Sofonii 1:11 - Mbeti ti Nzapa - Tënë so amu fini

¹¹ Ala azo ti vaka Ti-gbeni, ala dekongo ngangu, ngbanga ti so a fâ azo ti kango ye kue awe, a hunzi azo ti dengo buze kue awe.

Sofonii 1:11 Iomraidhean Croise

Mbeti ti Job 27:16

Ataa ala bongbi nginza tongana fuku ti sese, ataa ala bongbi bongo gbani gbani tongana potopoto,

Mbeti ti Job 27:17

zia ala bongbi ni ma! Fade zo ti mbirimbiri laa ayeke yu abongo ni; zo so tënë ayeke na li ti lo pepe laa, nginza ni ayeke ga ti lo.

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Ezekiel 21:12

Tongana ala hunda mo, atene: ‘Mo yeke dema ngbanga ti nyen?’ Fade mo kiri tënë na ala, mo tene: ‘Mbi ma mbeni sioni sango, ye ni ayeke si. Fade be ti azo kue ayeke fâ, maboko ti azo ayeke woko, ngangu ayeke tia azo, alikunu kue ayeke do kpakpakpa. Ngoi ni alingbi awe! Ye ni asi fadeso awe!’ So tënë ti yanga ti Kota Gbia NZAPA laa.”

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:5

Ala azo so ayeke angbaa ti samba, ala zingo, ala toto! Ala azo so kue ayeke nyon vin, ala dema tere ti ala, ngbanga ti so a zi fini vin na yanga ti ala awe.

Sofonii 2:5

Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

Zakarii 14:21

Atawa so kue ayeke na Jérusalem na atawa so kue ayeke na Juda, fade a yeke zia ni nde ndali ti KOTA GBIA so ayeke na ndö ti dunia kue. Azo so kue ayeke ga ti ya *sandaga, ala yeke mu atawa ni ti to na anyama ti sandaga ni. Tongana lango ni so alingbi, fade a yeke kiri ti baa azo ti dengo buze na ya ti kota da ti KOTA GBIA pepe, lo so lo yeke na ndö ti dunia kue so.

Jean 2:16

Lo tene na azo ti kango ambipa ni, lo tene: “Ala zi aye so kue, ahon na ni! Ala sara si da ti Babâ ti mbi aga ndo ti dengo buze pepe!”

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!