Tite 2:2 - Mbeti ti Nzapa - Tënë so amu fini

² Mo tene na ambakoro-koli titene ala sara ye ahon ndoni pepe, me na legeni; ala ne tere ti ala, ala tene tënë na legeni, ala kpengba na lege ti mabe, na lege ti yengo tere nga na lege ti kangango be na ya ti aye kue.

Tite 2:2 Iomraidhean Croise

Mbeti ti Job 12:12

Ndara ayeke ye ti ambakoro; hingango nda ti ye ayeke ti azo so ate gigi aninga.”

Abia (Psaumes) 92:14

Lo yeke tongana keke so a lu na ya ti gbagba ti kota da ti KOTA GBIA, lo yeke kono gi na ya ti gbagba ti Nzapa ti e.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Ésaïe 65:20

Fade kete molenge so ayeke sara gi kete lango si lo kui, ayeke duti kâ pepe. Akangba ayeke ga mbakoro kue si ala kui. Zo so awara ngu ngbangbo oko si lo kui, andaa lo ngba maseka mingi. Zo so akui kozo titene lo wara ngu ngbangbo oko, a baa lo tongana zo so a deba lo debango.

Awayango-sandaga 19:32

“Alingbi ala londo na nduzu na dawa ti mbeni zo so kua ti li ti lo avuru. Alingbi ala ne mbakoro; tongaso laa ala yeke fa atene, ala yeke kpe mbeto ti mbi Nzapa ti ala laa. Mbi laa mbi yeke KOTA GBIA.

Marc 5:15

Ala si na tere ti Jésus si ala baa koli so lani gba ti asioni yingo ayeke na ya ti lo so. Lo duti, lo yu bongo si li ti lo aga nzoni. Mbeto agbu ala kue.

Nzoni Tënë so Luc asu na mbeti 8:35

Azo aga ti baa ye so asi so. Ala si na tere ti Jésus si ala baa koli so lani asioni yingo asigigi na ya ti lo so. Lo yeke duti na gbe ti Jésus, lo yu bongo si li ti lo aga nzoni. Mbeto agbu ala kue.

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Rome 12:3

Nzapa asara nzoni be na mbi. Ndani laa mbi tene na ala oko oko kue, mbi tene: ala baa tere ti ala wani tongana akota zo pepe; me ala baa tere ti ala tongana asenge zo, alingbi na mabe so Nzapa amu na zo oko oko.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

1 Korente 9:25

Awanguru kue ayeke ke ambeni ye mingi ti leke tere ti ala ndali ti mandako. Ala yeke sara ni ti wara na peko ni nzoni ye so ayeke buba bubango. Ti e, e yeke sara ni ti wara nzoni ye so ayeke buba ande pepe.

2 Korente 5:13

Tongana e yeke azo so li ti ala ayeke daa pepe, e yeke tongaso ndali ti Nzapa. Tongana e yeke azo so li ti ala ayeke daa, e yeke tongaso ndali ti ala, a-ita.

Galasii 5:23

sarango ngangu na zo pepe nga na ngangu ti kanga nzara ti tere. Ndia ake aye tongaso pepe.

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.

1 Tesalonike 5:6

Tongaso, alingbi e lango tongana tanga ti azo pepe, me le ti e akpengba, e sara ye ahon ndoni pepe, me na legeni.

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

1 Timothée 1:10

azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 3:11

Alingbi awali ni nga ayeke azo so ane tere ti ala, ala yeke tene sioni tënë na iri ti zo pepe, ala yeke sara ye ahon ndoni pepe, me na legeni; azo alingbi ti zia be na ndö ti ala na ya ti aye kue.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 3:4

lo yeke nzoni makonzi ti sewa ti lo wani, lo yeke sara titene amolenge ti lo ama yanga ti lo, na nengo tere.

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

1 Timothée 5:1

Mo suku ngangu na mbakoro-koli pepe, me mo mu wango na lo tongana ti so mo yeke mu wango na babâ ti mo, mo mu wango na amaseka-koli tongana a-ita ti mo ti koli;

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

Tite 1:8

Me lo yeke yamba azo nzoni na da ti lo, lo ye ti sara gi nzoni ye; lo yeke tene tënë na legeni, lo yeke zo ti mbirimbiri, lo duti nde ndali ti Nzapa, lo hinga ti kanga anzara ti tere ti lo.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.

2 Pierre 1:6

na ndö ti hingango ndo, ala zia kangango nzara ti tere; na ndö ti kangango nzara ti tere, ala zia kangango be; na ndö ti kangango be, ala zia gbungo tënë ti Nzapa ngangu;