Né-je kɨ́ ꞌtḛḛ kɨ̀ dɔ-é 14:11 - Ta lə Lubə Kunmindɨ kɨ́ Sigɨ

¹¹ Kɨ̀ dɔ ɓal-ɓal ya kɔ̰̀ lə-dé à kɔsɨ go-na̰ go-na̰ titɨ-na̰ kɨ̀ sapər kɨ́ suu lukɨ-lukɨ kin bè. Dow-je kɨ́ njékɔsɨ dɔ-dé nangɨ nɔ̰̀ da̰-tɨ, kɨ̀ nɔ̰̀ né-tɨ kɨ́ to takəm-é rəm, ɓá dow kɨ́ rá-rá kɨ́ ri da̰ lé ɓá dꞌijə-né ndajɨ rɔ-é-tɨ lé, lo taakoo lə-dé goto, ndɔɔ rəm, kada rəm.

Né-je kɨ́ ꞌtḛḛ kɨ̀ dɔ-é 14:11 Iomraidhean Croise

Matiye 11:28

«ꞌReei rɔ-m-tɨ, sə̰i dow-je lay kɨ́ ɔɔi rɔgɨ-rɔgɨ gin nékutɨ-tɨ kɨ́ ɔy, ə mꞌa kadɨ-si ꞌtaai koo.

Matiye 25:41

Go-tɨ, ḛ à təl kidə dḛ kɨ́ dɔ-ji gəl-é-tɨ lé panè: «Ɔti rangɨ ta-m-tɨ, sə̰i dow-je kɨ́ Bɔbɨ-m ində ndɔl dɔ-si-tɨ. Ɔwi dan pər-tɨ kɨ́ tò sartagangɨ kɨ́ tokɨ ra go-é kdɔ Sú dḛ kɨ̀ malayka-je liə.

Matiye 25:46

Beɓa dḛ kɨ́ dɔ-ji gəl-é-tɨ lé, dꞌa kɔw dan kɔ̰̀-tɨ kɨ́ sartagangɨ, ngà njéra né kɨ́ njururu-je lé, ɓá dꞌa kɔw lo kiskəm-tɨ kɨ́ sartagangɨ tɔ.

Əbrə-je 1:8

Ngà kɨ́ sɔbɨ dɔ Ngon-é rəmə ḛ panè: Lubə, kalikɔ̰ɓe lə-i tò kɨ̀ dɔ ɓal-ɓal ə gɔl ngar lə-i to gɔl ra né kɨ́ njururu.

Né-je kɨ́ ꞌtḛḛ kɨ̀ dɔ-é 11:15

Malayka kɨ́ njèkungɨ-tɨ siri kɔ́l təbɨ mbanga. Rəmə ndi dow-je ɓa boy-boy dɔra̰-tɨ panè: Kɔ̰ɓe kɨ́ dɔnangɨ-tɨ nè lé, ꞌtəl-né dꞌadɨ ꞌƁaɓe lə-ji ə dꞌadɨ Kristɨ, dow kɨ́ Lubə mbətɨ-é. Ḛ à kɔ̰ɓe kɨ̀ dɔ ɓal-ɓal.

Né-je kɨ́ ꞌtḛḛ kɨ̀ dɔ-é 13:12

Ḛ ra kullə kɨ̀ tɔ́gɨ-je lay kɨ́ da̰ kɨ́ dɔsa̰y ɔw-né lé, takəm-é-tɨ rəm, ɓá ində tɔ́gɨ dɔ dɔnangɨ-tɨ, kɨ̀ dɔ dow-je-tɨ kɨ́ dɔnangɨ-tɨ nè lay adɨ dꞌɔsɨ dɔ-dé nangɨ nɔ̰̀ da̰-tɨ kɨ́ dɔsa̰y kɨ́ ingə dò kɨ́ asɨ koy ɓá təl idɨ lé.

Né-je kɨ́ ꞌtḛḛ kɨ̀ dɔ-é 13:15

Dꞌadɨ-é tɔ́gɨ kadɨ gosɨ-né né kɨ́ ꞌra dꞌadɨ to takəm da̰ kɨ́ dɔsa̰y lé, kdɔ kadɨ pa ta rəm, kadɨ tɔl dow-je lay kɨ́ dꞌa mbatɨ kɔsɨ dɔ-dé nangɨ nɔ̰̀-é ḛ-tɨ kɨ́ to takəm da̰ kɨ́ dɔsa̰y lé.

Né-je kɨ́ ꞌtḛḛ kɨ̀ dɔ-é 13:17

Ə dow kɨ́ ndajɨ kɨ́ tò kɨ̀ ri da̰ lé əse kɔr né kɨ́ ḛ ɓá to ri-é, goto rɔ-é-tɨ lé, à ndogɨ né al rəm, ɓá à rabɨ né al rəm tɔ.

Né-je kɨ́ ꞌtḛḛ kɨ̀ dɔ-é 14:9

Malayka kɨ́ njèkungɨ-tɨ mutə un go malayka-je kɨ́ joo kete lé pa ta kɨ̀ ndi-é kɨ́ boy panè: Kinə dow madɨ ɔsɨ dɔ-é nangɨ nɔ̰̀ da̰-tɨ lé rəm, nɔ̰̀ né-tɨ kɨ́ to takəm-é rəm, ɓá dꞌijə ndajɨ natɨ nɔ̰̀-é-tɨ əse ji-é-tɨ lé,

Né-je kɨ́ ꞌtḛḛ kɨ̀ dɔ-é 18:18

Lokɨ dꞌoo sapər kɨ́ ɔ̰̀ ɓebo lé rəmə, dꞌilə bɔbɨ ndi-dé nangɨ ꞌpanè: Ɓebo kɨ́ rá ɓá titɨ-na̰ kɨ̀ ɓebo kin wa?

Né-je kɨ́ ꞌtḛḛ kɨ̀ dɔ-é 18:9

Ngar-je kɨ́ dɔnangɨ-tɨ nè lay kɨ́ njéra siə kaya-je, kɨ̀ njékisɨ siə dan majɨ-tɨ kɨ́ n̰a̰ kinlé, lokɨ dꞌa koo sapər kɨ́ à ró-é lé rəmə, dꞌa nɔ̰ rəm, ɓá dꞌa ndingə rɔ-dé kdɔ ta liə rəm tɔ.

Né-je kɨ́ ꞌtḛḛ kɨ̀ dɔ-é 19:3

Ndi kosɨ dow-je kɨ́ n̰a̰ lé, təl ɓa kɨ́ njèkungɨ-tɨ joo ɓəy panè: Alleluya! Ə ɓebo kɨ́ ɔ̰̀ pər lé, sa-é suu luy-luy ya kɨ̀ dɔ ɓal-ɓal.

Né-je kɨ́ ꞌtḛḛ kɨ̀ dɔ-é 20:10

Sú kɨ́ to njèkədɨ-dé lé, dꞌilə-é dan pər-tɨ kɨ́ yal-é tò ɗikɨ-ɗikɨ; lo-é kinlé ɓá da̰ lé dḛ kɨ̀ njèkədta kɨ́ njèɓa rɔ-é njèpata kɨ́ ta Lubə-tɨ dꞌa̰-tɨ ə dꞌa kingə kɔ̰̀ ndɔɔ-je kɨ̀ kada-je ya kɨ̀ dɔ ɓal-ɓal.

Né-je kɨ́ ꞌtḛḛ kɨ̀ dɔ-é 22:5

Ndɔ à kil nda̰ al rəm, ngannjékullə-je liə lé dꞌa kɔw ndoo pər lampɨ al rəm, dꞌa kɔw ndoo ndógɨ kàdɨ̀ al rəm, kdɔtalə ꞌƁaɓe Lubə ya à ndógɨ dɔ-dé-tɨ, ə dꞌa kɔ̰ɓe kɨ̀ dɔ ɓal-ɓal.

Né-je kɨ́ ꞌtḛḛ kɨ̀ dɔ-é 7:12

ꞌpanè: Amḛn! Tɔ́y, kɨ̀ kɔsgajɨ, kɨ̀ gosɨ, kɨ̀ oiyo, kɨ̀ riɓa, kɨ̀ tɔ́gɨ, kɨ̀ rɔnga̰ to ꞌlə Lubə lə-ji kɨ́ njèkisɨ kɨ̀ dɔ ɓal-ɓal. Amḛn!