Sofonii 2:8 - Mbeti ti Nzapa - Tënë so amu fini

⁸ “Mbi ma zongango ndo ti azo ti Moab, mbi ma sioni zongango ndo ti azo ti Amon so ala zonga na azo ti mbi. Ala mu sese ti azo ti mbi ti kono na sese ti ala.

Sofonii 2:8 Iomraidhean Croise

Tongo nda ti aye 19:37

Kozo molenge ni adu molenge-koli si lo di iri ti molenge ni Moab. Lo laa lo yeke kotara ti azo ti mara ti Moab ti laso so.

Tongo nda ti aye 19:38

Ngambe ni nga adu molenge-koli si lo di iri ti molenge ni Ben-Ami. Lo laa lo yeke kotara ti azo ti Amon ti laso so.

Ésaïe 15:1

Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 16:6

E ma tënë ti baba ti Moab awe; baba ti lo so ahon ndoni, pikango kate ti lo, bango azo tongana mbumbuse ye, kuru baba ti lo so ahon ndoni, fango tere ti lo so ayeke senge senge.

Jérémie 12:14

Tënë so KOTA GBIA atene ayeke so: “Asioni zo so ayeke lango nduru na azo ti mbi, ala ndu ye so aga ye ti mbi, ala ndu sese so mbi mu ando na Israel, azo ti mbi. Fade mbi yeke gboto azo ni na ndö ti sese ti ala tongana ti so a yeke gboto pere; mbi yeke gboto nga azo ti Juda na popo ti ala.

Jérémie 48:1

Tënë na ndö ti Moab. Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “So mawa na azo ti Nebo: azo abuba gbata ni awe! So ye ti kamene na gbata ti Kiriataim: a mu gbata ni na bira awe! So ye ti kamene na gbata so ngangu gbagba ayeke na tere ni: a kungbi gbagba ni na sese awe!

Jérémie 49:1

Tënë na ndö ti azo ti mara ti Amon. Tënë so *KOTA GBIA atene ayeke so: “Israel ayeke na molenge-koli pepe? Israel ayeke na mbeni zo ti wara aye na peko ti lo pepe? Ngbanga ti nyen si nzapa Milkom amu sese ti Gad si aga ti lo so? Ngbanga ti nyen si azo ti Milkom amu gbata ti Gad si ayeke lango daa so?

Abia ti demango tere 3:61

Mo ma azonga so ala zonga na mbi awe, mo hinga asioni so ala leke ndali ti mbi awe.

Ezekiel 21:28

Azo ti Jérusalem atene na be ti ala atene, tënë ti zeke so ayeke gi ye senge, ngbanga ti so a deba yanga na ala awe ti bata ala. Me gbia ti Babilone adabe ti ala na sioni ti ala; tongaso, a yeke gbu ala titene ala ga azo ti kanga.

Ezekiel 25:1

Tënë ti *KOTA GBIA asi na mbi, atene:

Ezekiel 35:12

Tongaso, fade mo yeke hinga, mo tene, mbi yeke KOTA GBIA; mbi ma azongango ndo so kue mo zonga na ahoto ti Israel, mo tene: ‘Ahoto ni aga benyama awe! A mu ala na e titene e te!’

Ezekiel 36:2

Tënë so mbi Kota Gbia NZAPA, mbi tene ayeke so: Awato ti ala ahe ala, atene: ‘Huuu! Huuu! Angbene hoto so aga ye ti e awe!’

Amos 1:13

Tënë so KOTA GBIA atene ayeke so: “Mbi yeke na tënë na azo ti mara ti Amon ndali ti asioni ye ota, wala osio so ala sara: ala suru ya ti amama ti ngo na sese ti Galaad ti sara si sese ti ala akono. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:1

Tënë so KOTA GBIA atene ayeke so: “Mbi yeke na tënë na azo ti Moab ndali ti asioni ye ota, wala osio so ala sara: ala gbi abio ti gbia ti azo ti Edom, ala gbi abio ni si aga fuku. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Sofonii 2:10

Ye so ayeke si na ala ndali ti baba ti ala laa. Biani, ala zonga azo ti KOTA GBIA so ngangu ti lo ahon angangu kue, ala mu sese ti azo ti lo ti kono na sese ti ala.

Josué 5:9

Na pekoni KOTA GBIA atene na Josué: “Kamene so ala mu na Ezipte aga na ni so, laso, mbi yeke sara titene ahon yongoro na tere ti ala.” Ndani laa azo adi iri ti ndo ni so Gilgal; iri ni so angba ngbii asi laso.