Sofonii 3:3 - Mbeti ti Nzapa - Tënë so amu fini

³ Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Sofonii 3:3 Iomraidhean Croise

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Jérémie 23:11

Ataa awayanga-Nzapa na awayango-sandaga, ala kue aga sioni. Ataa na ya ti kota da ti mbi, mbi baa peko ti asioni sarango ye ti ala ni; so tënë ti yanga ti KOTA GBIA laa.

Jérémie 34:19

Akota zo ti Juda na ti Jérusalem, azo ti kua ti yangbo ti gbia, awayango-sandaga na asenge zo ti kodro, ala so kue ahon na popo ti kete bagara so a suru ya ni use so,

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Ezekiel 22:6

“Na ndo ti mo, makonzi oko oko ti Israel ayeke luti na ndö ti komandema so lo yeke na ni ti tuku mene.

Ezekiel 33:26

Ala yeke zia be ti ala na ndö ti aye ti bira ti ala, ala yeke sara sioni ye so zo alingbi ti baa na le ti lo fani use pepe; ala yeke lango na wali ti amba ti ala. Ala ye ti mu sese so ti ga ye ti ala tongana nyen?

Habakuk 1:8

Ambarata ti ala ayapu na loro ahon ze, ala yeke hon hio na bira tongana ambo ti ngonda so ayeke gi anyama na lakui. Azo ti kpengo na mbarata ti ala alondo yongoro si ala ga, ala mu ndo kue, ala yeke huru tongana *ngoalo so ayeke huru ti ti na ndö ti nyama.