Tite 1:5 - Mbeti ti Nzapa - Tënë so amu fini

⁵ Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.

Tite 1:5 Iomraidhean Croise

1 Mbai 6:32

Mali, Mali ayeke molenge ti Mushi, Mushi ayeke molenge ti Merari, Merari ayeke molenge ti Lévi.

Zo ti bongbingo azo 12:9

Ye so zo ti bongbingo azo asara ayeke so: lo kiri lo fa hingango ye na azo. Lo ma *amato mingi, lo gi nda ni si lo leke ni na legeni.

Ésaïe 44:7

Zo wa laa alingbi na mbi, zo wa? Alingbi lo dekongo, lo fa na mbi nda ti aye ni, ngbene ye so mbi sara akozo mara! Alingbi lo fa na mbi aye so asi awe nga na aye so ayeke si ande.

Awayango-sandaga 14:42

Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

Awatokua 2:11

ambeni alondo na Krete nga na Arabii. E so kue e yeke ge, azuife na ambeni zo so ayeke bata *Ndia ti Moïse, e yeke ma ala na taa ayanga ti kodro ti e; ala yeke tene tënë ti akota ye so Nzapa asara!”

Awatokua 27:12

Na ndö ni kue, ndo ti lutingo ti amangboko ni ayeke nzoni pepe titene ala luti daa na ngoi ti de. Ndani laa mingi ti azo ti ya ti mangboko ni aye ti londo na ndo so ti mu le ti ngu ti gue na Fenize tongana lege ayeke daa. Fenize ayeke mbeni ndo ti lutingo ti amangboko so ayeke na zoa ti Krete, so abaa le na Mbongo-Do na Banga-Do. Ala ye ti duti kâ ngbii ngoi ti de ahon si.

Awatokua 27:13

Mbeni kete pupu alondo na mbage ti Mbongo si ayeke ya; azo ti mangboko ni abaa ti ala atene, ala yeke gue ande ti si na ndo so ala leke be ti ala ti si daa. Nilaa ala zi nengo wen so a yeke bi ka na ya ti ngu titene mangboko ni aluti, ala mu yanga ti ngu ti Krete ti gue.

Awatokua 27:21

Asara lango mingi, azo ti ya ti mangboko ni ate kobe pepe. Paul aluti na dawa ti ala si lo tene na ala: “A-ita, tongana ala ma fade wango ti mbi si ala ngba na Krete, ka e baa pasi si aye abuba tongaso pepe.

Awatokua 27:7

E gue gi yeke-yeke na ya ti alango mingi si e si na gbata ti Kinide. Tambula ni aduti ngangu, angba kete, e si kâ pepe. Na ndo so, pupu akanga lege na e biani ti hon na lege so e mu so, nilaa e hon na mbeni yanga ti sese ti zoa ti Krete so iri ni Salmone, e ngoro na mbage ti zoa ni, na mbage ti Mbongo, ndo so pupu ayeke ya daa pepe.

1 Korente 11:34

Tongana nzara asara mbeni zo, alingbi lo te kobe na da ti lo, tongaso si ala bongbi ti iri ngbanga ti Nzapa na li ti ala pepe. Tongana mbi si kâ, fade mbi yeke leke tanga ti atënë ni.

1 Korente 14:40

Ala sara ye kue na legeni, me na ya ti wusuwusu pepe.

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

Kolose 2:5

Biani, mbi wani, mbi yeke na popo ti ala pepe, me be ti mbi angba na ndö ti ala. Mbi yeke na ngia ti baa so, ala yeke sara ye na legeni si mabe ti ala angba ti kpengba na ndö ti Christ.

1 Timothée 1:3

Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Tite 1:12

Mbeni zo oko na popo ti ala, mbeni wayanga-nzapa ti ala wani atene: “Azo ti Krete ayeke tene gi mvene lakue, ala yeke asioni nyama, ala yeke azo ti sopo so ayeke te kobe gi na mbana.”