Sofonii 3:9 - Mbeti ti Nzapa - Tënë so amu fini

⁹ “Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Sofonii 3:9 Iomraidhean Croise

Tongo nda ti aye 11:1

Azo ti ndö ti sese kue ayeke tene gi yanga ti kodro oko; atënë ti yanga ti ala kue ague gi oko.

Tongo nda ti aye 4:26

Set nga adu molenge-koli si lo di iri ti lo Enos. Na ngoi ni laa azo ato nda ti sambela Nzapa, ti iri lo KOTA GBIA.

Abia (Psaumes) 113:3

Ti londo na ndo so lâ ayeke londo daa asi na ndo so lâ ayeke kui daa, ayeke nzoni azo asepela iri ti KOTA GBIA!

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Ésaïe 19:18

Na lango ni so, fade agbata ayeke duti oku na Ezipte so azo ayeke tene yanga ti hebro daa, so azo adeba yanga ti ala kâ ti ga azo ti KOTA GBIA so ayeke na ndö ti dunia kue. Oko ti agbata ni, iri ni ayeke duti Gbata-ti-lâ.

Ésaïe 57:19

fade mbi yeke zia bia ti sepela na yanga ti ala.” KOTA GBIA atene: “Siriri na zo so ayeke na yongoro ndo, siriri na zo so ayeke nduru! Biani, mbi yeke kai kobela ti azo ti mbi.”

Ésaïe 6:7

Lo ndu yanga ti mbi na le ti wâ ni si lo tene: “Gi so ye so andu yanga ti mo awe, a zi sioni ti mo awe, a zi siokpari na li ti mo awe.”

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Ezekiel 37:17

Mo tengbi anduru keke ni titene ala gbu tere si aga keke oko na ya ti maboko ti mo.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”