Sofonii 2:12 - Mbeti ti Nzapa - Tënë so amu fini

¹² “Ala azo ti Etiopii nga, fade mbi yeke sara si ala kui na ya ti bira.”

Sofonii 2:12 Iomraidhean Croise

Abia (Psaumes) 17:13

KOTA GBIA, londo, gue na tere ti ala, mo kinda ala! Na lege ti yongoro zeme ti mo, mo zi mbi na maboko ti azo ti sioni.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 20:3

Na ngoi so a mu gbata ti Asdod, KOTA GBIA atene tënë na lege ti Ésaïe, atene: “Baa, ngu ota laa Ésaïe, zo ti kua ti mbi atambula tere ti lo senge, gere ti lo senge. Ye ni afa mbeni ye so ayeke si, ye ti gbotongo mê ndali ti Ezipte na Etiopii.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ezekiel 30:24

Me mbi yeke sara si maboko ti gbia ti Babilone awara ngangu si mbi yeke zia yongoro zeme ti mbi na maboko ti lo. Mbi yeke kungbi maboko ti Faraon si lo yeke dema na dawa ti wato ti lo tongana zo so awara ka ti fango lo.