Tite 1:11 - Mbeti ti Nzapa - Tënë so amu fini

¹¹ Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Tite 1:11 Iomraidhean Croise

Abia (Psaumes) 107:42

Azo ti mbirimbiri abaa aye ni so si ala yeke na ngia, azo ti sioni kue ayeke kanga yanga ti ala.

Abia (Psaumes) 63:11

Ayeke nzoni a fâ go ti ala na yongoro zeme si kuâ ti ala aga kobe ti anyama ti gbungo kondo.

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 3:5

Tënë so *KOTA GBIA atene na ndö ti awayanga-Nzapa so ayeke handa azo ti mbi ayeke so: “Tongana ala wara ye ti tengo ni, ala yeke fa tënë ti siriri; me tongana mbeni zo amu na ala ye ti tengo ni pepe, ala yeke londo na bira na tere ti zo ni.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Nzoni Tënë so Luc asu na mbeti 20:40

Nilaa, nzara ti kiri ti hunda lo na mbeni tënë asigigi na ya ti ala kue.

Jean 10:12

Me ti zo so ayeke taa wabatango-taba pepe si lo yeke sara gi kua ndali ti nginza, ataba ni ayeke ti lo pepe. Tongana lo baa mbo ti ngonda na gango ni, lo zia ataba ni, lo kpe. Tongaso mbo ti ngonda agbu ataba ni si lo tumba ala kirikiri.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

2 Korente 11:10

Na lege ti taa-tënë ti Christ so ayeke na yanga ti mbi, mbi tene: fade mbeni zo alingbi ti kanga lege na mbi pepe ti gonda tere ti mbi na sese ti Akayi kue.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 2:18

Azo ni so azia lege ti taa-tënë awe si ala yeke tene na azo atene, zingongo ti akuâ ayeke mbeni ye so ahon awe. Na lege ti tënë ti ala, ala yeke kinda mabe ti azo mingi.

2 Timothée 3:6

Ambeni zo na popo ti ala ayeke li na ya ti ada, ala yeke wara ngangu ti ala na ndö ti awali so akpengba pepe, awali so siokpari ahon ndö ti ala si nzara ti asioni ye nde nde ayeke na be ti ala;

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.

Tite 3:10

Zo so ayeke ga na kangbi na ya ti Eglize, mo gboto mê ti lo kozoni. Tongana lo ngba daa, mo kiri mo gboto mê ti lo ti fani use. Na pekoni, tongana lo ma mo pepe, mo zia lo na gigi.