Sofonii 3:4 - Mbeti ti Nzapa - Tënë so amu fini

⁴ Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Sofonii 3:4 Iomraidhean Croise

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 34:19

Akota zo ti Juda na ti Jérusalem, azo ti kua ti yangbo ti gbia, awayango-sandaga na asenge zo ti kodro, ala so kue ahon na popo ti kete bagara so a suru ya ni use so,

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Ezekiel 22:26

Awayango-sandaga ti ala asara ye alingbi na ndia ti mbi pepe; ndo so a zia nde ndali ti mbi, ala sara si aga sioni. Ye so a zia nde ndali ti mbi na ye so a zia nde pepe, ala kangbi popo ni pepe; ye so ayeke *nzoni na ye so ayeke *sioni, ala fa na azo ti hinga kangbi so ayeke na popo ni pepe. Ala baa *lango ti wungo tere tongana buba ye na le ti ala; ala sara si mbi ga mbumbuse ye na popo ti ala.

Ezekiel 22:6

“Na ndo ti mo, makonzi oko oko ti Israel ayeke luti na ndö ti komandema so lo yeke na ni ti tuku mene.

Ezekiel 44:23

“Awayango-sandaga ayeke fa na azo ti mbi ti hinga popo ti ye so ayeke nde si ayeke nzoni kue nga na ye so ayeke senge ye. Ala yeke fa nga na azo ni ti hinga popo ti ye so ayeke *sioni na ye so ayeke *nzoni.

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Malashii 2:8

Me ala awayango-sandaga, ala zia lege so mbi fa na ala so awe. Na lege ti fango ye ti ala, ala sara si azo mingi amu sioni lege. Ala buba lege ti mbuki so ayeke na popo ti mbi na azo ti mara ti Lévi; tënë so KOTA GBIA so ayeke na ndö ti dunia kue atene laa.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

2 Korente 11:13

Azo ni so ayeke awatokua ti mvene; ala yeke tene mvene na ndo ti kua so ala yeke sara si ala yeke sara tere ti ala tongana awatokua ti Christ.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Awafango-ngbanga 9:4

Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.

1 Samuel 2:22

Heli aga mbakoro mingi. Lo ma tënë ti ye so amolenge ti lo ayeke sara na azo ti Israel kue. Lo ma nga atene, amolenge ti lo ayeke lango na awali so ayeke sara kua na yanga ti da ti bongo so *KOTA GBIA na azo ti lo ayeke wara tere daa.