Sofonii 3:8 - Mbeti ti Nzapa - Tënë so amu fini

⁸ So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Sofonii 3:8 Iomraidhean Croise

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 123:2

*KOTA GBIA, Nzapa ti e, le ti e kue ayeke gi na mbage ti mo, tongana ti so le ti angbaa ayeke baa gi maboko ti awa ti ala so, wala tongana ti so ngbaa-wali ayeke baa gi maboko ti wa ti lo so. KOTA GBIA, e yeke baa ndo na mbage ti mo, ngbii mo baa mawa ti e si.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Abia (Psaumes) 37:7

Duti kpoo na tere ti KOTA GBIA, mo zia be ti mo ti ku lo. Zo so ayeke sara ye na lege ti mayere si ye ti lo aga nzoni, mo sara ngonzo na tere ti lo pepe.

Abia (Psaumes) 62:1

Bia so ayeke ndali ti makonzi-bia; a leke ni na kode ti Yedutun. Bia ti David.

Abia (Psaumes) 62:5

Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

Abia (Psaumes) 79:5

*KOTA GBIA, ngonzo ayeke ngba ti sara mo ngbii asi lawa? Sarango mbanda ti mo so ayeke gbi zo tongana wâ so ayeke ngba ngbii asi lawa?

Abia (Psaumes) 79:6

Amara nde so ahinga mo pepe so, tuku ngonzo ti mo na ndö ti ala; tuku ngonzo ni na ndö ti azo ti kodro-gbia so ayeke voro mo pepe so.

Amato 20:22

Mo tene na be ti mo pepe, mo tene: “Sioni so a sara na mbi so, fade mbi yeke kiri peko ni si!” Me mo zia be ti mo na ndö ti KOTA GBIA, fade lo yeke soo mo.

B. ti abia 8:6

Bata mbi nduru na kate ti mo tongana *ye ti kpongo na nzoroko so a su iri ti mo na ndö ni, tongana ye ti kpongo na nzoroko so mo yu na maboko ti mo. Biani, yengo tere ayeke na ngangu tongana kuâ; nzara ti be ayeke nga ye so aso sioni tongana ndo so akuâ ayeke daa; zo alingbi ti sara ye oko na lo pepe. Yengo tere ayeke gbi ndo tongana wâ, lo yeke sungba tongana bekpa.

Ésaïe 14:26

Baa yanga so KOTA GBIA amu ndali ti sese kue laa! Baa ngangu so lo ye ti sara na amara kue laa.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 63:6

Na ya ti ngonzo ti mbi, mbi nika azo; na ya ti sioni ngonzo ti mbi, mbi sara si li ti ala aga kirikiri tongana ti zo so anyon samba ahon ndö ti lo. Mbi tuku mene ti ala na sese.”

Jérémie 10:25

Mo tuku ngonzo ti mo ti wâ na ndö ti amara so ahinga mo pepe, na ndö ti azo so ayeke voro mo pepe. Biani, azo ni afâ azo ti mo, ahunzi ala, ala sara si kodro ti azo ti mo aga ngonda.

Osée 12:6

KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Matthieu 25:32

Fade a yeke bongbi amara kue na dawa ti lo; lo yeke kangbi popo ti ala tongana ti so wabatango-taba ayeke kangbi popo ti ataba ti lo na angasa ti lo:

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Aye so Nzapa afa 16:1

Na pekoni, mbi ma mbeni kota go so alondo na ya ti kota da ti Nzapa si atene na *a-ange mbarambara so, atene: “Ala gue, atuku ngonzo ti Nzapa so ayeke na ya ti akopo mbarambara so na ndö ti sese!”

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.