Sofonii 2:4 - Mbeti ti Nzapa - Tënë so amu fini

⁴ Zo ayeke kiri ti ngba na ya ti gbata ti Gaza pepe, gbata ti Askalon ayeke ga ngonda; a yeke tumba azo ti Asdod gi na bekombite, a yeke gboto azo ti Ekron tongana ti so a yeke gboto pere na gunda ni kue.

Sofonii 2:4 Iomraidhean Croise

Abia (Psaumes) 91:6

ataa sioni kobela ti bubango kodro so ayeke hara zo na ya ti vukongo ndo, ataa ndonga so ayeke fâ azo na kota lâ.

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 25:20

na amara nde nde so kue ayeke lango na Ezipte; – agbia ti kodro ti Us; – agbia ti sese ti Filistii: ala ti Askalon, ti Gaza, ti Ekron na tanga ti azo ti Asdod;

Jérémie 6:4

Ala dekongo, atene: “E leke tere ti e ti tiri bira na azo ti gbata ni. Ala londo ma! E gue, e gbu ala taa na bekombite. So mawa na e! Lâ aga nduru ti kui awe, agbe ti de ayeke yo.