Sofonii 2:5 - Mbeti ti Nzapa - Tënë so amu fini

⁵ Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

Sofonii 2:5 Iomraidhean Croise

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Ésaïe 14:30

Fade awayere ayeke te ye nzoni, azo ti mawa ayeke wu tere nzoni, mbeni ye ti sarango ala ayeke daa pepe. Me ti ala azo ti Filistii, fade mbi yeke sara titene *ahale ti ala akui nzara si tanga ti azo ti ala so angba na fini, a yeke fâ ala.

Jérémie 47:7

– Me yongoro zeme ni alingbi ti wu tere ti lo tongana nyen? KOTA GBIA laa amu yanga na lo ti gue ngbii ti si na Askalon nga na tere ti kota ngu-ingo. Ndo so lo mu yanga na lo ti si daa laa.”

Ezekiel 25:16

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Filistii, mbi yeke fâ ala kue kue kue, azo ti Kaftor, ala so ayeke lango na yanga ti kota ngu-ingo so.

Amos 3:1

Ala azo ti Israel, ala azo ti sewa so *KOTA GBIA asara si ala sigigi na Ezipte, ala ma tënë so lo tene na tere ti ala, lo tene:

Amos 5:1

Azo ti Israel, ala ma tënë so: mbi ye ti he bia ti totongo kuâ so na ndö ti ala.

Sofonii 1:11

Ala azo ti vaka Ti-gbeni, ala dekongo ngangu, ngbanga ti so a fâ azo ti kango ye kue awe, a hunzi azo ti dengo buze kue awe.

Sofonii 3:6

KOTA GBIA atene: “Mbi hunzi ambeni mara kue awe, mbi kungbi agbagba ti bira ti ala; mbi sara si ndö ti alege ti ala angba senge, zo oko akiri ahon daa pepe; mbi buba agbata ti ala kue awe, zo oko angba pepe, zo ti lango na ya ni ayeke daa pepe.

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Marc 12:12

Amakonzi ti azuife agi lege ti gbu Jésus, ngbanga ti so ala hinga atene, lo tene toli so na ndö ti ala; me ala sara mbeto ti gba ti azo. Tongaso ala zia lo si ala gue.

Josué 13:2

Baa, tanga ti asese so angba ayeke so: sese kue ti azo ti Filistii na sese kue ti azo ti Geshur.

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.

1 Samuel 30:14

E gue lani e tiri bira na mbage ti Mbongo ti azo ti Kereti, na sese ti Juda nga na Mbongo ti azo ti Kaleb. E gbi gbata ti Siklag.”