Sofonii 1:18 - Mbeti ti Nzapa - Tënë so amu fini

¹⁸ Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Sofonii 1:18 Iomraidhean Croise

Tongo nda ti aye 6:7

Lo tene: “Mbi yeke sara ande titene azo so mbi sara ala so ahunzi kue na ndö ti sese, ala na anyama ti kodro, na anyama so ayeke hara harango, na andeke ti nduzu. Tongana mbi sara fade ala pepe, ka ayeke nzoni mingi.”

1 Agbia 14:22

Azo ti mara ti Juda asara ye so ayeke sioni na le ti KOTA GBIA. Ala sara si ngonzo ti lo alondo na lege ti siokpari so ala sara ahon ti akotara ti ala.

Mbeti ti Job 21:30

Na lango so ye ti ngangu ayeke si, zo ti sioni ayeke sigigi na ya ni, ngonzo ti Nzapa ayeke wara lo pepe.

Mbeti ti Job 3:15

wala na amolenge ti gbia so lani ayeke na lôro, nga na aye so a sara na wen ti nginza si asi singo na ya ti ada ti ala.

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Abia (Psaumes) 79:5

*KOTA GBIA, ngonzo ayeke ngba ti sara mo ngbii asi lawa? Sarango mbanda ti mo so ayeke gbi zo tongana wâ so ayeke ngba ngbii asi lawa?

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Amato 18:11

Ti zo ti mosoro, mosoro ti lo ayeke tongana ngangu gbagba ti batango lo. Na ya ti gbungo-li ti lo, lo baa lo tene, mosoro ni ayeke tongana ngangu gbagba na tere ti lo.

Ésaïe 1:24

Ndani laa, so tënë ti yanga ti Kota Gbia NZAPA laa, lo so lo yeke na ndö ti dunia kue, ngangu Nzapa ti Israel atene: “Mawa na ala, azo so ake mbi! Fade mbi yeke nika ala nikango, mbi yeke kiri peko ti sioni na awato ti mbi.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Ezekiel 16:38

Fade mbi yeke fâ ngbanga na li ti mo alingbi na ti so a yeke fâ na li ti awali ti gingo koli ti amba ti ala nga na ala ti tukungo mene. Mbi yeke tuku mene ti mo na lege ti ngonzo ti mbi ti wâ nga na lege ti mbanda ti mbi.

Ezekiel 23:25

Mo Oholiba, fade mbi yeke sara mbanda na tere ti mo; azo ni ayeke sara ye na mo na lege ti sioni ngonzo; ala yeke fâ hon ti mo na mê ti mo. Tanga ti azo ti mo so angba na fini, ala yeke kui kuâ ti yongoro zeme. Azo ni ayeke mu amolenge ti mo ti koli na ti wali; aye ti mo so angba so, fade a yeke gbi ni kue na wâ.

Ezekiel 7:11

Sarango ngangu na zo aga tongana keke so ayo na nduzu ti pika na zo. Mbeni ye ti ala oko ayeke ngba pepe, ataa mosoro ti ala, ataa wuluwulu ti ala, wala baba ti ala!

Ezekiel 7:19

Ala yeke tuku nginza ti ala na ndö ti alege, lôro ti ala ayeke ga tongana zende na le ti ala. Na lango ti ngonzo ti KOTA GBIA, nginza na lôro ti ala alingbi ti soo ala pepe. Ala yeke wara kobe ti kai na nzara ti ala pepe, ala yeke kui nzara, ngbanga ti so nginza na lôro laa abi ala na ya ti siokpari.

Ezekiel 7:5

“Tënë so Kota Gbia NZAPA atene ayeke so: Kpale ayeke ga! Mbeni kpale ti lingbi na ni ayeke daa pepe!

Sofonii 1:11

Ala azo ti vaka Ti-gbeni, ala dekongo ngangu, ngbanga ti so a fâ azo ti kango ye kue awe, a hunzi azo ti dengo buze kue awe.

Sofonii 1:15

Lango ni ayeke lango ti ngonzo, lango ti ye ti ngangu na ti kota mbeto, lango so ye kue ayeke buba na lango ti kota kpale; lango so ndo ayeke vuko pitipiti, lango ti vukongo ndo, lango ti mbinda na ti vuko mbinda.

Sofonii 2:2

kozoni si mbela ni asi, ngbanga ti so lango ni ayeke hon tongana holengo pere so pupu amu ahon na ni. Ala gbu li ti ala kozoni si sioni ngonzo ti *KOTA GBIA aga na ndö ti ala, kozoni si lango ti ngonzo ti KOTA GBIA aga na ndö ti ala.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’