kuwo diyaamu le nuŋ, ka bo sedari* yiroo la meŋ be Libanooni ka taa fo siisiliŋñaamoo meŋ ka faliŋ tata sansaŋo faroo kono. A ye daafeŋolu la kuwo fo le, kunoolu, kuruntu feŋolu, aniŋ ñewolu.

1 Mansoolu 4:33 Iomraidhean Croise

1 Mansoolu 4:32

A ye kuma kotoomaa wuli saba le fo, aduŋ a la suukuwolu yaatewo mu wuli kiliŋ niŋ luulu le ti.

1 Mansoolu 4:34

Moolu ka bo naŋ bankoolu bee kaŋ ne ka naa Sulemani la ñaameŋo moyi. Duniyaa mansoolu bee mennu ye Sulemani la ñaameŋo moyi wolu le ye ì kii.

2 Mansoolu 19:23

Sennakeribu ye kiilaalu kii ka nte Yaawe neŋ ne. A ko, ‘N niŋ n na keleraŋ sareeti* jamaalu seleta konkoolu santo le, ka taa fo Libanooni bankoo daŋo to. Ŋa jee sedari* yiri jaŋ baalu boyi le, aniŋ junipa yiri ñiimaa baalu. M futata a konkoolu daŋo ma le, ka taa a sutu yiriwaariŋolu kono.’

Jabuuroolu 51:7

N na junuboolu bondi, ŋa seneyaa, n kuu, ŋa koyi fer.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

2 Musa 12:22

Ali siisiliŋñaama buloo taa, ali ye a bula yele booloo kono, ali ye yeloo doo muu bundaa santo niŋ a kaadari fuloo bee la. Hani moo kiliŋ ne maŋ ñaŋ na finti la a la buŋo kono, janniŋ fanoo ka ke.

Suukuwo 4:8

N na maañoo, bo naŋ Libanooni, i ye naa n kaŋ. Bo naŋ Libanooni konkoolu to, i ye naa n kaŋ. Jii naŋ Amana Konkoo turoo to, jii naŋ Seniri niŋ Herimoni* Konkoolu to. Bo jatoolu la koloolu to, bo naŋ ñunkoolu to, soloolu be daameŋ.

Suukuwo 5:15

A siŋolu be le ko bere samasiŋ ñiimaa, meŋ be looriŋ sani looraŋo kaŋ. A alihaaloo be le ko Libanooni Konkoo, a be bambandiŋ ko sedari* yiroo.

3 Musa 14:51

A si naa sedari dokoo taa, siisiliŋñaama buloo, boorajulu wuleŋo, ka taa kunu baluuriŋo, a ye ì bula kunu faariŋo yeloo kono, meŋ niŋ jii kendoo ñaamita. A si a sariŋ-sariŋ buŋo kono siiñaa woorowula.

4 Musa 19:18

Bituŋ kewo meŋ seneyaata, a si siisiliŋñaama buloo taa, a ye a bula ñiŋ jiyo kono, a ye a sari tiriliisoo kaŋ, aniŋ a jooraŋolu bee, aniŋ moolu fanaa kaŋ mennu be jee. A si a sari moo-wo-moo fanaa kaŋ meŋ maata moo kuloo la, waraŋ kaburoo, waraŋ ì ye moo meŋ faa, waraŋ moo meŋ faata a faŋ ye.

4 Musa 24:6

Ali la tiriliisoolu be feeneeriŋ ne ko wulumbaŋolu, ko naakoo meŋ be jii daala, ko alowe yiroo, Yaawe faŋo ye meŋ tutu, ko sedari* yiroo meŋ be jii daala.

Hiburunkoolu 9:19

Biriŋ Musa ye Luwaa la yaamaroolu bee bankee moolu bee ye, a ye ninsiriŋolu yeloo niŋ baakotoŋolu le yeloo taa, a ye ì niŋ jiyo ñaami. Bituŋ a ye a sariŋ-sariŋ Luwaa Kitaaboo* kaŋ, aniŋ moolu bee, ka bo niŋ siisiliŋñaama buloo la, boorajulu wuleŋo tarata meŋ bala.