Sofonii 3:10 - Mbeti ti Nzapa - Tënë so amu fini

¹⁰ Ataa azo so ayeke voro mbi, ala so akangbi yongoro kâ na peko ti *bale ti Etiopii, fade ala yeke ga na mbi *sandaga ti ala.”

Sofonii 3:10 Iomraidhean Croise

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 18:1

So mawa ti nyen! Kodro so amangboko ti lo ayeke na abongo use so a kanga na li ni, kodro so ayeke na tere ti *bale ti Etiopii!

Ésaïe 18:7

Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Awatokua 24:17

“Asara ngu mingi so mbi si na Jérusalem pepe, nilaa mbi ga na nginza ti mu maboko na azo ti mara ti mbi; mbi ga nga ti mu *sandaga na Nzapa.

Awatokua 8:27

Lo londo hio si lo gue. Andaa mbeni *mbaiwa ti Etiopii so ayeke kota wabatango-mosoro ti Kandas, gbia-wali ti Etiopii, ague na Jérusalem ti voro Nzapa.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.