Né-je kɨ́ ꞌtḛḛ kɨ̀ dɔ-é 21:2 - Ta lə Lubə Kunmindɨ kɨ́ Sigɨ

² Ə mꞌoo ɓebo kɨ́ aa njay kɨ́ to ɓebo Jorijalḛm kɨ́ sigɨ ḭ dɔra̰-tɨ rɔ Lubə-tɨ isɨ ree dɔnangɨ-tɨ, ꞌra rɔ-é lay titɨ-na̰ kɨ̀ dené kɨ́ ɔw kɨ̀ taa ngɔw sigɨ kɨ́ mɔ̰ne kdɔ tilə-né kəm ngɔbɨ-é kin bè.

Né-je kɨ́ ꞌtḛḛ kɨ̀ dɔ-é 21:2 Iomraidhean Croise

Poyta kɨ́ Majɨ kɨ́ Ja̰ ndàngɨ 3:29

Njètaa dené lé, ḛ ya to ngɔw dené; ngà nam ngɔw dené lé, ḛ a̰ mbɔ́-é-tɨ nè, a̰ oo ndi-é; lokɨ oo ndi nam-é lé, rɔ-é nəl-é n̰a̰; ma̰ kàrè rɔ-m nəl-m bè ya tɔ ə to rɔnəl kɨ́ n̰a̰.

2 Kɔrḛntɨ-je 11:2

Kdɔ mꞌra jangɨ dɔ-si-tɨ, ə to jangɨ kɨ́ ḭ rɔ Lubə-tɨ, kdɔtalə mꞌuwə dɔ-si mꞌadɨ dingəm kɨ́ káre-rè, kadɨ mꞌɔw sə-si mꞌtɔjɨ Kristɨ titɨ ngonmandɨ kɨ́ aa njay kɨ́ gə dingəm al ɓəy bè.

Əbrə-je 11:10

Kdɔ ḛ isɨ ngəbɨ ɓebo kɨ́ gin-é nga̰ majɨ kɨ́ Lubə ya to njèkɔjɨ gosɨ ra-é rəm, to njèkində-é rəm.

Əbrə-je 11:16

Ngà kɨ́ tɔgrɔ-tɨ lé, dḛ ꞌsangɨ ɓe kɨ́ majɨ n̰a̰ itə ḛ kɨ́ dꞌḭ-tɨ, adɨ to ɓe kɨ́ dɔra̰-tɨ. Gin-é kin ɓá ꞌɓa Lubə Lubə lə-dé kàrè rɔ-é sɔl-é-né al; kdɔ ḛ ra go ɓebo lə-dé nɔ̰ɔ̰.

Əbrə-je 12:22

Ngà sə̰i rəmə ɔwi mbɔ́ mbal Siyɔ̰-tɨ kɨ́ ɓebo-tɨ lə Lubə kɨ́ njèkisɨ kəm, Jorijalḛm kɨ́ dɔra̰-tɨ, kɨ̀ mbɔ́ malayka-je-tɨ kɨ́ ɓudɔgɨ nja n̰a̰-n̰a̰ rəm;

Əbrə-je 13:14

Kdɔ jə̰i jꞌɔwi kɨ̀ ɓebo kɨ́ à tò sartagangɨ nangɨ nè al, ngà jꞌisi jꞌsangi ḛ kɨ́ à ree.

Né-je kɨ́ ꞌtḛḛ kɨ̀ dɔ-é 1:1

Né-je kɨ́ sɔbɨ dɔ Jeju Kristɨ kɨ́ to né-je kɨ́ tò lo ɓɔyɔ-é-tɨ ɓá Lubə tḛḛ kɨ̀ dɔ-é, adɨ to né-je kɨ́ tò kadɨ à ra né ngɔsnè ɓá Lubə in̰ə ji Jeju-tɨ kadɨ tɔjɨ ngannjékullə-je liə. Beɓa Jeju ulə malayka liə rɔ ngonnjèkullə-tɨ liə Ja̰ kadɨ adɨ kəm-é ijə dɔ-tɨ.

Né-je kɨ́ ꞌtḛḛ kɨ̀ dɔ-é 1:4

Ma̰ Ja̰ mꞌndàngɨ mbete kin mꞌadɨ njékəwna̰-je kɨ́ gin siri kɨ́ dɔnangɨ Aji-tɨ. Kadɨ njèkisɨ kete low, kɨ́ to njèkisɨ ngɔsnè, kɨ́ à ree rəm, kadɨ ndil-je liə kɨ́ siri kɨ́ dꞌa̰ nɔ̰̀ kalikɔɓe-tɨ liə rəm, kadɨ Jeju Kristɨ kɨ́ to njèka̰ dɔ ndi-é-tɨ dꞌadɨ ramajɨ, kɨ̀ lapiya lə-dé nà̰y sə-si. Jeju Kristɨ lé, to dow kɨ́ dɔsa̰y kɨ́ tɔsɨ ndəl ində lo tḛḛ tagangɨ, to kɨ́ ꞌboy dɔ ngar-je-tɨ kɨ́ dɔnangɨ-tɨ nè. Ḛ kɨ́ to njèndigɨ-ji, njèkɔr-ji kɔgɨ mḛḛ majal-je-tɨ lə-ji kɨ̀ takul məsɨ-é

Né-je kɨ́ ꞌtḛḛ kɨ̀ dɔ-é 1:9

Ma̰ Ja̰ kɨ́ mꞌto ngonkɔ̰-si kɨ̀ takul Jeju, adɨ mꞌingə kɔ̰̀ sə-si natɨ rəm, mꞌto dow kɨ́ kɔ̰ɓe-tɨ liə natɨ sə-si rəm, mꞌuwə rɔ-m nga̰ natɨ sə-si lé ɓá, ndɔkɨ dꞌuwə-m dꞌilə-m dɔnangɨ-tɨ kɨ́ ꞌɓa-é Patmosɨ kɨ́ to dɔgore lo kɨ́ dan ba-tɨ, kdɔ ta lə Lubə kɨ́ mꞌpa rəm, kdɔ ta kɨ́ tɔgrɔ-tɨ kɨ́ sɔbɨ dɔ Jeju kɨ́ mꞌpa lé rəm tɔ.

Né-je kɨ́ ꞌtḛḛ kɨ̀ dɔ-é 11:2

Ngà lo kɨ́ takəy-tɨ lə Lubə rəmə, ꞌmbɔjɨ al, in̰ə adɨ tò; kdɔtalə dꞌadɨ dow-je kɨ́ ꞌto dow-je lə Lubə al, adɨ ɓebo lə Lubə kɨ́ to ɓebo kɨ́ aa njay lé, dḛ dꞌa mbəjrə kɨ̀ nja-dé na̰y kɔrsɔ gidɨ-é joo.»

Né-je kɨ́ ꞌtḛḛ kɨ̀ dɔ-é 21:10

Beɓa Ndil kɨ́ aa njay ree dɔ-m-tɨ ə malayka lé un-m ɔw sə-m dɔ mbal-tɨ kɨ́ boy, kɨ́ ngal n̰a̰, ɓá ɔjɨ-m Jorijalḛm kɨ́ to ɓebo kɨ́ aa njay kɨ́ ḭ dɔra̰-tɨ rɔ Lubə-tɨ isɨ ree dɔnangɨ-tɨ.

Né-je kɨ́ ꞌtḛḛ kɨ̀ dɔ-é 21:9

Go-tɨ, kɨ́ káre dan malayka-je-tɨ kɨ́ siri kɨ́ dꞌuwə kobɨ-je kɨ́ siri ji-dé-tɨ kɨ́ sɔ̰y tujɨ-je kɨ́ gin siri rusɨ-rusɨ lé ree rɔ-m-tɨ idə-m panè: ꞌRee, mꞌa kɔjɨ-i dené kɨ́ to ne Ngonbatɨ lé kadɨ-i ꞌoo-é.

Né-je kɨ́ ꞌtḛḛ kɨ̀ dɔ-é 22:17

Ndil kɨ́ aa njay dḛ kɨ̀ njèngɔw ꞌpanè: I ꞌree! Kadɨ dow kɨ́ oo ta kinlé, panè: I ꞌree! Kadɨ dow kɨ́ kundə man ra-é rəmə, ree; kadɨ dow kɨ́ ndigɨ rəmə, ree taa man kiskəm lé kare ya a̰y!

Né-je kɨ́ ꞌtḛḛ kɨ̀ dɔ-é 22:19

Ə kinə dow madɨ ɔr ta-je kɨ́ ta Lubə-tɨ kɨ́ tò mḛḛ mbete-tɨ kin kɔgɨ rəmə, Lubə à kɔgɨ-é kandɨ kagɨ kiskəm rəm, ɓá à kɔgɨ-é kɔw mḛḛ ɓebo-tɨ kɨ́ aa njay kɨ́ ꞌndàngɨ ta-é mḛḛ mbete-tɨ kinlé rəm tɔ.

Né-je kɨ́ ꞌtḛḛ kɨ̀ dɔ-é 3:12

Dow kɨ́ njètətrɔ lé, mꞌa kadɨ-é to kagɨ ngɔw dan kəy lə Lubə lə-m ə ḛ à tḛḛ mḛḛ-é-tɨ kɔgɨ nda̰ al. Mꞌa ndàngɨ ri Lubə lə-m rɔ-é-tɨ rəm, ɓebo lə Lubə lə-m kɨ́ to ɓebo Jorijalḛm kɨ́ sigɨ kɨ́ ḭ dɔra̰-tɨ rɔ Lubə-tɨ lə-m lé, mꞌa ndàngɨ ri-é rɔ-é-tɨ rəm, ɓá ri-m kɨ́ sigɨ lé kàrè, mꞌa ndàngɨ rɔ-é-tɨ rəm tɔ.